S. Bağırov:
_ Keçən iclasın qərarına görə Şura üzvləri FP-ə öz münasibətini bildirməli və hansı istiqamət üzrə öz fəaliyyətlərini qurmaq istədiklərini bildirməli idilər. Hələlik dörd Şura üzvü fikrini bildirib.
- FP-ə maliyyə dəstəyinin olacağı gözlənilir. ACİ YF və BP FP-in bəzi bəndlərinə maraq göstərirlər. Bunlardan başqa EITI-ın inkişafı üçün xüsusi Trust Fondu təsis edilib və həm Koalisiya adından, həm də ayrı- ayrı təşkilatlar həmin Fonda layihələr təqdim edə bilərlər.
M. Gülalıyev:
- Bütün FP ayrı- ayrı layihələrin cəmi olmaqla bir strategiyada birləşməli, onun həyata keçirilməsi və idarə edilməsi strukturu yaradılmalıdır. FP 4 bölmə üzrə həyata keçirilməlidir: 1) araşdırma, 2) maarifləndirmə, 3) monitorinq, 4) advokasi. Bu siyahıya KİV-lərlə işi də əlavə etmək olar. FP-də nəzərdə tutulan bəndlər bu bölmələrin alt qrupları olmalıdır. FP-in özünün böyük bir layihə kimi bir kordinatoru olmalı və layihələrin bütün bölmələr üzrə hesabatları ən sonda həmin kordinatorun hazırlayacağı böyük hesabatda birləşməlidir.
İ. Əhmədov:
- Bu ideya yaxşı strukturlaşmış bölmələri olan təşkilatda yaxşı alına bilər. Lakin bizim Koalisiya tamamilə müstəqil fəaliyyət göstərən təşkilatlardan ibarətdir. Onların hər hansı bir layihənin ayrı- ayrı bölmələrini həyata keçirmək üçün birləşməsi çox çətin görünür. Koalisiyada birləşən təşkilatlar yekcins deyil, hər bir təşkilatın öz iş üsulu, idarə edilməsi, məsələlərə baxışları vardır və bəzən bu baxışlar çox fərqlidir.
O. Gülalıyev:
- İş bölgüsü keçən il Şurada aparılmış İş bölgüsünə bənzər formada aparılsın.
S. Rəhmanov:
- İş bölgüsü ilə FP fərqli məsələlərdir. Şura üzvləri arasında iş bölgüsünü FP ilə əlaqələndirməyək. Oqtay bəy iş bölgüsü aparılmasını təklif edir.
Z. İsmayıl:
- FP əslində həyata keçirilməsi nəzərdə tutulan layihələrdir. Əgər bu layihələr üçün maliyyə ayrılacaqsa, bunun üçün tenderlər keçirilməlidir.
S. Bağırov:
- Oqtay bəy öz təklifini növbəti yığıncaqda yazılı təqdim etsin. Tenderlərin keçirilməsi haqqında isə keçən yığıncaqda müzakirələr oldu və belə razılşdırıldı ki, bir sıra layihələr üzrə tenderlər elan edilsin. Bu məsələdə də razılaşdıq ki, FP-də nəzərdə tutulan bəndlər üzrə ilkin işlər görülməlidir. Yəni, konkret bəndlər- layihələr üzrə hansı işlərin və necə görüləcəyi, müəyyənləşdirilməlidir. Bunu kimlərin edəcəyi isə bu gün müəyyənləşdirilməlidir. Bu məslənin müzakirəyə çıxarılmasında məqsəd budur.
