İştirak etdilər:

İclasın gündəliyi və qəbul edilmiş qərarlar

Gündəliyin müzakirəsi zamanı O. Güləliyev keçən iclasdan yarımçıq qalmış Koalisiya jurnalının Əsasnaməsinin müzakirəsini də davam etdirməyi təklif etdi. S. Bağırov bildirdi ki, digər Şura üzvü M. Güləliyev ezamiyyətdədir və məktub yazaraq bu məsələnin müzakirəsinin təxirə salınmasını xahiş edib. Ozünün bu məsələ ilə bağlı ayrıca təkliflərinin olacağını qeyd edib. Qısa müzakirədən sonraŞura üzvləri bu məsələnin müzakirəsini təxirə salmaq haqqında qərara gəldilər.

Təklif edildi ki, yeni üzvlərin qəbulu məsələsinə birinci baılsın.

1. Yeni üzvlərin qəbulu

"Proqress" İctimai Birliyinin (Səbuhi Hüeynov) və fərdi olaraq müraciət etmiş Həmidova Hicran xanımın Koalisiyaya üzv olmaq haqqında müraciətlərinə baxıldı və onlar Koalisiya üzvlüyünə qəbul edildilər.

2. Koalisiyanin Fəaliyyət Planında nəzərdə tutulan "Əhalinin geniş məlumatlandırılması" kompaniyasına dair işçi qrupu təkliflərinin müzakirəsi:

O. Güləliyev işçi qrupun son iclası haqqında məlumat verdi və bildirdi ki, layihənin büdcəsi ilkin variantda işçi qrup tərəfindən qəbul edilib və bu iclasın müzakirəsinə təqdim edilir. Daha sonra o, büdcə layihəsini iclas iştirakçılarına təqdim edir.

S. Bağırov:

- Kompaniyanın keçirilməsi üçün qrant layihəsini iki formada hazırlamaq mümkündür. Birinci variantda o bütün kiçik layihələrin cəmləşdiyi bir layihə kimi tərtib edilir. İkinci variantda isə ümumi bir layihədə kiçik layihələr birləşir və hər bir kiçik layihə müstəqil olaraq maliyyələşə və həyata keçirilə bilir. Bu zaman donorlar onları maraqlandıran layihələri ayrıca qəbul edib maliyyələşdirə bilərlər. Mən bu ikinci variantın tərəfdarıyam.

F. Əsədov:

- İkinci variant daha cəlb edici görünür.

İ. Əhmədov:

- Mən keçən dəfə də təklif etmişdim ki, kompaniyada nəzərdə tututlan layihələrin reytinq cədvəli yaradılsın və cəlb olunan maliyyə vəsaitləri birinci növbədə reytinqi yüksək olan tədbirlərin keçirilməsinə sərf edilsin. İctimai məlumatlandırma tədbirləri ilk növbədə nəzərdə tutulmalı, vəsait kifayət qədər cəlb edilərsə digər tədbirlərin keçirilməsi nəzərdə tutula bilər.

S. Bağırov:

- Başqa bir vacib məsələ icraçı təşkilatların müəyyən edilməsidir. Həmçinin Koalisiyanın digər üzvlərinin də bu tədbirlərin keçirilməsinə cəlb edilməsi haqqında düşünmək lazımdır.

O. Güləliyev:

- İkinci variantda hər layihə üçün inzibati, dəftərxana, rabitə və s. xərclər nəzərdə tutulmalıdır. Bu layihənin ümumi dəyərini arttıracaq. Birinci variantda isə bütün bu xərclər bir yerdən idarə edildiyi üçün xərclər xeyli az olacaq.

- Layihələrin icrasına birinci növbədə onu təklif edən təşkilatlar cəlb edilməlidir.

- Digər Koalisya üzvlərinin cəlb edilməsi üçün icraçısı olmayacaq layihələr haqqında elan vermək olar. Nəzərə almalıyılq ki, hələ Fəaliyyət Planı üzrə işçi qruplar formalaşdırılarkən bütün Koalisiya üzvlərinə müraciət edilmişdi və maraqlı olanlar artıq bu işlərə qoşulublar və işçi qrupun işində də iştirak edirlər.

