İştirak etdilər:

İclasın gündəliyi

Qubad İbadoğlu gündəlik haqqında məlumat verərkən bildirdi ki, bu iclasda müzakirəsi nəzərdə tutulmuş MHŞT üzrə 5-ci hesabatla bağlı Koalisiyanın alternativ rəy layihəsinə Sabit Bağırov tərəfindən əhəmiyyətli təkliflər var. İşçi Qrup belə hesab edir ki, həmin təkliflər İşçi Qrupda baxılmalıdır. Bunu nəzərə alaraq o, həmin məsələnin müzakirəsini bu iclasın gündəliyindən çıxarılmasını və növbəti iclasda müzakirə edilməsini təklif etdi. Təklif qəbul edildi.

Oqtay Güləliyev Şura üzvləri arasında iş bölgüsü məsələsini və Koalisiyanın yeni ofisi haqqında yeni məlumat varsa verilməsini gündəliyə salmağı təklif etdi.

Şura üzvləri arasında iş bölgüsü məsələsinə növbəti iclasda baxılması qərara alındı. Yeni ofis haqqında məlumatı gündəliyin görülmüş işlər haqqında məlumat verərkən bildirmək nəzərdə tutuldu.

Qubad İbadoğlu məlumat verdi ki, ACİ YF beynəlxalq metodika əsasında İnformasiya Azadlığı Haqqında Qanunun necə işləməsi ilə bağlı bir layihə həyata keçirir. Layihənin icraçısı Koalisiya üzvü Osman Gündüzovdur. Həmin layihə çərçivəsində Koalisiya ilə əməkdaşlıq da nəzərdə tutulur. Hər Koalisiyadan bir nəfər ekspert bu işə cəlb edilməlidir. O, Koalisiya nümayəndəsinin seçilməsi məsələsini də bu iclasın gündəliyinə əlavə etməyi təklif etdi. Şura üzvləri bu təklifə razılıq verdilər.

İclasın gündəliyi:

1. Görülmüş işlər və qərarların icrası

2. Monitorinq Qrupunun müraciətinin müzakirəsi

3. Koalisiyaya yeni üzvlərin qəbulu

4. Koalisiyanın bölgə şöbələri haqqında Əsasnamənin müzakirəsi

5. ACİ YF-nun beynəlxalq metodika əsasında İnformasiya Azadlığı Haqqında Qanunun necə işləməsi ilə bağlı layihəsi üzrə Koalisiyanın nümayəndəsinin müəyyənləşdirilməsi.

6. Donorlara təqdim edilmiş layihə təklifləri ilə bağlı vəziyyət haqqında məlumat

Müzakirələr və qəbul edilmiş qərarlar

1. Görülmüş işlər və qərarların icrası

Qubad İbadoğlu məlumat verdi:

Yeni ofislə bağlı: Yeni ofis Caspian Plaza binasında 9-cu mərtəbədə olacaq. Koalisiya ilə birlikdə ACİ Yf-nun dəstəyi ilə proqramlar həyata keçirən bir neçə təşkilatın da həmin mərtəbədə ofisləri olacaq. Həmin təşkilatların resursları birləşdirilməklə vəsaitlərdən və ofis imkanlarından səmərəli istifadə etmək mümkün olacaq. Ümumi konfrans zalı (36 m²) və Koalisiyanın iki otağı olacaq. Otaqlardan biri Koalisiya ofisi işçiləri, digəri isə Koalisiya üzvlərinin istifadə etməsi üçün nəzərdə tutulur. Bundan başqa ümumi girişdə bir neçə təşkilat, o cümlədən Koalisiya öz işçisini yerləşdirə biləcək. Texniki cəhətdən ofis daha yaxşı təchiz ediləcək. Hazırda yeni ofisdə təmir işləri davam edir və ora köçmək təxminən iyun ayında mümkün olacaq.

Digər görülmüş işlər: Kambocanın QHT Forumunun nümayəndəsi Bakıya səfər edir. Səfərdə məqsəd MHŞT ilə bağlı Azərbaycanın təcrübəsini öyrənmək və onu öz ölkəsində tətbiq etməkdir. Qonağın mehmanxanada yerləşdirilməsi və görüşləri razılaşdırılıb.

2. Monitorinq Qrupunun müraciətinin müzakirəsi

Qubad İbadoğlu məlumat verdi:

Monitorinq Qrupu "Koalisiyanın keçən il həyata keçirilmiş layihələrin icrası üzrə proqram hesabatı" adlı sənəd hazırlayıb və bu iclasın müzakirəsinə təqdim edib. Sənəd anket formasındadır və layihələrin icraçısı olan təşkilatlar tərəfindən doldurulması üçün nəzərdə tutulur.

Monitorinq Qrupu üzvü Ruhəngiz Hüseynova Monitorinq Qrupunun son iclası haqqında məlumat verdi. O müzakirəyə çöxarılan sənədə ehtiyac olduğunu belə əsaslandırdı ki, MQ-da həyata keçirilmiş layihələr haqqında məlumat çox azdır və buna görə onlar haqqında öz rəyini bildirmək çətinlik törədir. MQ tövsiyə edir ki, həmin sənəd Şura tərəfindən icraya qəbul edilsin və keçən dövrün layihə icraçıları onu hazırlayıb MQ-na təqdim etsinlər.

Müzakirədən sonra qərar qəbul edildi:

Qərar: Sənəd əsas kimi qəbul edilsin və növbəti iclasda tətbiqi məsələləri müzakirə edilsin.

