"Gənclərin MHŞT proseslərinə cəlb edilməsi" layihəsi çərçivəsində Bərdə rayonunda keçirilən dəyirmi masa haqqında məlumat.

Dəyirmi masa zamanı seminar iştirakçılarına MSŞA Koalisiyası tərəfindən hazırlanmış "Pilot ölkələrin təcrübəsi" adlı beynəlxalq konfrans toplusunu, "Hasilat Sənayesində Şəffaflıq Təşəbbüsü" adlı vəsait kitabı, cib təqvimləri, tərəfimizdən hazırlanmış üzərində MSŞA Koalisiyasının, SİMİB-in, DİGİB-nin loqoları olan yazı kitabçaları və qələmlər paylanmışdır. Bundan əlavə MSŞA Koalisiyası tərəfindən hazırlanmış divar kağızları və tərəfimizdən hazırlanmış üzərində MSŞA Koalisiyasının, SİMİB-in, DİGİB-nin loqoları olan ARDNF-nun gəlir və xərclərini özündə əks etdirən divar kağızları seminar keçirilən zalın divarına vurulmuşdur. Bundan başqa MSŞA Koalisiyası tərəfindən hazırlanmış divar kağızlarından dörd ədədi Bərdə rayonunun mərkəzi küçəsinə yapışdırılmışdır. Dəyirmi masada 22 nəfər Bərdə rayon gəncləri iştirak etmişdir və dəyirmi masa 3.5 saat davam etmişdir.

Birinci, layihə rəhbəri A. Mikayılov dəyirmi masanı açıq elan edərək layihənin məqsədi, vəzifələri və əhəmiyyətliliyi və layihənin reallaşmasında iştirak edən təşkilatlar (MSŞT, SİMİB, VƏ DİGİB) haqqında məlumat verdi.

Bundan sonra söz dəyirmi masada iştirak edən SİMİB-in sədri Anar Xəlilova verildi. O çıxış edərək neft gəlirlərinin respublikamızın sosial-iqtisadi vəziyyətinin inkişafındakı rolundan dəyirmi masa iştirakçılarına geniş məlumat verdi.

Bundan sonra sözü SİMİB-in Hüquq Araşdırma Mərkəzinin sədri, Odlar Yurdu Universitetinin müəllimi, hüquqşünas-ekspert Mətləb Abbasova verdi. O, Azərbaycan Respublikası Dövlət Neft Fondunun (ARDNF) yaranma səbəbləri və tarixi, idarə edilməsi prosesləri; MSŞA Koalisiyasının yaranma səbəbləri, missiyası, fəaliyyəti və tarixi; MHŞT proseslərində ictimai nəzarətin faydalılığı haqqında geniş məruzə etdi.

Bundan sonra çıxış edən SİMİB-in "Iqtisadiyyat bölməsi"nin rəhbəri, Qafqaz Universitetinin müəllimi, iqtisadçı-ekspert Rasim Abutalıbov ARDNF-nun formalaşması mənbələri və xərclənmə istiqamətləri, ARDNF-nun maliyyələşdirdiyi layihələr mövzularında geniş məlumat verdi.

Çıxışlardan sonra dəyirmi masa iştirakçılarının suallarına geniş cavab verildi.

Dəyirmi masanın keçirilməsində Gənclər və İdman Nazirliyi tərəfindən təşkilati dəstək verilmişdir. İnformasiya dəstəyi isə Azərbaycan Respublikası Dövlət Neft Fondu vermişdir