25 yanvar 2008-ci il tarixdə saat 11.00-da Beynəlxalq Mətbuat Mərkəzində (F.Əmirov, 1) İctimai Birliklərin Mədən Sənayesində Şəffaflığın Artırılması üzrə Koalisiyası 2008-ci il üzrə Fəaliyyət Proqramının təqdimatını keçirəcək.

Bu sənəd beynəlxalq və regional səviyyədə müşahidə olunan dəyişiklikləri, ölkə daxilində qərarlaşmış tendensiyaları, strateji fəaliyyət istiqamətlərini, eləcə də koalisiyadaxili ictimai rəyi nəzərə almaqla hazırlanıb.

2008-ci ilin seçki ili olduğunu nəzərə alaraq,  prezidentliyə namizədlər, onların təmsil etdikləri siyasi partiyalarla  əməkdaşlıq istiqamətində layihələrin həyata keçirilməsinə zərurət yaranır. Bu istiqamətdə layihələrin  məqsədi prezidentliyə namizədlərin platformasında  neft gəlirlərinin ədalətli bölgüsü, səmərəli idarəedilməsi və şəffaf istifadəsi üzrə Koalisiyanın təkliflərinin daxil edilməsi və  onun təbliğat vasitələrindən birinə çevrilməsidir.

MSŞA Koalisiyasının beynəlxalq və regional miqyasda  diqqət mərkəzində olması əldə olunmuş nəticələrin Azərbaycan sərhədlərindən kənarda da yayılması və bir sıra ölkələr üçün önəmli təcrübə rolunu oynaması bu istiqamətdə fəaliyyətin əhəmiyyətini artırır.

MSŞA Koalisiyasının 2008-ci il üzrə Fəaliyyət Proqramında prioritet olan 5 əsas sahə də açıqlanır ki, bunlar dövlət orqanları və neft-qaz sektorunda fəaliyyət göstərən  şirkətlərin  hesabatlılığın və şəffaflılığın artırılması, ARDNF-nin maliyyələşdirdiyi layihələrin monitorinqi və onların səmərəliliyinin qiymətləndirlməsi, Azərbaycanda MSŞT-nin tətbiqinin dəyərləndirilməsi prosesində MSŞA Koalisiyasının iştirakı, digər  vətəndaş cəmiyyəti qurumları ilə əməkdaşlığın gücləndirilməsi və vəkillik fəaliyyətinin genişləndirilməsi, beynəlxalq və regional əməkdaşlığın həyata keçirilməsidir.

Əlavə məlumat əldə etmək  istəyənlər  «Mədən Sənayesində Şəffaflığın Artırılması» Koalisiyasının mətbuat xidmətinin rəhbəri Ramil Qasımzadəyə (050 333 3448) müraciət edə bilər.

◄ 1 ... 33 34 35 ... 46 ► ☼ A ₪

Sənədin sonuncu korrektə tarixi: 5/2/2008 - 16:32:40