Heç kimə sirr deyil ki, Azərbaycan iqtisadiyyatının dinamik inkişafı və  vətəndaş rifahının təminatı    neft gəlirlərinin şəffaflığı və onlardan səmərəli istifadə olunması, eyni zamanda  bu prosesdə ictimai iştirakçılıq  milli inkişaf strategiyasının başlıca vəzifəsi olmalıdır. Ona görə də   əldə edilən gəlirlər və onun xərclənməsi üzərində ictimai nəzarətin təmin edilməsinin  vacibliyini nəzərə alaraq bu ilin oktyabr ayının 15-də keçiriləcək Azərbaycan Respublikası Prezidentliyinə  seçki ilə əlaqədar Milli Büdcə Qrupu və «Mədən Sənayesində Şəffaflığın Artırılması» üzrə   QHT Koalisiyası adından Sizlərə müraciət edirik.

Hörmətli namizəd, 

 Heç kimə sirr deyil ki, Azərbaycan iqtisadiyyatının dinamik inkişafı və  vətəndaş rifahının təminatı   neft gəlirlərinin şəffaflığı və onlardan səmərəli istifadə olunması, eyni zamanda  bu prosesdə ictimai iştirakçılıq  milli inkişaf strategiyasının başlıca vəzifəsi olmalıdır. Ona görə də   əldə edilən gəlirlər və onun xərclənməsi üzərində ictimai nəzarətin təmin edilməsinin  vacibliyini nəzərə alaraq bu ilin oktyabr ayının 15-də keçiriləcək Azərbaycan Respublikası Prezidentliyinə  seçki ilə əlaqədar Milli Büdcə Qrupu və «Mədən Sənayesində Şəffaflığın Artırılması» üzrə   QHT Koalisiyası adından Sizlərə müraciət edirik.

 Dəyərli namizəd, nəzərdən qaçırmayın ki, qoşulduğunuz növbəti prezident seçkisi  Azərbaycanın müstəqillik tarixinin ən məsuliyyətli və şərəfli dövrünə təsadüf etməkdədir. Ictimaiyyətə  təqdim olunacaq proqramlar və seçki platformaları yalniz özündə müasir dövrün aktual və ictimai əhəmiyyətli məsələlərini əks etdirəcəyi tədqirdə uğur qazana bilər. Hazırda  aktuallığına və ictimai  əhəmiyyətinə görə ön sırada duran məsələlərdən biri  neft gəlirlərinin  şəffaf və səmərəli idarə olunmasıdır. İctimai maraq kəsb  edən bu istiqamətə Sizlərin münasibət bildirməyiniz  və prezident seşilərsinizsə bu sahədəki fəaliyyətiniz haqda proqramınızın  təbliğatınızda geniş yer alması vacibdir. Bununla Siz əldə ediləcək neft gəlirlərinin  səmərəli və şəffaf idarə olunmasına  verəcəyiniz töhfə ilə ictimai diqqətin  cəlb edə bilərsiniz.

 Rəsmi statistik məlumatlara görə,  01 sentyabr 2008-ci il tarixinə, Dövlət Neft Fondunun aktivlərinin həcmi 10 milyard ABŞ dollarını keçmişdir. Bu il üçün dövlət büdcəsinin gəlirləri 10 milyard 484 milyon manat proqnozlaşdırılmışdır. Məlumdur ki,  boyük neft dollarlarınin Azərbaycana axınının müsbət cəhətləri ilə yanaşı kifayət qədər problemli tərəfləri də mövcuddur..  Ən ciddi problemlərdən biri isə boyük neft dollarlarının xərclənməsi ilə bağlıdır - neft dollarları hansı məqsədlə və necə xərclənəcək? Bu pullar yalnız cari layihələrə xərclənəcək,  yoxsa gələcək nəsillər üçün də saxlanılacaq? Neft dollarının ölkəyə axını Holland sindromuna səbəb olacaqmı? Bu və bu kimi suallar xeyli müddətdir ki, vətəndaşlarımızı narahat edir. Azərbaycan hökuməti isə bu narahatlıqlardan uzaq məsafədə  durur və cari lahiyələri maliyyələşdirməkdə xəsislik etmir. Belə ki, qısa bir müddət ərzində dövlət büdcəsinin investisiya xərclərinin həcmi yüzlərlə dəfə artaraq 2007-ci ildə 1,9 mlrd. manata çatmışdır (büdcə xərclərinin 30.4%-i). 2008-ci ildə isə dövlət investisiya xərcləri 4,3 mlrd. manat və ya cəmi büdcə xərclərinin 40%-i məhz investisiya məqsədlərinə yönəldiləcəkdir. Eyni zamanda 2008-ci ildə bütün mənbələr üzrə sərf olunacaq dövlət investisiya xərcləri gözlənilən ÜDM-in təxminən 20%-i həcmində olacaqdır.