S. Bağırov:

- Kompaniya haqqında məlumatı və nəzərdə tutulan tədbirlərin siyahısını Koalisiya üzvlərinə göndərək. Bəlkə kimlərinsə əlavə təklifləri ola bilər. Çalışaq ki, mümkün qədər çox Koalisiya üzvü kiçik olsa da müəyyən layihələri həyata keçirməklə bu kompaniyada iştirak etsinlər.

O. Güləliyev:

- Bi işin əvvəlində bütün Koalisiya üzvlərinə email göndərilmikşdi ki, bu kompaniyada kim istəyirsə içtirak edə bilər. Arzu edənlər müraciət etdilər və işçi qrupun tərkibinə daxil oldular. Yenidən elan vermək bizi gecikdirə bilər.

S. Bağırov:

- İşçi qrupda cəmi 14 Koalisiya üzvü iştirak edir. 60-a yaxın üzvümüz isə bu kompaniyadan kənarda qalıb. Koalisiyanın bütün potensialından istifadə etmək lazımdır. Elə təşkilatlar ola bilər ki, onlar həyata keçirdikləri layihələri bu kompaniya ilə uzlaşdıra bilərlər. Və yaxud elə ideyalar ortaya çıxa bilər ki, onları həyata keçirmək çox az vəsait tələb edir,lakin effekti böyük ola bilər. Digər Koalisiya üzvlərinə bir daha imkan vermək lazımdır ki, kompaniyada necə iştirak etmələri haqqında düşünsünlər. Məsələn, fikrləşmək lazımdır ki, Koalisiya üzvü olan jurnalistlər maksimum şəkildə bu işə cəlb edilib onun təbliğ edilməsinə öz köməklərini verə bilsinlər.

İ. Hüseynli:

- Layihə əsas kimi qəbul edilsin. Tezliklə Koalisiyanın ümumi yığıncağı çağırılsın və kompaniya layihəsinin təqdimatı keçirilsin. Əlavə qoşulmaq istəyənləar olsa qoşulsun.

İ. Əhmədov:

- Artıq kompaniyaya hazırlıq üzrə görüləcək işlər üçün son müddətlər müəyyənləşdirilməlidir;

- Donorlarla iş üzrə bir qrup formalaşmalıdır. Həmin qrupa Koalisiyanın kordinatoru və işçi qrupun məsul şəxsləri daxil olmalıdırlar. Artıq maliyyə vasitə əldə etmək üçün donor təşkilatlarla görüşlərə başlamaq lazımdır.

- layihənin qiymətləndiricisi nəzərdə tutulmalıdır.

E. Hüseynov:

- Hər bir komponent üzrə məsul şəxslər olmalı və onların məsuliyyətləri müəyyən edilməlidir.

S. Bağırov:

- bu məsələlər həll edilməlidir:

1. Donor təşkilatlara təqdim etmək üçün Azərbaycan və ingilis dillərində layihə hazırlanmalı və həmin layihəyə istehsalı nəzərdə tutulan bütün əşyaların eskizləri əlavə edilməlidir. (S. Bağırov layihəni hazırlamağı öhdəsinə götürdü. Əlavə arzu edən hər kəs qoşula bilər).

2. Donor təşkilatlarla görüşüb danışıqlar aparacaq və layihəni təqdim edəcək qrupun yaradılması (Şuranın qərarı ilə həmin qrupa S. Bağırov, S. Rəhmanov, O. Güləliyev və İ. Əhmədov daxiol edildilər.)

3. Donor təşkilatlarla görüşlərin qrafikini hazırlamaq (S. Bağırova həvalə edildi).

4. Kompaniya çərçivəsində istehsal ediləcək müxtəlif məhsulların dizaynını hazırlamaq üçün dizayner olmalıdır. (Şura qərara aldı ki, belə bir dizaynerin olması lazımdır və onun əmək haqqı koalisiya instutsional grantından ayrıla bilər. Razılaşdırıldı ki, bu barədə ACİ YF-na müraciət edilsin).

5. Qiymətləndirmə

6. Ümumi yığıncaq - iyun ayının üçüncü ongünlüyündə keçirilməsi qərara alındı

Cari məsələlər

◄ 1 ... 16 17 18 ... 32 ► ☼ A ₪

Sənədin sonuncu korrektə tarixi: 26/7/2008 - 12:19:32