20 oktyabr 2007-ci il «AF-NOTEL-AQUAPARK» Konfrans zalında Mədən Sənayesində Şəffaflığın Artırılması Koalisiyası 10-cu Ümumi Yığıncağını keçirdi.

Ümumi Yığıncaq iştirakçıların Azərbaycanın dövlət himninin səsləndirilməsi ilə başladı. Tədbirdə Azərbaycan hökumətinin MHŞT Komissiyasının sədri, Dövlət Neft Fondunun icraçı direktoru Şahmar Möhsümovun, ACİ YF, Britaniya və Norveç səfirliklərinin, və bir sıra beynəlxalq təşkilatların və neft şirkətlərinin Ümumi Yığıncağa ünvanlanmış təbrik və salamlama məktubları oxundu.

Koalisiya Şurasının 2006-cı il üzrə hesabatını qurumun əlaqələndiricisi Qubad İbadoğlu təqdim etdi. Umumi Yığıncaqdan ötən dövrdə Şuranın 23 iclası keçirilib. Şura ilk əvvəl  Koalisiyanın 2007-10-cu illər üzrə Strateji Planlaşması ilə məşğul olub, həmin dövr üçün strateji planın  işlənilməsi ilə missiyasını, strateji məqsədlərini və hədəflərini, fəaliyyət istiqamətlərini müəyyənləşdirib. Q.İbadoğlu Koalisiyanın təşkilati, hüquqi, texniki, beynəlxalq əlaqələrinin, donorlarla əlaqələrinin ivə üzvlərin  güc və bacarıqlarının inkişafı üzrə görülən işlər və proqram fəaliyyəti üzrə məlumat verdi. Koalisiya ötən dövrdə MHŞT üzrə 5 və 6-cı hesabat və auditor şirkətinin rəyləri təhlil edilib, çatışmazlıqlar, qeyri-müəyyənliklər və narahatlıq doğuran digər məsələlər haqqında Koalisiyanın xüsusi rəyləri açıqlanıb. Mədən sənayesində şəffaflığın artırılması məqsədilə müvafiq siyasət yazılarının hazırlanması üçün müsabiqə elan edilib. Nəzərdə tutulan 10 siyasət yazısının 5-nin hazırlanmasına başlanılıb, digər 5-ni hazırlamaq üçün təkrar müsabiqə elan edilib. Dövlət Neft Fondunun idarəçiliyində olan maliyyə vəsaitlərinin yerləşdirilməsi, investisiyalara yönəldilməsi siyasətinin izlənilməsi, təhlil edilməsi və hesabatın hazırlanması istiqaməti üzrə tədqiqat başa çatdırılıb.

Ümumi Yığıncaqda Monitorinq Qrupunun hesabatı dinlənilib və Koalisiyanın 2008-ci il ilin fəaliyyət proqramı,  həmçinin qurumun Əsasnaməsinə əlavə və dəyişikliklərin edilməsi müzakirə edilərək qəbul olundu. Koalisiyanın həyata keçirdiyi layihələrin qiymətləndirilməsi ilə bağlı Əsasnaməyə əlavə olaraq Seçim Qrupunun yaradılması qərar alındı. 

Koalisiyanın rəhbər orqanlarının səlahiyyət müddəti bitdiyinə görə gündəlikdə təşkilati məsələlərə yenidən baxıldı və Koalisiyaya növbəti 2 il ərzində  rəhbərlik edəcək Şura üzvləri (11 nəfər), həmçinin Monitorinq Qrupunun (5 nəfər) və Seçim Qrupunun üzvlərinin (5 nəfər) seçkisi keçirildi. Səs çoxluğu prinsipi əsasında Qubad İbadoğlu, İlham Hüseynli, Mehriban Vəzir, Fəqan Əliyev, Əliməmməd Nuriyev, Oqtay Gülalıyev, Mirvari Qəhrəmanlı, Dünya Sakit, Ehtiram Əliyev və Sevid Həmidova ilə Fuad Həqrəmanlı bir səslə Koalisiya Şurasının üzvləri seçildilər. Ümumi Yığıncaq Monitorinq Qrupunun 5 üzvünü və Seim Qrupunun 2 üzvünü (50+1 prinsipi üzrə həddi keçə bildiklərinə görə) seçilməsini təsdiq etdi.

 Əlavə məlumat əldə etmək  istəyənlər  «Mədən Sənayesində Şəffaflığın Artırılması» Koalisiyasının mətbuat xidmətinin rəhbəri Ramil Qasımzadəyə (050 333 3448) müraciət edə bilər.

◄ 1 2 3 4 5 6 7 8 9 ► ☼ A ₪

Sənədin sonuncu korrektə tarixi: 16/1/2008 - 15:22:5