1. Neft gəlirlərinin yoxsulluğun azaldılmasında rolu
2. Neft gəlirlərinin səhiyyə və təhsilin inkişafında rolu
3. Neft gəlirlərinin qaçqın və köçkünlərin sosial problemlərinin yaxşılaşdırılmasına təsiri
4. Ölkənin sosial siyasətində neft amili

Ekspert neft gəlirlərinin yoxsulluğun azaldılmasında böyük rolundan, Azərbaycanda qazanılmış imkanlardan düzgün istifadə olunmamasından danışmış, neft gəlirlərinin xərclənməsinə ictimai nəzarətin zəif olması, bu sahədə maariflənmənin də aşağı səviyyədə olması barədə danışıb.

Qeyd edilib ki, dünyanın bir çox neftlə zəngin olan ölkələrində müxtəlif fondlar yaranmış və bu vəsaitin gələcək nəsillərə saxlanması üçün müvafiq qanunlar qəbul olunmuşdur. Norveçdə də belə bir fond var. Onlar bu vəsaiti çox mühafizəkar şəkildə qoruyurlar və 4% -dən artıq xərcləməyə məhdudiyyət qoyurlar. Azərbaycanda isə bu xərclər həddindən artıq çoxdur. Hətta bu barədə Dünya Bankı öz ehtiyatlılığını ifadə edib. Samur-Abşeron, Qəbələ-Oğuz-Bakı su xəttinin çəkilişi, eləcə də köçkünlərin sosial problemlərinin həllinə olan xərcləmələr çox vacib olsa da, onlar üzərində ictimai nəzarətin olması da vacibdir. Əgər Bərdə və Ağcabədidə məskunlaşmış köçkünlər üçün tikilmiş evin 1m²-nin qiyməti Bakıda tikilən evlərin 1m²-dən bahadırsa, deməli belə nəzarətə böyük ehtiyac var. Xərcləmələrə ictimai nəzarət artırılmalıdır.

İlham Hüseynli qeyd edib ki, təmsil olunduğu İctimai Birlik Koalisiyaları Neft Fondunun müşahidə Şurası ilə əlaqədar birgə mövqe nümayiş etdirmiş və ARDNF-in müşahidə Şurasında vətəhdaş cəmiyyətinin təmsilçilərinin olmamasına etiraz bildirmişlər.