Bu gün Mədən Sənayesində Şəffaflığın Artırılması Koalisiyası 10-cu Ümumi Yığıncağını keçirəcək. Ümumi Yığıncaqda Koalisiya Şurasının və Monitorinq Qrupunun hesabatı dinləniləcək, Koalisiyanın 2008-ci il ilin fəaliyyət proqramı, həmçinin qurumun Əsasnaməsinə əlavə və dəyişikliklərin edilməsi müzakirə ediləcək. Eyni zamanda Koalisiyanın rəhbər orqanlarının səlahiyyət müddəti bitdiyinə görə gündəlikdə təşkilati məsələlərə yenidən baxılması nəzərdə tutulub...

Ümumi Yığıncaqda Koalisiyaya növbəti 2 il ərzində rəhbərlik edəcək Şura üzvləri də məlum olacaq. Qeyd edək ki, Mədən Sənayesində Şəffaflığın Artırılması Koalisiyası ölkənin təbii sərvətlərinin istismarından əldə edilən gəlirlərə və onların istifadəsinə ictimai nəzarəti təşkil və təmin edən Azərbaycan qeyri-hökumət qurumlarının və fərdi şəxslərin birliyidir. 2007-ci ildə Koalisiya ACİ YF, Dünya Bankı tərəfindən maliyyələşdirilən layihələr, xüsusi resurslar hesabına həyata keçirilən tədbirlərlə özünün 2007-10-cu illəri əhatə edən strateji fəaliyyət planının birinci hissəsini uğurla başa çatdırıb. Bu müddət ərzində Koalisiya Azərbaycan hökumətinin mədən sənayesi gəlirləri ilə bağlı açıqlanan hesabatlarını və bu hesabatları neft şirkətlərinin hesabatları ilə tutuşduran müvafiq audit şirkətlərinin rəylərini qiymətləndirib və özünün alternativ rəylərini ictimaiyyətə açıqlayıb. Həmçinin, audit şirkətinin seçimində digər maraqlı tərəflərlə bərabər zəmində iştirak edib, vətəndaş cəmiyyəti nümayəndələrinin, gənclərin, regionlarda yerli özünü idarəetmə orqanları və yerli QHT nümayəndələrinin və vətəndaşların məlumatlılığının artırılması məqsədilə bir sıra istiqamətlər üzrə tədqiqat layihələrinin, aktual mövzular üzrə siyasət sənədlərinin işlənilməsinə start verib, istər yerli, istər regional, istərsə də beynəlxalq tərəfdaşları ilə əlaqələr qurub və əməkdaşlığı həyata keçirib.

◄ 1 ... 35 36 37 ... 41 ► ☼ A ₪

Sənədin sonuncu korrektə tarixi: 16/1/2008 - 15:27:31