  Dövlət invetsiya xərclərinin təxminən 70%-nin infrastruktur və sosial layihələr olduğunu nəzərə alsaq, bu layihələrin formalaşmasında və icrasinda vətəndaşların iştirak imkanlarının artırılmasına, şəffaflığın və səmərəliliyin təminatına  böyük ehtiyacın olduğunu görərik.

 Milli Büdcə Qrupu və «Mədən Sənayesində Şəffaflığın Artırılması» üzrə QHT Koalisiyası olaraq bəyan edirik  ki, neft gəlirlərinin şəffaf və səmərəli idarə olunması istiqamətində milli, dini və siyasi mənsubiyyətindən asılı olmayaraq hər bir namizədlə əməkdaşlıq etməyə  hazırıq. Eynı zamanda, təkidlə diqqətə çatdırmaq istəyirik ki, prezidentliyə  namizədlərin platformalarında  əldə ediləcək neft gəlirlərinin  şəffaf və səmərəli idarə olunması məsələlərinə geniş yer ayrılması Koalisiyanı təmsil edən 100-dən çox QHT-nin, Milli Büdcə Qrupunda təmsil olunan 10 nəfərədək  tanınmış ekspertin və bütövlükdə  cəmiyyətin  maraqları ilə üst-üstə düşəcəkdir.

Odur ki, Sizlərdən  aşağıdakı məsələlərin platformanizda əks etdirilməklə, çıxışlarınızda istifadə olunmaqla ictimai diqqət mərkəzinə gətirilməsini və bununla da gələcək fəaliyyətinizlə bağlı seçici maraqının artmasını  təklif  edirik:

• Azərbaycan Respublikası Dövlət Neft Fondu haqqında Qanun qəbul edilməsi yolu ilə Fondun vəsaitlərinin  idarə olunmasına parlament nəzarətinin təminatı;
• Azərbaycan Respublikası Dövlət Neft Fondu haqqında Əsasnamənin tələblərinə uyğun olaraq Fondun Müşahidə Şurasında ictimai təşkilatların nümayəndələrinin təmsilçiliyinə nail olmaqla ictimai nəzarətin artrırılmasını;
• Beynəlxalq Mədən Sənayesində Şəffaflıq Təşəbbüsünə qoşulan və Azərbaycanda fəaliyyət göstərən yerli və xarici şirkətlərin fərdi hesabatlılığa keçidi;
• Azərbaycan Respublikası Dövlət büdcəsinin proqramlar əsasında təsnifatı işlərinin sürətləndirilməsini;
• İnvestisiya layihələrinin həyata keçirilməsində ictimai iştirakçılığın təminatı üçün hüquqi və  institutsional əsasların yaradılmasını.

 Sizləri Azərbaycanın parlaq gələcəyi  naminə əməkdaşlığa dəvət  edirik. 

Milli Büdcə Qrupunun İdarə Heyəti
«Mədən Sənayesində Şəffaflığın Artırılması» üzrə QHT Koalisiyası Şurası
Bakı şəhəri, 12 senytabr 2008-ci il 

◄ 1 ... 54 55 56 ... 61 ► ☼ A ₪

Sənədin sonuncu korrektə tarixi: 23/9/2008 - 14:41:12