İctimai Birliklərin “Mədən sənayesində  şəffaflığın artırılması” Koalisiyası 17 iyun 2008-ci ildə  Norveç Krallığının Azərbaycandakı səfirliyinin maliyyə dəstəyi ilə həyata keçirilən  layihəsi çərçivəsində  Irşad Hotelində beynəlxalq və yerli şirkətlərin iştirakı ilə “MHŞT-in Azərbaycanda tətbiqi: 5 illik dövrə retrospektiv baxış”  mövzusunda konfrans keçirib. Konfransda MHŞT üzrə Milli Hökumət Komissiyanın sədri,  Dövlət Neft Fondunun icraçı direktoru Şahmar Mövsümov,  Norveç Krallığının Azərbaycandakı səfiri Jon Ramberg, Azərbaycanda fəaliyyət göstərən neft-qaz şirkətlərinin nümayəndələri, Dünya Bankının və Açıq Cəmiyyət İnstitunun təmsilçiləri və Koalisiya üzvləri iştirak edirdi. Konfransı giriş sözü ilə İctimai Birliklərin MSŞA Koalisiyasının Şura üzvü  Fəqan Əliyev və Norveç Krallığının Azərbaycandakı səfiri Jon Ramberg çıxış etdilər. Norveç Krallığının Azərbaycandakı səfiri Jon Ramberg çıxışında diqqəti  hökümətlə vətəndaş cəmiyyət arasında dialoqun üstünlüklərinə cəlb etdi.

Sonra  MHŞT üzrə Milli Hökumət Komissiyanın sədri Şahmar Mövsümov  son  5 ildə MHŞT Azərbaycanda tətbiqi nəticəsində qazanclar, nailiyyətlərdən danışdı. Son zamanlar müzakirə olunan yeni təşəbbüslərə, ideyalara münasibət bildirərək, diqqəti Azərbaycanda həyata keçiriləcək beynəlxalq dəyərləndirmə prosesinə cəlb etdi. Şahmar Mövsümov bu prosesin Azərbaycanda çox ağır və və ciddi müzakirələr nəticəsində əmələ gəldiyini vurğuladı və qeyd etdi ki,  bütün bu nailiyyətlər beynəlxalq səviyyədə layiqli qiymətləndirilir. O, Azərbaycan Dövlət Neft Fonduna BMT-nin Dövlət Qulluğunda  Şəffaflığa görə verdiyi mükafatı misal göstərdi.  Ş.Mövsümov Azərbaycan höküməti adından BMT-yə təqdim ediləm  MHŞT qətnaməsinin qəbuluna çalışdıqlarını bildirdi.
MHŞT-in Azərbaycanda tətbiqi prosesində vətəndaş cəmiyyətinin iştirakı barədə İctimai Birliklərin MSŞA Koalisiyasının Əlaqələndiricisi Qubad İbadoğlu çıxış etdi. Q.Ibadoğlu əvvəlcə konfrans iştirakçılarını Koalisiyanın missiyası, strateji məqsədləri və bu il üçün nəzərdə tutulan Fəaliyyət Proqramı barədə məlumatlandırdı. Sonra o konfrans iştirakçılarının diqqətini Koalisiyanın narahatlıqlarına cəlb etdi. Qeyd etdi ki, ictimai qərarların qəbulunda vətəndaş içtirakçılığı sahəsində passivlik  müşahidə olunur, dövlət orqanlarının, mədən sənayesi şirkətlərin MHŞT-yə marağı azalır və  bu müstəvidə vətəndaş cəmiyyəti ilə təmaslarda artıq əvvəlki intensivlik yoxdur, donorların  vətəndaş cəmiyyətini əvvəlki templə dəstəkləməməsi səbəbindən ötən illər ərzində yaranmış potensialın  itirilməsi təhlükəsi yaranır, MHŞT  tətbiq olunan ölkələrdə  mineral resurslardan asılılıq artır, investisiya mühiti  pisləşir, milli iqtisadiyyatın rəqabət qabliyyətliliyi  aşağı düşür, cəmiyyətdə sosial differsiallaşma güclənir və  korrupsiya çoxalır. O təklif  etdi ki, maraq qruplarının (hökumət-şirkətlər-vətəndaş cəmiyyət institutlarının Koalisiyası) formatında  daimi əsaslarla  fəaliyyət göstərən  qurum yaradılsın, hesabat formaları üzrə açıqlanan göstəricilər siyahısı genişləndirilsin,  Memorandumda müvafiq dəyişikliklər edilməklə  şirkətlərin fərdi açıqlamaları  tətbiq olunsun, mədən  sənayesinin digər sahələrində də şəffaflıq təşəbbüsünün  tətbiqi vasitəsilə hesabatlılıq genişləndirilsin, mədən sənayesində fəaliyyət göstərən şirkətlər auditdən keçsin. 

◄ 1 ... 48 49 50 ... 53 ► ☼ A ₪

Sənədin sonuncu korrektə tarixi: 26/7/2008 - 12:26:54