2006-cı il üçün Koalisiyanın Fəaliyyət Planı üzrə iiddiaçıların və icraçıların müəyyənləşdirilməsi:
S. Bağırov:
- Dünya Bankı ilə yazışmalarda bildirilib ki, bank FP-nin bir hissəsini və apreldə keçirilməsi nəzərdə tutulan beynəlxalq konfransın xərclərini maliyyələşdirməyə hazırdır;
- Mən Statoyl şirkətində görüşərək FP-ni onlara təqdim etmişəm. Onlar tezliklə öz münasibətlərini bildirəcəklər. Xatırladıram ki, BP artıq FP-in həyata keçirilməsində Koalisiyaya dəstək verəcəyini bildirib. ACİ YF da mədən sənayesində şəffaflıq problemini öz strategiyasına daxil edib.
M. Gülalıyev:
- Maliyyələşdirilməsi razılaşdırılmış fəaliyyətlər üzrə yeni iş planı hazırlanmalıdır. Bu Koalisiyanın layihəsi kimi təqdim edilməlidir və mümkün qədər çox Koalisiya üzvünün bu layihələrdə iştirakını təmin edən metodologiya işlənib hazırlanmalıdır. Həyata keçirilən layihələr ayrı- ayrı təşkilatların deyil, Koalisiyanın layihələri olmalıdır.
İ. Əhmədov:
- Nə qədər çətin görünsə də, mən də Mayis bəyin təklifini müdafiə edirəm. Əgər lalyihələri həyata keçirəcək təşkilatlar subyektiv olaraq müəyyən edilsə, heç kimə başa sala bilməyəcəyik ki, bu seçim hansı prinsiplərə əsaslanıb.
Z. İsmayıl:
- Bu təklif qəbul edilərsə, layihələri problemi bilən mütəxəssislər deyil təsadüfi adamlar həyata keçirməli olacaq. Hamı hər işlə məşğul ola bilməz. İxtisaslaşma vacibdir.
E. Əli:
- Layihələrin həyata keçirilməsində Koalisiya üzvlərinin hamısı iştirak etməlidir. Hər təşkilat öz imkanları və bacarıqları daxilində işlərlə məşğul ola bilər.
Q. İbadoğlu:
- FP-də elə işlər var ki, onları həyata keçirməyi bir təşkilata tapşırmaq olmaz. Təklif edirəm ki, biz layihələri təsnif edək və müəyyənləşdirək ki, hansı layihələri birgə, hansılarını isə ayrı- ayrı təşkilatlar həyata keçirə bilər.
N. Ağayev:
- Təsdiq edilmiş FP çərçivəsində hər hansı bir layihəni həyata keçirmək istəyən təşkilat layihəni müzakirəyə çıxarmalıdır;
- Müzakirə edilən hər bir layihə qəbul edilməsi üçün səs toplamalıdır;
- Layihələr ancaq Koalisiya adından təqdim edilməlidir;
- İddiaçılar müraciət etməli, Şura isə onların arasından icraçı(lar) seçməlidir;
- Əgər Şura üzvünün təmsil etdiyi təşkilat layihədə iştirak edirsə, həmin Şura üzvü səsvermədə iştirak etmir;
- Layihənin kordinatoru ən azı ildə bir dəfə Şurada hesabat verməlidir;
- Layihə iştirakçılarının ən azı 80%-i Koalisiya üzvləri arasından seçilməlidir;
F. Əsədov:
- Qahirədə ictimai maliyyə, büdcə və neft gəlirləri mövzusunda konfrans keçirilib;
- Mən EITI-ın Azərbaycanda tətbiqi ilə bağlı təqdimat keçirdim;
- Bizim təcrübənin nə qədər qabaqcıl, nə qədər ümidverici olduğunu aşkar etdim;
- Bunun əsas səbəbi Koalisiyanın birgə işlənmiş və birgə həyata keçirilməsi planlaşdırılan FP-nın olması idi;
- Konfrans iştirakçıları Koalisiyanın FP-nı öz şəraitlərinə uyğun üzərində işləmək üçün bir sənəd kimi yüksək qiymətləndirdilər;
- Bu Azərbaycan vətəndaş cəmiyyətinin böyük uğurudur və onun ikinci mərhələsi- həyata keçirilməsinin nəticələrindən asılı olaraq bizim qazanılan həmin mövqeni qoruyub saxlamaq mqmkqn olacaq;
- Koalisiya onun fəaliyyəti üçün ayrılacaq vəsaitlərin sahiblik məsuliyyətini daşımalıdır. Xüsusilə Şura bu məsuliyyəti öz üzərinə götürməlidir və cavabdehlik daşımalıdır. Bunun prosedurları işlənməlidir.
- layihələrin həyata keçirilməsində hesabatlılıq təmin edilməlidir. layihələrin icraçıları Şuranın hər həftə keçirilən iclaslarında işlərin gedişi haqqında məlumat verməlidirlər.
