Mədən Sənayesində Şəffaflığın Artırılması Koalisiyası Norvec Krallığının Azərbaycandakı səfirliyinin maliyyə dəstəyi ilə “Neft gəlirlərinin xərclənməsində şəffaflığın artırılması” layihəsini həyata keçirir. Layihə çərçivəsində nəzərdə tutulan 5 istiqamətdən biri  “Regional TV-lərdə Tok-Şouların təşkili”dir.

Bu istiqamət üzrə 3 regionda – Zaqatala şəhərində “Aygün TV”, Quba şəhərində “Qütb TV”, Gəncə şəhərində isə “Alternativ” TV-də Tok-Şouların keçirilməsi nəzərdə tutulub. Aprel ayının 12-də Qubanın “Qütb TV”  kanalında, 19-da Zaqatalanın “Aygün TV”  kanalında, may ayının 13-də isə Gəncənin “Alternativ “ TV-də Tok-Şouların çəkilişlərinin aparılması ilə bağlı razılıq əldə olunub.

Tok-Şoularda iştirak etmək üçün MSŞAK-dan 3 ekspert seçilib. Ekspertlər Mirvari Qəhrəmanlı, Azər Mehtiyev və Qubad İbadoğludur. Artıq aprelin 12-də Qubanın “Qütb TV” kanalında ekspert M.Qəhrəmanlının iştirakı ilə Tok-Şounun çəkilişi aparılıb. Veriliş aprel ayının 20-də “Qütb TV”-də saat 17.00-da efirdə nümayiş olunub. Veriliş 1 ssat müddətində efirdə yayımlanıb. İstiqamət üzrə nəzərdə tutulan ikinci Tok-Şounun cəkilişi isə aprel ayının 19-da Zaqatalanın “Aygün TV” kanalında aparılıb. İkinci Tok-Şouda ekspert qismində A.Mehtiyev iştirak edib. MSŞTAK-nın Şura üzvü A.Mehtiyevlə aşağıdakı mövzular ətrafında müzakirələr, diskussiya aparılıb: 

1.  Azərbaycanın neft strategiyası, onun yaxın müddətli hədəfləri;

2.  Neft gəlirlərinin xərclənməsində şəffaflığın təmin olunmasında vətəndaş cəmiyyətinin rolu;

3.  Neft gəlirlərinin səmərəli idarə edilməsinin Azərbaycan vətəndaşının sosial durumuna təsiri;

4.  Neft müqavilələri və BTC – Biz bu haqda nə bilirik?

5.  Neft gəlirlərinin Azərbaycanın regionlarının inkişafında, sosial-iqtisadi problemlərinin həllində rolu.

Qeyd edək ki, çəkiliş zamanı yuxarıda qeyd edilən mövzularla yanaşı Zaqatala sakinlərini maraqlandıran digər suallar da cavablandırılıb. Dünya bazarında neftin qiymətinin artması ilə əlaqədar baş verən dəyişikliklər, ölkədə həyata keçirilən sosial yönümlü islahatların mahiyyəti, xalqın milli sərvəti olan və bir zaman tükənəcək neftə alternativ digər mənbələrin axtarılması, neft ixrac edən bəzi ölkələrdə əhalinin sosial rifahını yaxşılaşdırmaq üçün tətbiq edilən təcrübələrin Azərbaycanda tətbiq edilməsinin mümkünlüyü və sair.

Çəkilişdə yerli sakinlərdən 15 nəfər iştirak edib.  

Tok-şounun Zaqatalanın “Aygün TV”-nin efirində nə zaman nümayiş olunacağı ilə bağlı Koalisiya üzvlərinə əlavə məlumat veriləcək.

Layihənin icrasına məsul
Mətanət Müslümqızı

◄ 1 ... 45 46 ► ☼ A ₪

Sənədin sonuncu korrektə tarixi: 25/4/2008 - 19:13:10