İştirak etdilər:

Gündəlik:

1. Şura üzvləri arasında iş bölgüsü istiqamətlərinin müzakirəsi

2. MSŞT ilə bağlı Bakıda keçiriləcək Beynalxalq Konfransda Koalisiya nümayəndəliyinin seçimi prinsiplərinin müzakirəsi

3. Mayis Güləliyevin təqdim etdiyi layihənin müzakirəsi

4. Cari məsələlər

İclasın gedişi haqqında qısa məlumat və qəbul edilmiş qərarlar

1. Şura üzvləri arasında iş bölgüsü istiqamətlərinin müzakirəsi

Müzakirə zamanı Şura üzvləri arasında iş bölgüsünün 3 prinsipi təklif edildi:

1. Fəaliyyət Planı istiqamətlərinə uyğun

2. Şuranın 10 fevral tarixli iclasında təklif edilən siyahıya uyğun

3. Şura üzvlərinin fərdi istəklərinə uyğun

Şura üzvləri səsvermə ilə iş bölgüsünün Fəaliyyət Planına uyğun aparılmasını qərara aldılar. Həmin prinsip əsasında iş bölgüsü ilkin variant olaraq aşağıdakı şəkildə aparıldı:

2. MSŞT ilə bağlı Bakıda keçiriləcək Beynalxalq Konfransda Koalisiya nümayəndəliyinin seçimi prinsiplərinin müzakirəsi

S. Bağırov konfransa hazırlıq üzrə təşkilat komitəsinin gördüyü işlər haqqında məlumat verdi. Məlum oldu ki,

- qonaqların əksəriyyəti dəvət edilib,

- bir çoxları iştirak edəcəklərini təsdiqləyiblər,

- konfrans zalı hələlik dəqiqləşdirilməyib,

- qonaqların çox olacağını nəzərə alaraq Koalisiya üzvlərinin iştirakında məhdudiyyətlər qoyulmalıdır,

- konfransda iştirak edəcək Koalisiya üzvlərinin seçilməsi prinsipləri müəyyənləşdirilməlidir.

Müzakirədən sonra qərara alındı ki, ən əvəl Kordinator bütün Koalisiya üzvlərinə müraciət edərək kimlərin konfransda iştirak etmək arzusunda olduğunu öyrənsin. Onun nəticələri də nəzərə alınaraq növbəti iclasda seçki prinsipləri müəyyənləşdirilsin.

3. Mayis Güləliyevin təqdim etdiyi layihənin müzakirəsi

M. Güləliyev layihə haqqında məlumat verdi və iclas iştirakçılarının suallarına cavab verdi.

S. Rəhmanov: Layihə qəbul edilmiş formalara uyğun tərtib edilməlidir. Görüləcək işlər, büdcə göstərilməlidir.

T. Zeynalov: Keçən iclasda qeyd edildi ki, bu layihənin digər layihələrlə üst- üxtə düşən məqamları var. Onlarf aradan qaldırılmalıdır.

S. Bağırov: Mən təklif edərdim ki, bu layihədə BMQ-nin EITI-ın gələcəyi ilə bağlı hazırda müzakirə etdiyi təsdiqləmə, təşviq və EITI-ın gələcək idarəedilməsi məsələləri ilə bağlı müxtəlif tədbirlər-dəyirmi masalar, treninqlər, fokus- qruplar və s. yolu ilə koalisiyanın təkliflərini işləyib hazırlamaq nəzərdə tutulsun. Bu layihə Azərbaycanda EITI prosesinin qiymətləndirilməsini nəzərdə tutursa, EITI üzrə bütöv qiymətləndirmə metodologiyası hələ yoxdur və bu BMQ-nin üzərində işlədiyi əsas məsələlərdən biridir. Əgər biz bu məsələdə Koalisiya olaraq öz töhfəmizi verə bilsək, çox faydalı bir iş görmüş olarıq.

M. Güləliyev: Mən razıyam ki, BMQ-nin hazırda müzakirə etdiyi qiymətləndirmə metodologiyası Azərbaycan dilinə tərcümə edilsin və biz onun Koalisiyada müzakirəsini təşkil edək.

Qərara alındı ki, müzakirədə edilən təkliflər nəzərə alınmaqla M. Güləliyev layihəni hazırlayıb donora təqdim edə bilər.

◄ 1 ... 9 10 11 ... 32 ► ☼ A ₪

Sənədin sonuncu korrektə tarixi: 8/7/2008 - 15:40:49