Bu addımı dəstəkləyən qrupun milli koordinatoru Devid Uqolor əmindir ki, ölkədəki vətəndaş cəmiyyəti qrupları NMSŞT haqqında qanunun qlobal Mədən Sənayesində Şəffaflıq Təşəbbüsünün (MSŞT)  prinsip  və meyarlarına cavab verməsini təmin etmək üçün hökumət və onun bütün orqanları ilə işləməyi davam etdirəcək.

Bu yaxınlarda Milli Assambleyadan  keçirilmiş sənədə imza atarkən Obasanjo qeyd edib ki, özündən sonra Nigeriyanın neft və qaz, eləcə də bərk faydalı qazıntılar sənayesində davamlı gəlirlərin şəffaflığı irsini qoymaq üçün bu hərəkəti etdiyinə görə çox məmnundur. 

D.Uqolor  sənədin imzalanması ilə Nigeriyanın yeni prezidenti Umar Yar Aduanın  NMSŞT-nü davam etdirmək üçün hüquqi əsasının yarandığını xüsusi vurğulayıb: “Biz şadıq ki, yeni prezident seçkiqabağı kampaniyası zamanı bu prosesi davam etdirəcəyini bəyan etmişdi. Zamanında biz bu öhdəliyin yerinə yetirilməsinə təkid edəcəyik."