İştirak etdilər:

Şura Əlaqələndiricisi Qubad İbadoğlu ezamiyyətdə olduğu üçün iclasa Sevgim Rəhmanov sədrlik etdi.

İclasın gündəliyi:

• Sevgim Rəhmanov təklif olunan gündəliklə iclas iştirakçılarını tanış etdi.
• Gündəliyin müzakirəsi zamanı Koalisiya jurnalı ilə bağlı məsələ jurnalın Baş redaktoru İlham Şabanov iclasda iştirak etmədiyi üçün təxirə salındı.
• Gündəlik layihəsində ikinci məsələ olan bülletenle bağlı Oqtay Gülalıyev bildirdi ki, dizayner bülletenin dizaynını sona çatdırmaq üzrədir və hazır olan kimi Şura üzvlərinə təqdim ediləcək. Bu haqda başqa məlumat olmadığı üçün bu məsələ də gündəlikdən çıxarıldı.
• Təklif olunan üçüncü məsələnin- ARDNF-in Müşahidə Şurasının tərkibi haqqında Koalisiyanın aşıqlaması- müzakirəsi onun müəllifi Qubad İbadoğlu  iştirak etmədiyi üçün təxirə salındı.
• Gündəliyə təklif olunan Xəzər Neft-Qaz konfransına hazırlıq haqqında məlumat verilməsi haqqında məsələ saxlanıldı.
• Gündəliyə təklif olunan sonuncu məsələ- Azərbaycana çatacaq neft gəlirləri barədə seminarın (Sabit Bağırovun iştirakı ilə) və "Milyonların aqibəti" yazısının ictimai müzakirəsinə həsr edilmiş dəyirmi masanın təşkili (yazının müəllifi Hicran Həmidovanın iştirakı ilə) haqqında məsələ müzakirəyə hazır olmadığı üçün gündəliyə salınmadı.

Əlavə təkliflərdən sonra gündəlik təsdiq edildi:

1. Audit şirkətinin seçkisi haqqında məlumat
2. 7 iyun Xəzər Neft-Qaz konfransına hazırlıq haqqında məlumat
3. Şuranın reqlamenti layihəsinin müzakirəsi
4. Cari məsələlər

Müzakirələr və qəbul edilmiş qərarlar 1. Audit şirkətinin seçkisi haqqında məlumat

Sabit Bağırov bildirdi ki, keçən həftə Qubad İbadoğlu ezamiyyətdə olduğu üçün ARDNF-dən ona müraciət edərək audit şirkəti Seçim Qrupunun Koalisiyadan olan üzvlərinin Seçim Qrupunun iclasında iştirakını təmin etmək haqqında xahiş ediblər. Koalisiyadan Seçim Qrupu üzvləri olan Qubad İbadoğlu ezamiyyətdə, Sahib Məmmədov öz təşkilatının tədbirində olacağından və Himayət Rizavanqızı isə Koalisiyanı tərk etdiyindən o məcbur olaraq Şurada hökumət orqanları ilə əlaqələrə cavabdeh, həm də Memorandum üzvləri İşçi Qrupunun üzvü olan Sevgim Rəhmanova müraciət edərək Seçim Qrupunun iclasında iştirak etməyi xahiş edib. Xahiş qəbul edilib və Sevgim Rəhmanov Əvəz Həsənovla birgə həmin iclasda iştirak ediblər.

Sevgim Rəhmanov iclas haqqında məlumatında bildirdi ki, müsabiqədə iştirak üçün 5 şirkətə müraciət edilib. 3 şirkət müsabiqədə iştirak etməyib. Deloyt və Mur Stefens şirkətləri arasından Mur Stefens müsabiqənin qalibi seçilib.

2. 7 iyun Xəzər Neft- Qaz konfransına hazırlıq haqqında məlumat.

Sabit Bağırov konfransa hazırlıq, onun gündəliyi, reqlamenti, müzakirə ediləcək mövzular və çıxışçılar haqqında məlumat verdi. Şuranın keçən iclasda qəbul etdiyi qərara əsasən Koalisiya adından konfransda Sabit Bağırov çıxış edəcək. Qərara alındı ki, həmin çıxışla Şura üzvləri növbəti iclasda tanış olsunlar.

3. Şuranın reqlamenti layihəsinin müzakirəsi

Yeni reqlament layihəsinin qəbulu səs vermə ilə olacağını nəzərə alaraq MQ üzvü Azər Mehtiyev Şura üzvü Telman Zeynalovun səsvermə hüququnun olub- olmamasını dəqiqləşdirməyi xahiş etdi. Müzakirədə iştirak edən Şura üzvləri belə hesab etdilər ki, Telman Zeynalov və Əvəz Həsənov Şura üzvlüyündə biri- digərini əvəz etdiyindən, hazırkı dönəmdə Əvəz Həsənov iştirak etmədiyi iclaslarda Telman Zeynalov səs vermə hüququ ilə iştirak edə bilər.

Başqa bir qərarla Şura üzvləri hesab etdilər ki, müzakirə edilən Şuranın reqlamenti bu iclasda təsdiq edilərsə, bu gün iclasda iştirak etməyən Şura üzvlərinin ola biləcəyi düzəliş və dəyişikliklərlə bağlı təklifləri də növbəti iclaslarda müzakirə edilə bilər.

Nəriman Ağayev iclas iştirakçılarını yeni Şura reqlamenti layihəsi ilə bənd- bənd tanış etdi.

Layihə əvvəlcə bənd- bənd, sonda isə bütövlükdə səsə qoyuldu.

Şuranın reqlamenti təsdiq edildi.

4. Cari məsələlər