Bununla əlaqədar  olaraq Q.İbadoğlu səfərin ilk günü, iyunun 12-də  Böyük Britaniya İnkişaf Agentliyinin (DFİD) əməkdaşi MŞHT üzrə məsləhətçi David Braunla muzakirələr aparıb. Müzakirələr zamanı Azərbaycanda MŞHT-nin tətbiqində hökümət, mədən sənayesi şirkətləri və ictimai birliklər arasında əməkdaşlıq formaları, onların rolu və məsuliyyəti məsələlərinə toxunulub. Həmin gün müzakirələr hökümət  və şirkət nümayəndələrinin qatıldığı konfransda davam etdirilib.  Konfransda Böyük Britaniya İnkişaf Agentliyinin (DFİD) əməkdaşi MŞHT üzrə məsləhətçi David Braunun təqdimatı olub. Təqdimatla bağlı Q.İbadoğlunun şərhi dinlənilib, müzakirələr aparılıb.

Səfərin  2-ci günü,  iyunun 13-də  Q.İbadoğlu İndoneziyada MŞHT-nin tətbiqi perspektivləri mövzusunda keçirilmiş seminarda məruzəçi statusunda iştirak edib.

Konfransı gırış sözü ilə BŞ-İndoneziya təşkilatının Müşahidə Şurasının sədri Todung Mulya Lubis açıq elan edib. Sonra BŞ-İndoneziya təşkilatının tədqiqatçısı Frenky Simanjuntak MŞHT üzrə ümumi məlumat verib. Bundan sonra MŞHT-nin Azərbaycan təcrübəsi barədə Q.İbadoğlunun təqdimatı dinlənilib. Bu təqdimatdan sonra suallar cavablandırılıb və müzakirələr aparılıb.

Seminarın ikinci  hissəsində kontraktlar və onlar tətbiqi zamanı  xərclərin hesablanması, neft məhsullarının  qiymətləri üzrə tədqiqatlarin nəticələri təqdim olunub.

Seminarın  üçüncü hissəsində MŞHT-nin regionda tətbiqi məsələləri müzakirəyə çıxarılıb. Bu zaman Cənubi Kalimantanda dəmir filizi, Cepuda neft hasilatı əsasında müzakirələr aparılıb.

Seminarın yekununda  mətbuat konfransı keçirilib.