Bazar günü Yəmənin Neft və Mineral Resurslar Nazirliyi Dunya Bankı ilə birgə ölkənin EİTİ-a qoşulması ilə bağlı “Yəmən şəffaflıq şurasının yaradılması üçün təşəbbüs” üzrə görüş keçirib. Neft və Mineral Resurslar Naziri cənab Xalid Baha Yəmənin EİTİ-a qoşulan ilk ərəb ölkəsi olduğunu və EİTİ-a üzv olan ölkələrin siyahısında 23-cü yeri tutduğunu vurğulamışdı.

Şəffaflığın gücləndirilməsində, qlobal korrupsiyanın ləğv edilməsində və hesabatlılığın artırılmasında bir vasitə kimi EİTİ-ın beynəlxalq aləmdə oynadığı rolu nazir Baha tərifləmişdir. O, demişdir: “EİTİ neftlə zəngin bütün ölkələrdə şəffaflığın gücləndirilməsi və insanların neft, gaz və mədənlərdən toplanan gəlirlərin necə istifadə olunduğunu dəqiq bilmələri üçün yaradılmışdır”. Həmçinin, nazir əlavə etmişdir: “Bu, həmin ölkələrdə yoxsulluqla mübarizə aparmaq və güclü igtisadiyyata malik olmaq üçün qeyd olunan gəlirlərin idarə olunmasını yaxşılaşdırmağa imkan verir”.
Cənab Baha Tender və Auksionlara dair yeni Qanun, Milli Anti-Korrupsiya Orqanı, azad media və interaktiv vətəndaş cəmiyyəti təşkilatları, həmçinin, Nəzarət və Auditə dair Mərkəzi Təşkilatın (COCA) yaxşılaşdırılmış idarəetmənin vasitələri olduğunu qeyd etmişdir.

◄ 1 ... 8 9 10 ... 12 ► ☼ A ₪

Sənədin sonuncu korrektə tarixi: 16/1/2008 - 15:30:46