- Vebsaytda hər bir layihəyə aid xüsusi səhifə ola bilər;
- layihələrlə bağlı yazışmalarda Koalisiyanın adı, təşkilatın adı və layihənin adı qeyd edilməlidir;
- Birgə həyata keçiriləcək layihələr üçün təşkilat komitəsi yaranacaq və bu komitə Şura qarşısında hesabat verməlidir;
- İcraçıları düzgün seçə bilmək üçün Koalisiya üzvlərinin daha yaxından tanımaq, onlar haqqında məlumat bazası yaratmaq yaxşı olardı;
- Digər ölkələrdə olan koalisiya təcrübəsinin öyrənilməsi lazımdır və bunun üçün ACİ-nin "Şərq- Şərq" proqramından istifadə edilə bilər. Bunun üçün Koalisiya ACİ YF-a layihə təqdim edə bilər. Həmin layihənin icraçısı formal olaraq bir təşkilat olsa da, o, birgə layihə olmalıdır;
Q. Əfəndiyev:
- Layihələrin həyata keçirilməsi uzun müddəti əhatə edəcək və o layihələr icra üçün seçilməlidir ki, onlar işlənib hazırlanmış meyarlara uyğun olsun. Bu meyarlar hansılar ola bilər:
Layihələr
-
Koalisiyanın ümumi məqsədlərinə xidmət etməlidir;
-
mümkün qədər çox Koalisiya üzvünü əhatə etməlidir;
-
elə konkret işlər nəzərdə tutsun ki, onlar tam şəffaf olmaqla sonradan qiymətləndirilməsi mümkün və asan olsun;
- Layihələr müsabiqəyə təqdim edilməlidir;
- Müsabiqə Komissiyası rotasiya yolu ilə 3-4 nəfər Şuradan, 1 nəfər Monitorinq Qrupundan olmaqla təşkil edilə bilər;
- Müsabiqə Komissiyasına donor təşkilatlarların hərəsindən bir nümayəndə olmaqla cəlb edilə bilər;
- Müsabiqə Komissiyası üzvü olan Koalisiya üzvləri ilə bağlı maraqlar ziddiyətinin aradan qaldırılması üçün Şura üzvlərinin nominal əmək haqqı almaları məsələsi ola bilər;
- Müsabiqə Komissiyası üzvü olan Şura üzvünün təmsil olunduğu təşkilat müsabiqəyə təqdim edilən layihədə iştirak edə bilər;
- Layihələr Koalisiyanın olduğundan təşkilatlar bir çox hallarda yalnız maliyyə vəsaitini alıb lazımi istiqamətə yönəldən bir aralıq rol oynayacaq;
S. Bağırov:
- Bu vaxtadək olan müddətdə Koalisiya 7 layihə həyata keçirib və bu layihələrin maliyyələşdirilməsi Koalisiyanın Əsasnaməsinin 9-cu bəndinə uyğun aparılıb. İndi vəziyyət dəyişib və hazırki durum yeni qaydalar tələb edir. Kim isə bu qaydaları hazırlamalıdır.
Qərar: S. Bağırovun "Koalisiya çərçivəsində qrant proqramlarının həyata keçirilməsi üçün qaydalar" layihəsini hazırlamaq haqqında təklifi qəbul edilsin və bu iş M. Gülalıyevə həvalə edilsin.
M. Gülalıyev:
- Layihələr Koalisiya adından onun xüsusi fundraising qrupu tərəfindən hazırlanmalı və donorlara təqdim edilməlidir. Qəbul edildiyi təqdirdə, Şurada icraçı və ya icraçılar seçilməlidir.
D. Sakit:
- Koalisiyanın hüquqi şəxs kimi qeydiyyatdan keçməsi məsələsi müzakirə və həll edilməlidir.
Q. İbadoğlu:
- Hansı istiqamətlər üzrə maliyyələşdirilməyə razılıq varsa həmin istiqamətlər üzrə layihələr hazırlansın və Şuraya təqdim edilsin. Layihənmin kordinatoru onu hazırlayıb təqdim edən şəxs olsun. İcraçılarını isə Şura müəyyənləşdirsin. Çalışmaq lazımdır ki, layihələrdə Koalisiya üzvləri maksimum iştirak etsin.
S. Bağırov:
- Hami razılaşdı ki, Koalisiyanın Əsasnaməsinin 9-cu bəndinə əlavə olaraq yeni situasiyanı əks etdirən qaydalar hazırlanmalıdır. Mayis bəy onun layihəsini hazırlayacaq və biz gələn yığıncaqda onu müzakirə edəcyik. Gündəliyin 1-ci məsələsi ilə bağlı qərarımız budur.
Koalisiya üzvü Aslan Gəncə FP-də insan hüquqlarının qorunması ilə bağlı istiqamətlərin nəzərdə tutulmamasına irad tutdu və bu mövzuda hazırladığı layihəni təqdim edə bilmədiyindən narahatlığını bildirdi. Müzakirələrdə qeyd edildi ki, EITI prinsiplərində insan hüquqları müdafiəsi nəzərdə tutulmasa da, məhz belə layihələr üçün Koalisiya Əsasnaməsinin 9-cu bəndindən istifadə edib maliyyələşdirmə mümkündür. A. Gəncədən xahiş olundu ki, hazırladığı layihəni Şuranın müzakirəsinə təqdim etsin.
A. Gəncənin təklif etdiyi ikinci məsələ Koalisiyanın bölgələrdən olan üzvlərinin mümkün olduğu qədər Şuranın iclaslarında iştirak etmələrinə imkan yaradılması xahişi oldu. Şura qərara aldı ki, layihələrdə bölgə nümayəndələrinin də Şuranın iclaslarında iştirak etmələrinə imkan yaratmaq üçün maliyyə nəzərdə tutulsun.
ANA SƏHİFƏ 
Üzvlər 
Memorandum 
