17/05/2007 - MSŞA Koalisiyasının 2007-ci il fəaliyyət planına uyğun olaraq iki universitetdə dəyirmi masalar keçirilir.

Azərbaycan Dövlət İqtisadiyyat Universitetində "Neft gəlirləri və onların səmərəli istifadəsi" mövzusunda dəyirmi masa keçirilib.  Dəyirmi masa MSŞA  Koalisiyasının 2007-ci il fəaliyyət planına uyğun olaraq həyata keçirilmişdir. MSŞA Koalisiyasının üzvü, "Ekspert" jurnalının baş redaktoru Azər Mehdiyev, Universitetin İstehsal və Xidmət Sahələrinin İqtisadiyyatı Fakultəsinin dekanı Əli Hacıyev, Bakı və region Universitetlərində dəyirmi masaların keçirilməsi üzrə məsul şəxs Ehtiram Əli, müəllim, tələbə və kooalisiya üzvləri iştirak etmişlər.

Universitetin İstehsal və Xidmət Sahələrinin İqtisadiyyatı Fakultəsinin dekanı Əli Hacıyev tədbirin əhəmiyyəti və vacibliyi haqqında,  mədən sənayesində gəlirlərin xərclənməsində şəffaflığın artırılmasının əhəmiyyəti və bununla əlaqədar tələbələrin  maarifləndirilməsinin zəruriliyi haqqında məlumat verərək yığıncağı açmışdır.

Ehtiram Əli MSŞA Koalisiyasının əhəmiyyəti və ölkənin gələcəyinin neft gəlirlərinin idarə olunmasinda şəffaflığın təmin edilməsindən cox asılı olduğunu yığıncaq iştirakcılarına çatdırdı.

Dəyirmi masada  Azər Mehdiyev "Neft gəlirləri və onların səmərəli istifadəsi" mövzusunda məruzə ilə çıxış etmişdir.

Məruzə ətrafında geniş diskusiya oldu. Suallara Azər Mehdiyev ətraflı cavab verdi.

Dekan Əli Hacıyev yığıncağı yekunlaşdıraraq, mədən sənayesində şəffaflığın artırılmasında müəllim və tələbələrin rolundan və ğələcəkdə belə yığıncaqların keçirilməsinin lazım olduğunu bildirdi.

O, Dəyirmi masa  iştirakcılarına və qonaqlara öz təşəkkürünü bildirrdi.

Azərbaycan Memarlıq və İnşaat Universitetində "EİTİ prinsiplərində ətraf mühitin vəziyyəti"  mövzusunda dəyirmi masa keçirilib.

Dəyirmi masada, MSŞA Koalisiyasının şura üzvü, texniki elmlər namizədi Telman Zeynalov, Universitetin Fövqəladə Hallar və Həyat Fəaliyyətinin Təhlükəsizliyi Kafedrasının müdiri, texninki elmlər doktoru, professor Həbib Ocaqov, dekan müavini texniki elmlər namizədi Şəfi Danialov, Koalisiyanın şura üzvləri, professor, müəllim, tələbə  və universitetlərlə bağlı tədbirlərin həyata keçirilməsində məsul şəxs  Ehtiram Əli iştirak etmişlər.

Dəyirmi masada Telman Zeynalov "EİTİ prinsiplərində ətraf mühitin vəziyyəti"  mövzusunda məruzə ilə çıxış etmişdir.

Məruzə ətrafında geniş diskusiya oldu. Suallara ətraflı cavab verildi.

Fövqəladə Hallar və Həyat Fəaliyyətinin Təhlükəsizliyi Kafedrasınin müdiri Həbib Ocaqov dəyirmi masanı yekunlaşdıraraq, mədən sənayesində şəffaflığın artırılmasında müəllim və tələbələrin rolundan və gələcəkdə belə yığıncaqların keçirilməsinin lazım olduğunu bildirdi.

O, dəyirmi masa iştirakcılarına və qonaqlara öz təşəkkürünü bildirrdi