İştirak etdilər:

İclasın gündəliyi

1. Görülmüş işlər və qərarların icrası

2. Donorlara təqdim edilmiş layihə təklifləri ilə bağlı vəziyyət

3. Koalisiyaya yeni üzvlərin qəbulu

4. Koalisiyanın 2007-ci il üçün Vahid Layihəsi üzrə müsabiqə qaydaları və şərtlərinin müzakirəsi

5. Koalisiyanın bölgə təşkilatının Əsasnaməsi haqqında

6. Cari məsələlər

Müzakirələr və qəbul edilmiş qərarlar

1. Görülmüş işlər və qərarların icrası

Qubad İbadoğlu məlumat verdi:

MHŞT üzrə 5-ci hesabata dair Koalisiyanın alternativ rəyinin ilkin variantı hazırlanıb. Bir sıra sual doğuran məsələlərlə bağlı ARDNF-a, BP-yə və ARDNŞ-a məktublar göndərilib. ARDNF-dən məktuba cavab alınıb, lakin ARDNŞ-dən və BP-dən hələ cavab yoxdur. Müzakirələrdə aşağıdakı təkliflər irəli sürüldü:

1. Koalisiyanın rəyinin hazırlanmış ilkin variantı növbəti həftənin birinci günü Şura üzvlərinə göndərilir və Şuranın gələn həftə keçiriləcək növbəti iclasında təsdiq edilir. Daha sonra mətbuat konfransı çağırılır və Koalisiyanın rəyi ictimaiyyətə çatdırılır.

2. Rəyin hazırlanşb başa çatdırılması işi davam etdirilir. Koalisiyanın hesabatla bağlı qaldırdığı sualların cavablandırılması üçün qarşı tərəflərlə müzakirələr və yazışmalar davam etdirilir.

3. Cavablandırılmayan məktublarla bağlı məhkəməyə müraciət edilir.

4. Hazırlanmış rəy əsas kimi qəbul edilir və növbəti həftə mətbuat konfransı çağırılaraq ictimaiyyətə açıqlanır.

Səsvermə keçirildi və 1-ci təklif qəbul edildi.

2. Donorlara təqdim edilmiş layihə təklifləri ilə bağlı vəziyyət

Koalisiya ACİ YF-ya və Dünya Bankına layihə təklifi təqdim edib. Dünya Bankı $40000 məbləğində layihəni dəstəkləmək haqqında qərar verib. ACİ YF ona təqdim edilmiş $138 788 məbləğdə layihəni bəyənib, lakin onu tam maliyyələşdirmək imkanında deyil. Aprelin 11-də Fondun İdarə Heyəti layihə ilə bağlı son qərarını verəcək və maliyyələşdiriləcək məbləğ və fəaliyyətlər məlum olacaq. Layihənin təxminən $35 000 azaldılacağı gözlənilir. Layihənin təsdiq edilmiş variantı Şuranın növbəti iclasında məlum olacaq. Maliyyələşdirmədən imtina edilən fəaliyyətlərlə bağlı digər donor təşkilatlarına müraciət ediləcək.

3. Koalisiyaya yeni üzvlərin qəbulu

Koalisiyaya üzv olmaq istəyi ilə ərizə vermiş 3 təşkilat gizli səsvermə yolu ilə Koalisiyaya üzv seçildilər:

1. Siyasi Plüralizm İnstitutu- rəhbəri: Həmidova Sevil
2. Demokratiya və Qadın Təşəbbüsləri İB- rəhbəri: Hüseyn Günay
3. İslam, Demokratiya və İnsan Haqqları mərkəzi- rəhbəri: İmranova Aytəkin

Ərizə vermiş iki təşkilatın nümayəndələri səlahiyyətli olduğu haqqında müvafiq məktub təqdim etmədikləri üçün onların müzakirəsi növbəti iclasa təxirə salındı. Daha iki təşkilat seçkidə kifayət qədər səs toplaya bilmədilər və Koalisiyaya üzv seçilmədilər.

4. Koalisiyanın 2007-ci il üçün Vahid Layihəsi üzrə müsabiqə qaydaları və şərtlərinin müzakirəsi

Sabit Bağırov müzakirə edilən qaydalarla bağlı bir sıra təkmilləşdirici təkliflər verdi. Digər iclas iştirakçıları da öz təkliflərini verdilər. Müzakirələrdən sonra Müsabiqədə İştirak Qaydaları və Qiymətləndirmə Qaydaları əlavə və düzəlişlərlə qəbul edildi.

5. Koalisiyanın bölgə təşkilatının Əsasnaməsi haqqında

Məlumat verildi ki, həm bölgə nümayəndəsi, Şura üzvü Aslan Vəliyev, həm də Şura üzvləri Oqtay Güləliyev və Nəriman Ağayev tərəfindən iki müxtəlif Əsasnamə layihələri hazırlanıb. Qərara alındı ki, hər iki layihənin müəllifləri görüşüb mümkün olarsa bir Əsasnamə layihəsi hazırlasınlar və Şuranın növbəti iclasının müzakirəsinə çıxarsınlar.

◄ 1 ... 10 11 12 ... 39 ► ☼ A ₪

Sənədin sonuncu korrektə tarixi: 16/1/2008 - 15:22:40