İştirak etdilər:

İclasın gündəliyi və qəbul edilmiş qərarlar

Təklif edildi ki, yeni üzvlərin qəbulu məsələsinə birinci baılsın.

1. Yeni üzvlərin qəbulu

İqtisadi və Sosial İnkişaf Mərkəzi (Vüqar Bayramov), Demokratik Dəyərləri Müdafiə Fondu (Əhməd Əsgər), Vətəndaş Cəmiyyəti Quruculuğuna Yardım Mərkəzi (Regional QHT Ağstafa rayonu- İlqar Vəliyev) Musayev Ceyhun Əli oğlu (fərdi) və Bəkirzadə Şəbnəm Rəşaid qızı (fərdi) Koalisiyaya üzv olmaq haqqında müraciətlərinə baxıldı və onlar Koalisiya üzvlüyünə qəbul edildilər.

2. Koalisiya jurnalının "Əsasnamə"sinin müzakirəsi:

Müzakirəyə jurnalın "Əsasnamə"sinin hazırlanması ilə bağlı yaradılmış işçi qrupun hazırladığı layihə çıxarıldı. Bu layihədə M. Güləliyevin əlavə və düzəlişləri də qeyd edilmişdi. Layihə bənd- bənd müzakirə edildi. Müzakirələrdən sonra qərara alındı:

Qərar:

1. Jurnal hüquqi şəxs kimi təsis edilmir.

2. Jurnalın təsisçisi Koalisiya Şurasıdır

3. Jurnalın idarə olunması üçün:

   1. Redaksiya Şurası (jurnalın strategiyasını və tematikasını müəyyənləşdirir)

   2. Redaksiya Heyəti yaradılır. (Baş redaktor və işçi kollektivdən ibarətdir və jurnalın cari işlərini idarə edir).

4. Redaksiya Şurası Koalisiya üzvləri və Monitorinq Qrupu arsından könüllülük prinsipi ilə seçilir.

5. Baş redaktor Redaksiya Şurası tərəfindən Koalisiya və Şura üzvləri arasından seçilir.

6. Redaksiya Heyətini Baş redaktorun təqdimatı ilə Redaksiya Şurası təsdiq edir.

7. Əsasnamə əsas kimi qəbul edilir və burada qəbul edilmiş qərarlar və təklif edilən düzəlişlərlə yenidən hazırlansın

3. Cari məsələlər

M. Güləliyev:

- Koalisiyanın layihələri fəaliyyət planına uyğun koordinasiya edilməlidir. Bu layihələr Koalisiyanın ümumi strategiyasına xidmət etməlidir.

S. Bağırov

- Bu məsələ gələn iclasda müzakirə edilsin.

Qərara alındı ki, Koalisiyanın növbəti ümumi yığıncağı iyunun 30-da saat 10-da başlansın. Yığıncağın keçiriləcəyi yer dəqiqləşdiriləcək.

◄ 1 ... 17 18 19 ... 32 ► ☼ A ₪

Sənədin sonuncu korrektə tarixi: 8/7/2008 - 15:40:19