İştirak etdilər:

Gündəlik:

1. Koalisiyanın Fəaliyyət Planı üzrə yaradılmış işçi qrupların iş prinsipləri və mexanizmləri

2. Cari məsələlər

M. Qəhrəmanlı birinci məsələnin təxirə salınmasını və bəzi şirkətlərin fərdi açıqlamalr verməsi haqqında vaxtilə verdikləri bəyanatlarla bağlı gələcək yığıncaqların birində müzakirə açmağı təklif etdi

İclasın gedişi haqqında qısa məlumat və qəbul edilmiş qərarlar

1. Koalisiyanın Fəaliyyət Planı üzrə yaradılmış işçi qrupların iş prinsipləri və mexanizmləri

S. Bağırov

- İşçi qruplarda iştirak etmək istəyən koalisya üzvlərindən aldığı müraciətlər haqqında məlumat verdi.

M. Güləliyev

- FP-nin 2-ci istiqamətin iki yerə bölünməsini təklif etdi.

S. Bağırov

- 2-ci istiqamət üzrə iki işçi qrup yaradıla bilər.

Müzakirələrdən sonra qərara alındı:

Qərar:

FP-nin 2-ci istiqaməti üzrə iki işçi qrup yaradılır: 1) maarifləndirmə; 2) ictimai əlaqələr.

M. Güləliyev:

- Fikrimcə maliyyələşdirilməsindən, və yaxud maliyyələşdirilməməısindən asılı olmayaraq hər bir istiqamət üzrə işçi qruplar layihə hazırlamalıdırlar. Həmin layihələrdə görüləcək işlər, gözlənilən nəticələr, budcə və s. göstərilməlidir. Hər rübdə bir dəfə Şurada hesabat verilməlidir.

M. Talıblı:

- İşçi qruplarda ən aktiv Koalisya üzvləri iştirak etməlidirlər.

S. Bağırov:

- Koalisiya üzvlərinə məhdudiyyət qoymağa ixtiyarımız yoxdur.

S. Rəhmanov:

- Koalisiya üzvləri arasında dəqiqləşdirmə aparılmalıdır. elə üzvlər var ki, onların yalnız siyahıda adları var. Araşdırma aparılmalıdır ki, onlar Koalisiya üzvlüyündə qalırlar, ya yox.

(İclas iştirakçıları bu təklifi dəstəklədilər və qərara aldılar ki, Koalisiya üzvləri arasında dəqiqləşdirmə aparılsın.)

M. Talıblı:

- Bir Şura üzvünün bir neçə istiqamət üzrə işçi qrupuna rəhbərlik etməsi düzgün deyil.

M. Güləliyev:

- İşçi qruplarının sayı Şura üzvlərinin sayından çox olduqda bir Şura üzvü bir neçə işçi qrupuna başçılıq edə bilər.

- Şura üzvləri imkanları daxilində daha çox işçi qruplara qoşulub onlarin işində iştirak etməlidirlər. Mən təklif edərdim ki, ən azı Sabit bəy bütün işçi qruplarında iştirak etsin.

M. Talıblı:

- Koalisiya üzvlərinin işçi qruplarına başçılıq edə bilməməsi haqqında məhdudiyyət aradan qaldırılsın. Nə üçün Koalisiya üzvləri işçi qruplarına başçılıq edə bilməzlər?

M. Güləliyev:

- Ona görə edə bilməzlər ki, fəaliyyət Şuranın fəaliyyətidir və bu fəaliyyətə görə Şura cavabdehdir.

- İşçi qruplar həyata keçirəcəkləri istiqamətlər üzrə layihələr hazırlayıb Şuraya təqdim etsinlər. Şurada müzakirə edilsin və qəbul edilərsə, həyata keçirilməsinə başlanılsın.

S. Bağırov:

- Koalisiya Şuranı seçib və ona öz FP-nın da həyata keçirilməsinə rəhbərlik etməyi həvalə edib. Bu işi necə həyata keçirməyi Şura özü qərara alır. Ona görə də hətta mümkündür ki, bir Şura üzvü iki yox, Şuranın razılığı və qərarı ilə hətta daha çox istiqamətlər üzrə işçi qruplarına başçılıq etsin.

- İşçi qrupların növbəti işinin nə olacaqı müəyyənləşdirilməlidir.

Qərar:

İşçi qruplar Şuranın aprelin 10- 15 arasında keçiriləcək iclasına yerinə yetirəcəkləri fəaliyyətlər üzrə konkret fəliyyətləri əhatə edən layihələr təqdim etsinlər.

2. Cari məsələlər

S. Bağırov:

- Beynaıxalq konfransa hazırlığın gedişi haqqında məlumat verdi.

O. Güləliyev

- "Şəffaflıq" jurnalının növbəti sayının çapa hazır olduğunu bildirdi və hamıdan həyata keçirdikləri layihələr haqqında məlumat göndərməyi xahiş etdi.

- Növbəti qrant layihəsi ilə jurnalın çapı davam etdiriləcək.

- redaksiya heyəti və redaksiya Şurası yaradılmalıdır.

M. Güləliyev:

- Jurnalla bağlı bizim başqa təkliflərimiz var onlar Şuranın müzakirəsinə təqdim ediləcək

◄ 1 ... 10 11 12 ... 32 ► ☼ A ₪

Sənədin sonuncu korrektə tarixi: 26/7/2008 - 12:19:43