İştirak etdilər:

Gündəlik:

1. Şura üzvləri arasında iş bölgüsü istiqamətlərinin müzakirəsi

2. Koalisiya üzvlərinin Şuranın iclasında iştirakı prinsiplərinin müzakirəsi

3. MSŞT ilə bağlı Bakıda keçiriləcək Beynalxalq Konfransda Koalisiya nümayəndəliyinin seçimi prinsiplərinin müzakirəsi

4. Mayis Güləliyevin, Ehtiram Əlinin, İlham Hüseynlinin və Şuranın (instutsional) layihələrinin müzakirəsi

5. Yeni üzvlərin qəbulu

6. Cari məsələlər

İclasın gedişi haqqında qısa məlumat və qəbul edilmiş qərarlar

1. Şura üzvləri arasında iş bölgüsü istiqamətlərinin müzakirəsi

Koalisiyanın aşağıdakı fəaliyyət istiqamətləri müəyyənləşdirildi:

1. Yerli neft şirkətləri (o cümlədən ARDNŞ)

2. Xarici neft şirkətlər ilə əlaqələr

3. Hökumət komissiyası ilə əlaqələr

4. Koalisiya üzvləri ilə əlaqələr

5. Media ilə əlaqələr

6. Xarici təşkilatlarla əlaqələr

7. Donorlarla əlaqələr

8. İctimaiyyətin maarifləndirilməsi

9. Milli məclislə əlaqələr

10. Bələdiyyələrlə iş

Qərara alındı ki, bu məsələnin müzakirəsi və istiqamətlər üzrə məsul şəxslərin müəyyənləşdirilməsi növbəti iclasda müzakirə ediləcək.

2. Koalisiya üzvlərinin Şuranın iclasında iştirakı prinsiplərinin müzakirəsi:

Qərar: MSŞA Koalisya Şurası son dövrlərdə neft gəlirləri ilə bağlı şəffaflıq məsələlərinə ictimai marağın xeyli artması, MSŞA Koalisiyasına üzvlüyə qəbul haqqında müraciətlərin çoxalması, Koalisiya üzvlərindən Şuranın iclaslarında iştirak etmək istəyənlərin sayının getdikcə artması, Koalisiyasının 6-cı Ümumi yığıncağında qəbul edilmiş Fəaliyyət Planının həyata keçirilməsində mümkün qədər hər bir Koalisiya üzvünün iştirakını təmin etməyin vacib olması, iclaslarda optimal iş şəraiti qurulmasına ehtiyac yaranması ilə əlaqədar Koalisiya üzvlərinin Şuranın iclasında iştirakı prinsipləri təkliflər nəzərə alınmaqla yenidən işlənib hazırlansın və növbəti iclasın müzakirəsinə çıxarılsın.

3. MSŞT ilə bağlı Bakıda keçiriləcək Beynalxalq Konfransda Koalisiya nümayəndəliyinin seçimi prinsiplərinin müzakirəsi

S. Bağırov Konfransın gündəliyi, iştirakçılar, aparılmış hazırlıq işləri haqqında məlumat verdi və bildirdi ki, konfransda iştirak edəcək Koalisiya üzvlərini seçmək üçün prinsiplər müəyyənləşdirilməlidir. Konfransın 1-ci günü Koalisiyadan 30 nəfərin, 2-ci və 3-cü günləri isə 15 nəfərin iştirakı nəzərdə tutulur. İclas iştirakçıları bəzi təkliflər verdilər. Qərara alındı ki, növbəti iclasadək bütün təkliflər toplansın və növbəti iclasda bu Koalisiya nümayəndəliyinin seçim prinsipləri müəyyənləşdirilsin.

4. Mayis Güləliyevin, Ehtiram Əlinin, İlham Hüseynlinin və Şuranın (instutsional) layihələrinin müzakirəsi

S. Bağırov:

- Mayis bəy hamıya məktub yazıb və xahiş edir ki, onun layihəsi səsə qoyulsun.

O. Gülalıyev:

- Zaman baxımından birinci Ehtiram bəyin layihəsi daxil olub və ən əvvəl ona baxılmalıdır.

S. Rəhmanov:

- Şuranın qərarı var ki, müəllif iştirak etmədiyi halda onun layihəsinə Şurada baxılmır. Bu qərarımıza hörmət və əməl edək.

S. Bağırov:

- Bu layihə ilə bağlı məsələ belədir ki, biz Mayis bəyin layihəsini keçən iclasda özünün iştirakı ilə müzakirə etmişik. İndi isə o öz məktubunda xahiş edir ki, Şura bu layihəni səsə qoysun. Birinci hansı layihəyə baxılmalıdır? Bunu səsə qoymağa ehtiyac varmı?

Q. Ibadoğlu:

- Layihələr qəbul etdiyimiz "Qaydalar"a uyğun müzakirə edilsin.

S. Bağırov:

- Gəlin birinci Mayis bəyin layihəsini müzakirə edək. Keçən iclasda siz bu layihə ilə tanış olduz. Mən sizə onu qısa şəkildə xatırladıram. (Layihə haqqında məlumat verir. İclas iştirakçılara həmin layihənin yenidən çoxaldılmasını istəyirlər. Bu vaxt ərzində Ehtiram bəyin layihəsi müzakirə edilir.)

E. Əli:

- (Layihə haqqında məlumat verir.)

Qərar: Təkliflər və düzəlişlər nəzərə alınmaqla (regionlar və oxşar fəaliyyətlər dəyişdirilsin) layihə Şura tərəfindən dəstəklənsin.

(Mayis bəyin layihəsinin müzakirəsi davam etdirildi)

Qərar: Layihənin müzakirəsi növbəti iclasda müəllifin iştirakı ilə davam etdirilsin

İlham Hüseynli:

- (Layihə haqqında məlumat verir)

Qərar: Layihə təklif edilən düzəlişlər nəzərə alınmaqla yenidən tam şəkildə tərtib edilsin. Müəllif layihənin son variantını S. Bağırovla bir daha nəzərdən keçirəcək və Şuranın tövsiyə məktubu ilə donora təqdim edəcək.

5. "Ruzgar" Ekoloji İctimai Birliyi və Demokratik İslahatlar Mərkəzi Koalisiya üzvlüyünə qəbul edildilər.

◄ 1 ... 8 9 10 ... 32 ► ₪

Sənədin sonuncu korrektə tarixi: 24/7/2008 - 15:54:23