Q. İbadoğlu:
- Hər hansı bir tender keçirilməzdən əvvəl iddiaçılar ərizə ilə müraciət edirlər. Bu siyahıda adların qeyd edilməsi həmin bəndlərin həyata keçirilməsi üçün iddiaçıların müəyyən edilməsi üçündür. Sadəcə həmin şəxsləri icraçı yox, iddiaçı adlandırmaq daha doğrudur. FP ilə bağlı Mayis bəyin təklifi ilə razı deyiləm. Birinci, Koalisiya strukturlaşmış orqan deyil və bu təklifi həyata keçirmək mümkün olmayacaq. İkinci, heç bir donor bu həcmdə layihəni maliyyələşdirməyə razı olmayacaq. Bu mənada, bir sıra xırda layihələrin təqdim edilməsi onların maliyyələşdirilmə imkanlarını artırır.
S. Rəhmanov:
- Mayis bəyin təklifini bəyənirəm. FP-də göstərilən bəndlər həmin təklifə uyğun olaraq bölüşdürülə bilər.
I. Əhmədov:
- Mayis bəyin təklifinin tərəfdarı deyiləm. Burada ən layiqli layihələrin seçilməsi üçün rəqabət yoxdur.
M. Gülalıyev:
- Rəqabət vətəndaş cəmiyyətinin inkişafı üçün təhlükəlidir. Vətəndaş cəmiyyətinin bir üzvü digərlərindən zəif ola bilər. Bu o demək deyil ki, digərləri onu əzməlidirlər. Əksinə, zəifin inkişafına kömək etmək lazımdır. Vətəndaş cəmiyyətinin inkişafı zəiflərin sıradan çıxarılması yolu ilə getməməlidir.
S. Bağırov:
- İki variantın simbiozu olmalıdır. Kim isə bir nəfər daimi olaraq bütün bu layihələrin EITI prinsip və meyarlarına nə dərəcədə uyğun həyata keçirilməsinin monitorinqini, təhlilini aparsın. Təklif edirəm ki, FP-nin həyata keçirilməsinin qiymətləndirilməsi Mayis bəyin təklif etdiyi sxem üzrə aparılsın. Bunu etmək ona görə vacibdir ki, ola bilsin Koalisiya işini gələn il bu sxem üzrə qursun. İkinci səbəb isə odur ki, FP həyata keçirildikdən sonra onun hesabatı həmin monitorinq və qiymətləndirməyə uyğun hazırlansın. Bunun üçün ayrıca layihə olmalı və bu qiymətləndirmə layihənin bütün dövrü boyu aparılmalıdır.
M. Gülalıyev:
- Təklif edirəm ki, FP-na "Azərbaycanda EITI prosesinin monitorinqi və qiymətləndirilməsi" bəndi əlavə edilsin. Əgər razılıq olarsa, həmin işin həyata keçirilməsini mən öhdəmə götürə bilərəm.
S. Bağırov:
Biz FP-yə dəyişiklik edilməsini Koalisiya üzvləri ilə müzakirə edib, razılıq olarsa qəbul edə bilərik.
A. Əliyev:
"Neft gəlirləri hamımızındır" kompaniyası çərçivəsində gəlirlərin həm yoxsulluğa, həm də zənginliyə gətirib çıxara biləcəyini əks etdirən foto müsabiqə və foto sərgi keçirilsin.
Qərar: FP-yə "0" bəndi kimi "Azərbaycanda EITI prosesinin monitorinqi və qiymətləndirilməsi" və "Neft gəlirləri hamımızındır" kompaniyası çərçivəsində foto müsabiqə və foto sərgi keçirilməsi əlavə edilsin.
( Daha sonra iclas iştirakçıları arasından FP-nin bəzi bəndləri üzrə nəzərdə tutulan işləri yerinə yetirməyə iddiaçılar müəyyənləşdirildi.)
Qərar: Şuranın bütün üzvləri FP-nin həyata keçirmək iddiasında olduqları bəndlərini tezliklə müəyyənləşdirsinlər. Koalisiya üzvlərinə müraciət edilsin ki, hansı bəndlərin həyata keçirilməsinə iddiaçı olduqlarını Şuraya bildirsinlər.
ANA SƏHİFƏ 
Üzvlər 
Memorandum 
