Iclasda iştirak edirdi: 8 nəfər Şura üzvü, 3 nəfər Monitorinq Qrupu üzvü və 12 nəfər Koalisiya üzvü.

İclasın təsdiq olunmuş və icra edilmiş gündəliyi:

1. Görülmüş işlər və qərarların icrası
2. Yeni üzvlərin qəbulu
3. Siyasət sənədləri üzrə keçirilmiş müsabiqə elanının nəticələrinin müzakirəsi
4. Avropa Parlamentinin neft gəlirlərinin məcburi açıqlanması ilə bağlı təşəbbüsünə münasibət
5. 2008-ci ilin Fəaliyyət Proqramı və ondan irəli gələn məsələlərin müzakirəsi
6. Layihə icraçılarının qrafik üzrə hesabatı (Ehtiram Əliyev, İnqilab Əhmədov, Məhəmməd Talıblı)
7. Cari məsələlər

Birini məsələ barədə iclaslararası dövrdə görülmüş işlər barədə Q.İbadoğlu məlumat verdi. Məlumat dinlənildikdən sonra qərara alındı ki,

1. Ofis meneceri vəzifəsinə élan olunmuş müsabiqənin nəticələrini yekunlaşdırmaq üçün Əliməmməd Nuriyev, Azər Mehtiyev və Qubad İbadoğludan ibarət seçim Qrupu yaradılsın. Qrupa tapşırılsın ki, seçimi 3 mərhələdə aparsın. Birinci mərhələdə daxil olmuş 150-ə qədər CV-dən 10-15- ni  seçsin. İkinci turda isə həmin CV-nin sahibləri intervuyə dəvət olunsun və onlar dil, kompyuter yoxlamasından keçirildikdən sonra seçilmiş  şəxslər 3 turda Şuraya dəvət olunsun və işə  qəbul edilsin.
2. Layihə icraçıları bir daha məsuliyyətə dəvət olunsun. Dünya Bankının maliyyəsi ilə layihə həyata keçirənlər dekabrın 15-dək yekun hesabatlarını elektron və çap variantda  Koalisiyanın ofisinə təqdim etsinlər.
3. Siyasət sənədlərinin yazılması üçün 1 turda qalib olmuş şəxslər yekun variantlarını dekabrın 15-dək elektron variantda  Koalisiyanın ofisinə təqdim etsinlər.
4. Monitorinq Qrupunun  tövsiyyəsi ilə iclaslarda iştirak etməyən Şura üzvləri onun səbəbi barədə  şəbəkə vasitəsilə Əlaqələndiricini  məlumatlandırsınlar.
5. Növbəti iclaslarda Memoranduma dəyişikliklər müzakirəyə çıxarılsın və bununla əlaqədar olaraq Sabit Bağırov Şura iclasına dəvət olunsun.
6. Növbəti iclaslarda neft gəlirlərinin xərclənməsinə nəzarətin təşkilinə dair fəaliyyət Konsepsiyası hazırlansın və müzakirəyə çıxarılsın.
7. Qeyri neft/qaz sektorunda MŞHT məsələsi növbəti iclaslardan birinin gündəliyinə salınsın və bununla bağlı müzakirələrə start verilsin.

İkinci məsələ üzrə ərizələrin  daxilolma ardıcılığı əsasında yeni üzvlərin qəbulu aparıldı. Gizli səsvermə nəticəsində qərara alındı ki:

1. “Doğma yurda qayıdış”  İB, sədr Hətəmov Səməd;
2. “Demokratiyaya yardım” İB, sədr Məmmədov Emil;
3. “Regional səs” qəzeti,  baş redaktor Həşimov Asif  Koalisiyaya üzv olundu.

Üçüncü məsələ ətrafında aparılmış müzakirələr nəticəsində qərara alındı ki,  müsabiqəyə təqdim olunmuş 10 istiqamət üzrə daxil olmuş müraciətlərin qiymətləndirilməsi üçün  5 nəfərdən ibarət ekspert qrupu yaradılsın və onlar işini növbəti iclasa qədər yekunlaşdırsın.

Keçirilmiş gizli səsvermə nəticəsində qrupun tərkibi belə formalaşdı:

1. Sabit Bağırov
2. İlham Şaban
3. Məhəmməd Talıblı
4. İlqar Hüseynli
5. Qubad Ibadoğlu

Dördüncü məsələyə dair Azər Mehtiyev məlumat verdi, o diqqəti Avropa Parlamentinin açıqlamasında neft şirkətlərinin fərdi hesabatlılığa keçməsinə çəkdi və təklif etdi ki, bununla əlaqədar olaraq Koalisiya adından  3 ünvana məktub ünvanlansın.

Qərara alındı ki;

• Bir məktub Avropa Parlamentinə ünvanlansın və orada fərdi hesabatlılığa keçidlə bağlı  Azərbaycandakı vəziyyət təsvir olunsun, onun aktuallığı göstərilsin və Avropa Parlamentinə bu istiqamətdəki dəstəyinə görə minnətdarlıq edilsin. Bu məktubun növbəti iclasa qədər hazırlanması beynəlxalq əlaqələrə məsul İnqilab Əhmədova həvalə olundu.
• İkinci məktubun hökümət komissiyasına ünvanlanmasına qərar verildi. Məktubda şırkətlərin fərdi hesabatlılığına keçid istiqamətində hökümət komissiyasından dəstək istənilsin. Bu məktubun növbəti iclasa qədər hazırlanması hökümət komissiyası ilə işə məsul Fəqan Əliyevə  həvalə olundu.
• Üçüncü məktubun  şirkətlərə ünvanlanması qərara alındı. Bu məktubun növbəti iclasa qədər hazırlanması şirkətlərlə iş üzrə məsul Mirvari Qəhrəmanlıya  həvalə olundu.

Beşinci məsələ ətrafında gedən müzakirələr zamanı qərara alındı ki, dekabrın 5-i  2008-ci ilin Fəaliyyət Proqramı üzrə təkliflərin qəbulunun son müddəti təyin olunsun. Bu müddət ərzində daxil olan təkliflər növbəti iclasın müzakirəsinə təqdim edilsin. Eyni zamanda 2008-ci ilin Fəaliyyət Proqramının əsas kimi X  Ümumi Yığıncaq tərəfindən qəbul edildiyini nəzərə alaraq, onun icrası ılə bağlı tədbirlər planının işlənməsinə başlanılsın.

Altıncı məsələdə qrafik üzrə hesabat verməli olan  layihə icraçılarından iclasda yalnız Ehtiram Əliyevin iştirak etdiyini nəzərə alaraq onun hesabatı dinlənildi. Hesabat nəzərə alındı və Ehtiram Əliyevə yaxşı işinə görə təşəkkür élan olundu.

Eyni zamanda digər layihə icraçılarının – İnqilab Əhmədovun, Məhəmməd Talıblının iclasda iştirak etməməsi səbəbindən hesabatı dinlənilmədi. Bununla əlaqədar olaraq qərara alındı ki, bundan sonra hesabat verməli olan layihə icraçılarına  3 dəfə müraciət olunsun və əgər onlar hesabatlarını verməzlərlə o halda həmin şəxslərin məsələsi ayrıca müzakirə olunsun və müvafiq qərar qəbul edilsin.

Cari  məsələdə qərara alındı növbəti iclas dekabrin 14-də keçirilsin.

◄ 1 ... 29 30 31 ... 39 ► ☼ A ₪

Sənədin sonuncu korrektə tarixi: 27/2/2008 - 15:24:59