1. Koalisiyaya yeni üzvlərin qəbulu onların Koalisiya Şurasına bu barədə yazılı müraciətləri əsasında aparılır.

2. Koalisiyaya üzv olmaq üçün müraciət edən təşkilat və ya fiziki şəxs Xüsusi Ərizə Formasını dolduraraq Koalisiya Şurasına təqdim edir.(Xüsusi Ərizə Formasını Koalisiya ofisindən (Bakı, Füzuli küç., 39, mənzil 28) və ya Koalisiya vebsaytından (www.eiti-az.org) əldə etmək mümkündür.)

3. Кoalisiyaya üzv olmaq üçün müraciət edən təşkilatın təmsilçiliyinin müəyyənləşdirilməsi təşкilаtın rəsmi qərаrı ilə təsbit еdilir və həmin qərаr Xüsusi Ərizə Formasınа əlаvə оlunur.

4. Daxil olmuş müraciət xüsusi dəftərdə qeydiyyata alınır və bu barədə Koalisiya Şurasının Koordinatoruna məlumat verilir.

5. Üzvlüyə müraciəti müzakirə edilən iclasda namizədin iştirakı vacibdir. Namizədin, və ya onun nümayəndəsinin şəxsən iştirak etmədiyi iclasda onun müraciəti müzakirə edilmir.( Namizədin nümayəndəsi Şuraya onun təmsilçilik hüququnu təsdiq edən məktub təqdim etməlidir.)

6. Koalisiya üzvlüyünə qəbul Şurada gizli səsvermə yolu ilə keçirilir.

7. Şura üvlərinin azı 2/3 –nin lehinə səs verdiyi halda namizəd Koalisiya üzvlüyünə qəbul edilir.

8. Koordinator 1 аy ərzində Şuranın qərarını yazılı formada yeni üzvə çatdırır.

9. Yeni üzv barədə məlumat Koalisiya üzvlərinə çatdırılır və Koalisiyanın vebsəhifəsində yerləşdirilir.

Sənədin sonuncu korrektə tarixi: 28/12/2007 - 11:41:53