İctimai Birliklərin Mədən Sənayesində Şəffaflığın Artırılması Koalisiyası tərəfindən Açıq Cəmiyyət İnstitutu Yardım Fondu tərəfindən maliyyələşdirilən jurnal rübdə bir dəfə olmaqla nəşr ediləcək. Jurnalın dərc olunmasında məqsəd mədən sənayesində şəffaflığın mövcud vəziyyəti haqqında Azərbaycan ictimaiyyətinə məlumat çatdırmaqla yanaşı neft gəlirləri ilə bağlı əhalini maarifləndirməkdir» bu barədə məlumatı Mədən Sənayesində Şəffaflığın Artırılması QHT Koalisiyasının mətbuat xidməti verib.

Məlumatda daha sonra deyilir ki, jurnalın ilk sayında «Şəffaflıq uğrunda mübarizənin mahiyyəti», «Mədən Sənayesində Şəffaflıq Təşəbbüsünün bölgə ölkələri və Azərbaycan üzrə bəzi reytinq göstəricilərinə təsirinin qiymətləndirilməsi», «Neft gəlirlərinin artması ekoloji fəlakəti aradan qaldıracaqmı?», «Milyonların aqibəti: neft pulları necə xərclənir», «Bizim neftçilər və onların qayda-qanunları» və s. maraqlı məqalələr dərc olunub.

Jurnalda Azərbaycan Respublikasında Hasilatın Pay Bölgüsü Sazişləri (HPBS) üzrə bağlanan müqavilələrin təsnifatı verilmiş və Dövlət Neft Şirkəti ilə HPBS imzalamış 5 xarici şirkətin Azərbaycandakı layihələrədək heç vaxt neft və qaz hasilatı ilə məşğul olmaması açıqlanmışdır.

Həmçinin, Mədən Sənayesində Şəffaflıq Təşəbbüsünə imza atan, ancaq Azərbaycanda fəaliyyətə başlayandan bəri indiyə qədər ictimaiyyət üçün heç bir açıqlama verməyən, mətbuat konfransı keçirməyən, rəhbərliyi tərəfindən yerli mətbuata müsahibələr verilməyən, illik hesabatlarını ictimaiyyətə açıqlamayan, neft və qaz hasilatına görə press-relizlər belə hazırlamayan 11 şirkətin adları açıqlanmışdır.

◄ 1 ... 20 21 22 ... 41 ► ☼ A ₪

Sənədin sonuncu korrektə tarixi: 24/7/2008 - 16:1:53