1. Şuranın seçilməsi, səlahiyyətləri və vəzifələri:

• Şura Ümumi yığıncaq tərəfindən seçilir və Ümumi yığıncaqlararası dövrlərdə Koalisiyanın rəhbər orqanıdır;

• Şuranın ilk tərkibi 7 nəfərdən ibarət seçilir. Sonrakı dövrlərdə Ümumi yığıncağın qərarı ilə Şura üzvlərinin sayı artırıla bilər;

• İlk Şura yarım il müddətinə seçilir. İkinci şura 1 illik müddətə, sonrakılar isə 2 illik müddətə seçilir;

• Şura Koalisiyanın qəbul etdiyi qərarların həyata keçirilməsini təmin edir;

• Şura üzvlərinin 1/3-nin razılığı ilə müxtəlif məsələlərlə bağlı Koalisiyanın növbədənkənar iclasını çağıra bilər;

• Şura Koalisiyanın fəaliyyətini qurur, tədbirlərə rəhbərlik edir, yerli və xarici təşkilatlar və qurumlarla danışıqlar aparır və Koalisiyanın adından müvafiq sənədlərin imzalanmasına razılıq verir;

• Şuranın işini təşkil etmək üçün Şura üzvlərindən birini Əlaqələndirici (Kordinator) seçir;

• Şura Kordinatorun səlahiyyətlərini müəyyənləşdir;

• Şura üzvlərinin 2/3 –nin tələbi ilə Şura Kordinatoruna etimadsızlıq göstərilə bilər. Bu halda yeni seçkilərin keçirilməsi üçün növbədənkənar Şura iclası sağırıla bilər;

• Şura Kordinatorun qəbul etdiyi qərarlara veto qoymaq hüququna malikdir;

• Şura Koalisiyanın strategiyasını və fəaliyyət istiqamətlərini müəyyən edir;

• Şura Kordinatorun təqdimatı ilə Kordinatorun icra aparatını formalaşdırır.

2. Fəaliyyət istiqamətləri:

• Koalisiyanın məqsədləri üzrə müxtəlif tədbirlər həyata keçirir;

• Şura ümumi yığıncaqların keçirilməsini hazırlayır;

• Hesabat-seçki yığıncaqlarının və növbədənkənar seçki yığıncaqlarının əsasnamələrini hazırlayır və ümumi yığıncağa təqdim edir;

• Koalisiyaya yeni üzvlərin qəbulu və xaric olunması haqqında koalisiya üzvləri qarşısında məsələ qaldırır;

• Şuranın fəaliyyətini əks etdirən məlumat Koalisiyanın aylıq bülletenlərində təsvir edilir və Koalisiyanın bütün üzvlərinə çatdırılır. Eyni ilə məlumatlar Koalisiyanın veb-saytında da yerləşdirilir.

3. Şuranın iclasları və qərarların qəbul edilməsi:

• Şura içlasları ayda bir dəfədən az olmayaraq çağırılır;

• Şurada Qərarlar 2/3 səs çoxluğu ilə qəbul edilir.

4. Şuranın üzvlərinin hüquqları:

• Şuranın iclaslarında iştirak etmək;

• Şuranın kordinatoru seçilmək;

• Şuranın məlumat bazalarından istifadə etmək;

• Şuranın fəaliyyəti haqqında məlumat almaq və vermək;

• Şuranın fəaliyyət sahəsinə aid bu və ya digər məsələlərin Şuranın iclaslarında baxılması üzrə təkliflər irəli sürmək;

• Şuranın müsbət rəyini almaqla Şuranı təmsil etmək.

• Şura üzvünün Şuranın adından hər hansı bəyanat vermək hüququ yoxdur.

• Şuraya üzvlük istənilən anda üzv tərəfindən dayandırıla bilər.

5. Şura üzvlərinin vəzifələri

• Şura üzvü Koalisiyanın Əsasnaməsini və bu Əsasnaməni rəhbər tutmalıdır.

6. Şura fəaliyyətinin maliyyələşdirilməsi

• Şuranın fəaliyyəti qrantlar, eləcə də Koalisiya üzvlərinin maliyyə vəsaitləri hesabına maliyyələşdirilir.

7. Şuranın Kordinatoru:

• Şuranın cari fəaliyyətinə rəhbərliyi onun Kordinatoru həyata keçirir;

• Kordinator Şuranın fəaliiyyəti dövründə Şuranın seçildiyi müddətə seçilir;

• Kordinator Şura üzvlərinin 2/3 səs verdikdə seçilmiş hesab olunur;

• Şuranın müsbət rəyini almaqla Koalissiya adından müqavilələr bağlayır və müxtəlif tədbirlərdə Koalisiyanı təmsil edir;

• Şuranın müsbət rəyini almaqla pul vəsaitləri daxil olmaqla Koalissiya əmlakı üzərində sərəncam verir;

• Şuranın cari fəaliyyətinə aid məsələlərlə bağlı sərəncamlar verir;

• Şura tərəfindən onun üzərinə qoyulmuş digər funksiyaları yerinə yetirir.

8. Bu Əsasnaməyə dəyişiklikedilməsi qaydaları

• Bu Əsasnaməyə istənilən dəyişiklik Şura üzvləri tərəfindən 2/3 səs çoxluğu əsasında edilir.

9. Şuranın ləğv edilməsi

• Şura Koalisiya ləğv ediliyi halda və həmçinin Koalisiyanın qərarı ilə ləğv edilə bilər.

Sənədin sonuncu korrektə tarixi: 26/7/2008 - 12:31:1