MQ həmçinin Şuranın diqqətini Koalisiya Əsasnaməsinin 5.3. bəndi ilə layihələrin Seçim Qrupu səlahiyyətinin Şuraya həvalə edilməsi arasında ziddiyyətin olub- olmamasına cəlb edən başqa bir tövsiyə ilə də müraciət etmişdi. MQ üzvü məlumat verdi ki, Koalisiya üzvü Mübariz Tağıyev bu məsələ ilə bağlı MQ-na müraciət edib. Lakin onun müraciətinin predmeti məlum deyil. Şuranın keçən iclasında da bu haqda bəzi mülahizələrin söyləndiyini nəzərə alaraq, MQ özü məsələni Şura qarşısında qaldırmaq qərarına gəlib. MQ tövsiyə edir ki, Şura Əsasnamənin 5.3. bəndi ilə layihələrin Seçim Qrupu səlahiyyətinin Şuraya həvalə edilməsi arasında ziddiyyətin olub- olmamasını bu iclasda aydınlaşdırsın.

Sabit Bağırov açıqlama verdi ki, Əsasnamənin 5.3 bəndi bu hal üçün nəzərdə tutulmayıb. Həmin bənd qrant müsabiqələri üçündür. İndiki halda isə qrant müsabiqəsi keçirilmir. Şuranın təsdiq etdiyi layihə artıq donora təqdim edilib və böyük bir qismi də maliyyələşdirmək üçün təsdiq edilib. İndiki halda Vahid layihədə nəzərdə tutulan ayrı- ayrı fəaliyyətlərin icraçılarının müəyyənləşdirilməsi nəzərdə tutulur. Heç bir təşkilata, və ya şəxsə layihə təqdim edilməyəcək. Ayrı- ayrı təşkilatlar ayrı- ayrı fəaliyyətləri yerinə yetirmək üçün təkliflər verəcəklər. Ən yaxşı təklifin seçilməsi tam şəffaf həyata keçiriləcək və təkliflərin müəllifləri seçim prosesini birbaşa müşahidə edə biləcəklər.

Şura üzvləri bu izahı düzgün şərh hesab etdilər və təsdiq etdilər ki, Şuraya layihədəki fəaliyyətlərlə bağlı təkliflər üzrə Seçim Qrupu səlahiyyətləri verilməsi Əsasnamənin 5.3. bəndi ilə ziddiyyət təşkil etmir.

3. Yeni üzvlərin qəbulu

Koalisiyaya üzv olmaq istəyi ilə ərizə vermiş 4 təşkilat gizli səsvermə yolu ilə Koalisiyaya üzv seçildilər:

1. "Cəmiyyətin və Vətəndaş Münasibətlərinin İnkişafı" İB- rəhbəri: Əhməd Abbasbəyli
2. "Sağlam Həyata Doğru" ekoloji İB- rəhbəri: Sadiq Həsənov
3. "Azərbaycan Futbolunun İnkişafı Mərkəzi" İB- rəhbəri: Nazir Quliyev
4. "Qarabağ Əlillərinə Qayğı" Cəmiyyəti- rəhbəri: Asif Yusifov

Ərizə vermiş bir təşkilat ("ECO-inter və UNO" jurnalı redaksiyası- rəhbəri: Teymur Məmmədzadə) seçkidə kifayət qədər səs toplaya bilmədil və Koalisiyaya üzv seçilmədi.

4. Koalisiyanın bölgə şöbələri haqqında Əsasnamənin müzakirəsi

Əsasnamə layihəsi Aslan Vəliyev, Oqtay Gülalıyev və Nəriman Ağayev tərəfindən hazırlanmışdı. Təklif edildi ki, Əsasnamə layihəsi ilə daha yaxından tanış olmaq üçün bir həftə vaxt verilsin və növbəti iclasda müzakirə edilsin. Təklif qəbul edildi.

5. ACİ YF-nun beynəlxalq metodika əsasında İnformasiya Azadlığı Haqqında Qanunun necə işləməsi ilə bağlı layihəsi üzrə Koalisiyanın nümayəndəsinin müəyyənləşdirilməsi.

Bunun üçün Koalisiya ofisinin əməkdaşı Aydın Nizamov və Şura üzvü Oqtay Gülalıyevin namizədlikləri təklif edildi. Aydın Nizamov namizədliyini geri götürdü və Oqtay Gülalıyev səsvermə ilə adı çəkilən layihə üzrə Koalisiyanın nümayəndəsi seçildi.

6. Donorlara təqdim edilmiş layihə təklifləri ilə bağlı vəziyyət haqqında məlumat

Qubad İbadoğlu Koalisiyanın Vahid Layihəsində planlaşdırılan fəaliyyətlərdən artıq ACİ YF və Dünya Bankı tərəfindən maliyyə dəstəyi qazananlar haqqında məlumat verdi. Əlavə etdi ki, digər donorlarla danışıqlar davam etdirilir. Növbəti həftə Norveç səfiri ilə görüş razılaşdırılıb. Hollandiyanın NOWIB Oxfam təşkilatına göndərilən müraciətə isə cavab gözlənilir. Təklif edildi ki, Koalisiyanın nəzərdə tutduğu Vahid layihənin tam həyata keçirilməsinə maliyyə dəstəyi almaq üçün başqa donorlarla da danışıqlar aparılsın.

◄ 1 ... 11 12 13 ... 39 ► ☼ A ₪

Sənədin sonuncu korrektə tarixi: 16/1/2008 - 15:22:42