Mədən Sənayesində Şəffaflığın Artırılması Koalisiyası Norvec Krallığının Azərbaycandakı səfirliyinin maliyyə dəstəyi ilə “Neft gəlirlərinin xərclənməsində şəffaflığın artırılması” layihəsini həyata keçirir. Layihə çərçivəsində nəzərdə tutulan 5 istiqamətdən biri  “Regional TV-lərdə Tok-Şouların təşkili”dir.

Bu istiqamət üzrə mart ayı ərzində 3 regionda – Quba, Zaqatala və Gəncə şəhərlərində hazırlıq işləri aparılıb. Zaqatala şəhərində “Aygün TV”, Quba şəhərində “Qütb TV”, Gəncə şəhərində isə “Alternativ” TV-də Tok-Şouların keçirilməsi üçün danışıqlar aparılıb. Əldə olunan razılığa əsasən aprelin 12-də Qubanın “Qütb TV”  kanalında, aprelin 19-da Zaqatalanın “Aygün TV”  kanalında, may ayının 13-də isə Gəncənin “Alternativ “ TV-də Tok-Şouların çəkilişləri aparılacaq.

Tok-Şoularda iştirak etmək üçün MSŞAK-dan 3 ekspert seçilib. Ekspertlər Mirvari Qəhrəmanlı, Azər Mehtiyev və Qubad İbadoğludur. Ekspetlər M.Qəhrəmanlı aprelin 12-də Qubanın “Qütb TV” kanalında, A.Mehtiyev Zaqatalanın “Aygün TV” kanalında, Q.İbadoğlu isə Gəncənin “Alternativ” kanalında çəkilişləri aparılacaq Tok-Şoularda seçilmiş mövzular ətrafında çıxış edəcəklər. Ekspertlərlə layihənin mahiyyəti, seçilmiş mövzular, Tok-Şouların keçiriləcəyi ilə bağlı müzakirələr aparılıb. Tok-Şoularda aşağıdakı mövzular ətrafında müzakirələr, diskussiya aparılacaq. 

1.  Azərbaycanın neft strategiyası, onun yaxın müddətli hədəfləri;

2.  Neft gəlirlərinin xərclənməsində şəffaflığın təmin olunmasında vətəndaş cəmiyyətinin rolu;

3.  Neft gəlirlərinin səmərəli idarə edilməsinin Azərbaycan vətəndaşının sosial durumuna təsiri;

4.  Neft müqavilələri və BTC – Biz bu haqda nə bilirik?

5.  Neft gəlirlərinin Azərbaycanın regionlarının inkişafında, sosial-iqtisadi problemlərinin həllində rolu.

İstiqamət üzrə nəzərdə tutulmuş ilk tədbir artıq həyata keçirilib. Aprelin 12-də Quba şəhərində “Qütb TV”-də ekspert M.Qəhrəmanlının iştirakı ilə Tok-şounun çəkilişi aparılıb. Çəkilişdə yerli sakinlərdən 10 nəfər iştirak edib.

Tok-şounun efirdə nümayiş olunacağı vaxtla bağlı şebekeye elave melumat verilecek.

Layihənin icrasına məsul
Mətanət Müslümqızı

P.S.

Hörmətli Kolisiya üzvləri!

MSŞTAK-nin Norveç Kralliğinin maliyyə dəstəyi ilə həyata keçirdiyi "Neft gəlirlərinin xərclənməsində şəffafliğin artırilması" layihəsi üzre "Region TV-lərde Tok-Şouların keçirilməsi" istiqamətinin ilk tədbiri keçirilib. Nəzərinizə catdırıram ki, Tok-Şou aprelin 20-də saat 5.00-da Qubanın "Qütb TV" kanalının efirinde yayimlanacaq.

◄ 1 ... 42 43 44 ... 46 ► ☼ A ₪

Sənədin sonuncu korrektə tarixi: 17/4/2008 - 19:23:37