Azərbaycan Dillər Universitetində "Beynəlxalq şəffaflıq təşəbbüsləri və Azərbaycan" mövzusunda dəyirmi masa keçirilib. MSŞA Koalisiyasının Şüra üzvü, "Tacirlər və İstehsalçılar Birliyinin" sədri Sevgim Rəhmanov, Koalisiyanın üzvü, İqtisadi və Biznes Tədqiqatları və Təhsili Mərkəzin rəhbəri professor Fuat Rəsulov, Bakı və region Universitetlərində dəyirmi masaların keçirilməsi üzrə məsul şəxs Ehtiram Əli və universitetin müəllim, tələbə heyəti iştirak etmişlər. 31 may 2007- cı il  tarixdə  Azərbaycan Texniki Universitetində “BTC və CQBK layihələrin həyata keçirilməsində sosial təsirlər” mövzusunda dəyirmi masa keçirilib.  Dəyirmi masa “Мədən Sənayesində Şəffaflığın Artırılması”  Koalisiyasının 2007-ci il fəaliyyət planına uyğun olaraq həyata keçirilmişdir. MSŞA Koalisiyasının şüra üzvləri Telman Zeynalov, Oqtay Güləliyev və İlham Hüseynli, Ramiz Baxşiyev, Bakı və region Universitetlərində dəyirmi masaların keçirilməsi üzrə məsul şəxs Ehtiram Əli və universitetin müəllim, tələbə heyəti iştirak etmişlər.