BÖLMƏLƏR
|
|
Rusiya Transxəzər qaz kəmərinə alternativ yaradır
Mayın 12-də Türkmənbaşı şəhərində
Türkmənistan, Rusiya və Qazaxıstan arasında yeni qaz kəmərinin inşası ilə
bağlı razılaşma əldə olunub. Prezidentlər Qurbanqulu Berdımuxammedov, Vladimir
Putin və Nursultan Nazarbayevin iştirakı ilə keçirilən sammitdə Xəzəryanı Qaz
Kəməri barədə qəbul olunmuş razılaşmada inşaya dair müvafiq sazişin bu ilin
sentyabr ayının 1-dək imzalanması nəzərdə tutulur.
 Sammitin yekunlarına dair üç ölkənin dövlət başçılarının imzaladığı yekun bəyannaməyə əsasən, imazalanması planlaşdırılan sazişdə kəmərin inşasının texniki-iqtisadi əsaslandırılmasının işlənməsi, layihənin icrasının əsas xüsusiyyətləri və müddəti, onun iqtisadi cəhətdən effektli həyata keçirilməsi üçün əlverişli iqtisadi mühütin yaradılmasına dair tərəflərin birgə öhdəlikləri əks olunacaq, habelə layihənin icrası ilə məşğul olacaq müvəkkil təşkilatlar müəyyənləşəcək.Qeyd edək ki, beynəlxalq ekspertlər bu razılaşmanı Rusiyanın onun enerji asılılığından qurtarmağa çalışan Avropa Birliyi və ABŞ-a qarşı demarşı kimi qiymətləndirirlər. Çünki Rusiyanın patronajlığı altında tikiləcək yeni kəmərin inşasının AB və ABŞ-ın ciddi şəkildə dəctəklədiyi Transxəzər qaz kəməri (Kəmərin Orta Asiya qazını Azərbaycan vasitəsilə Avropaya çatdırması nəzərdə tutulurdu –red. ) ideyasının iflasına səbəb olacağı proqnozlaşdırılır. Sənədin sonuncu korrektə tarixi: 16/1/2008 - 15:30:35
|
|
