27 avqust 2007-ci il tarixdə Şamaxı rayonunda “Sağlam İnkişaf və Maarifləndirmə” ictimai birliyi və “Demakratik İslahatçı Gənclər” ictimai birliyi Koalisiyanın 2007-ci il üçün Vahid Layihəsinin “Gənclərin MHŞT proseslərinə cəlb olunması” istiqaməti çərçivəsində növbəti tədbir keçmişdir.

Tədbir zamanı Dövlət Neft Fondunun və koalisiyanın informasiyalarından istifadə olunmuş və gəncləri maraqlandıran suallar layihənin ekspertləri tərəfindən ətraflı cavablandırılmışdır. Tədbiri giriş sözü ilə açan layihənin rəhbəri Asəf Mikayılov layihənin əsas məqsədi haqqında tədbir iştirakçılarını məlumatlandırdı. Natiq Mədən Sənayesində Şəffafalıq Koalisyasının layihədə əsas götürdüyü hədəf barədə ətraflı hesabat verdi. Sonra tədbirdə layihədə ekspert qismində iştirak edən Qubad İbadoğlu çıxış etdi. Əsas diqqəti neft müqavilələrinə, koalisiyanın fəaliyyətinə və neft gəlirlərində şəffafalığın iqtisadi aspektlərinə yönəldən layihənin eksperti iştirakçıların suallarına cavab verdi. Ekspert qisimində Mətləb Abbasov və Rasim Abutalıbov da iştirak edirdilər. Sonra neft fondunun fəaliyyəti və iqtisadi yönümlü layihələri barədə təşkilatın eksperti Rasim Abutalıbov çıxış etdi. Tədbir interaktiv qaydada keçirildi. Tədbir zamanı iştirakçılara koalisiyanın çap etdirdiyi buklet və kitabçalar paylanıldı.

◄ 1 ... 24 25 26 ... 31 ► ☼ A ₪

Sənədin sonuncu korrektə tarixi: 8/7/2008 - 14:55:45