"Neft gəlirləri hamımızındır" kompaniyası üzrə işçi qrupun təkliflərinin müzakirəsi
S. Rəhmanov (İşçi qrup üzrə məsul şəxs):
- İşçi qrup iclas keçirib və tədbirlər planının ilkin variantı hazırlanıb. (İclas iştirakçılarını tədbirlər planı ilə tanış edir).
- Kompaniyanın keçirilməsi böyük bir layihədir və tədbirlər planına daxil olan kiçiç layihələrin cəmidir.
- Hər kiçik layihəni onu təqdim edən şəxs idarə edəcək və o layihədə assistent adlandırılır.
- Bir böyük layihənin direktoru və kordinatoru nəzərdə tutulur
- Layihə bir dənədir və ümumi məbləğ təxminən $96 700
- Kompaniyanın həyata keçirilməsi oktyabr ayının ortalarında nəzərdə tutulur;
S. Bağırov:
- Layihə tam hazır olduqdan sonra donorlarları dəvət edib təqdimat mərasimi keçirmək olar.
M. Güləliyev:
- Təqdim edilən layihədən məlum olur ki, işçi qrup layihəni həyata keçirən insanlardan təşkil edilir. Bu düzgün deyil. Əvvəlcə İşçi qrupun statusu müəyyən edilməlidir.
- Belə böyük layihələrin monmitorinqi və qiymətləndirilməsi nəzərdə tutulmalıdır.
- Bəzi bəndlər üzrə tender keçirilməlidir və tender komissiyası yaradılmalı, onun Əsasnaməsi olmalıdır.
N. Ağayev:
- Bu kompaniyada məqsəd nədir, nəyə nail olmaq istəyirik- bu aydın olmalıdır. Hansı çətinliklər ola bilər, hansı səhvlər mümkündür- araşdırılmalıdır.
Z. İsmayıl:
- Konfransların keçirilməsinin əleyhinəyəm. Fuat müəllimin bir layihəsi var, universitetlərdə konfranslar nəzərəd tutur. İndi bu layihədə də yenə Fuat müəllim məktəblərdə və universitetlərdə konfranslar keçirməyi təklif edir.
Q. İbadoğlu:
- Hər iclasda layihə müzakirə etməyin əleyhinəyəm. Əvvəl müzakirə etdiyimiz layihələrin taleyini gözləyək. Biz əsas işimizlə məşğul olmalıyıq. Bu günki gündəlikdə daha vacib məsələlər var. Biz auditin nəticələrini, ARDNF-in artan xərclərini müzakirə etməliyik.
M. Güləliyev:
- Mənim fikrimcə, müzakirəyə çıxarılan bu təklif işçi qrupuna qaytarılmalıdır. İşçi qrup onu yenidən hazırlamalıdır. Buradan bütün məbləğlər və icraçılar, məsul şəxslər silinməlidir. Layihə hazırlansın, gözlənilən nəticələr qeyd edilsin, layihənin qiymətləndirilməsi daxil edilsin. Layihə hazır olduqdan sonra, icraçıları işçi qrup tender vasitəsi ilə, və yaxud başqa yolla formalaşa bilər.
N. Ağayev:
- Şuranın vahid layihəsi olmalıdır. Bu strateji layihə olmalıdır. Bu layihələr ora daxil olmalıdır. Bu layuhə PR kompaniya kimi aparılmalı və onun bir ssenarisi olmalıdır. Məktəblərdə konfranslar keçirilməsini layihədən çıxarmaq lazımdır. Universitetlərdə adi konfranslar deyil, tələbələrin cəlb edilməsi ilə elmi- praktik konfranslar təşkil edilməlidir.
S. Bağırov:
- Bu kompaniyanın keçirilməsi Koalisiyanın FP-də nəzərdə tutulub və o keçirilməlidir. Nəriman bəyin fikri ilə razıyam ki, onun ssenarisi olmalıdır. Bəlkə də ssenarini hazırlamaq üçün xüsusi mütəxəssisə ehtiyac ola bilər. Həmin ssenaridə burada qeyd edilən tədbirlər elə yerləşdirilməlidir ki, maksimum effekt alınsın və əsas iştirakçılar lazımi anda lazımi yerdə ola bilsinlər. Biz bu işləri həm də tez etməliyik ki, maliyyə vəsaiti əldə edə bilək. hazırlanacaq və ya sifariş ediləcək əşyaların maketi, cizgiləri hazırlanmalıdır ki, donorlar onları görüb qərar verə bilsinlər.
İ. Əhmədov:
- Qərara alırıq ki, müzakirəni gələn iclasadək burda saxlayaq. İşçi qrupa tövsiyə edək ki, bu tədbirlərin həyata keçirilməsinin ssenarisini hazırlamaq haqqında təkliflərini versin. Elə bir mütəxəssis tapaq ki, o həmin ssenarini hazırlaya bilsin.
M. Güləliyev:
- İşçi qrup əvvəlcə layihə hazırlasın. Sonra isə mütəxəssis cəlb edilsin.
O. Güləliyev:
- Mən buna etiraz edirəm. Keçən iclasda işçi qrup yaradılıb, onlara iş tapşırılıb, onlar əziyyət çəkib vaxt sərf ediblər, indi isə onlara deyilir ki, bu işi saxlayaın. Bu hörmətsizlikdir.
İ. Əhmədov:
- Bu iş saxlanılmır. Məqsəd işçi qrupun gördüyü işi sistemləşdirib, ssenari şəklində bir formaya salmaqdır. Şura işçi qrupuna tapşırıq verir ki, o, bu tədbirləri nəzərdə tutan ilkin variant layihə hazırlasın və orada göstərsin ki, niyə bu tədbirlərin keçirilməsi planlaşdırılır, hansı nəticələr gözlənilir və s.
Q. Əfəndiyev:
- Burda ssenari adlandırılan belə bir sənədə mütləq ehtiyac var. hazırda əlimizdə olan bu sənədlə bizi heç bir donor təşkilat qəbul etməz. Bu sənəd olmalıdır, lakin əlbəttə ki. həmin sənəd burda qeyd edilən tədbirlər planına əsaslanmalıdır. Biz Soros Fondu tərəfindən layihənin təqdim edilməsi, donorlarla danışıqlar aparılması və nəzərdə tutulan ssenarinin hazırlamaq üçün mütəxəssisin cəlb edilməsinə yardım edə bilərik. Lazım gəlsə, hətta Nyu- Yorkdan belə bir mütəxəssis cəlb etmək olar. Tamamilə o fikirlə razıyam ki, 1-2 səhifəlik terms of reference deyilən sənədə mütləq ehtiyac var.
H. Rizvanqızı:
- Deyilən bu məsələləri Azərbaycanda yerinə yetirə bilən bir neçə təşkilat var, o cümlədən bizim təşkilat da bu işi yerinə yetirə bilər və artıq təcrübəmiz də var.
İ. Əhmədov:
- Son qərarı səsə qoyuram:
ANA SƏHİFƏ 
Üzvlər 
Memorandum 
