İştirak etdilər:

1. Sabi Bağırov Şuranın üzvü

2. İnqlab Əhmədov Şuranın üzvü

3. Oqtay Gülalıyev Şuranın üzvü

4. Mayis Gülalıyev Şuranın üzvü

5. Mirvari Qəhrəmanlı Şuranın üzvü

6. Zöhrab İsmayıl Koalisiyanın üzvü

7. Fərda Əsədov ACİ YF

Gündəlik:

1. Şuranın 2006-cı il üzrə fəaliyyət istiqamələrinin müzakirəsi (Hökumətin Neft Fondu vəsaitlərindən geniş miqyaslı xərclərə başlaması ilə əlaqədar Koalisiyanın mövqeyinin müəyyənləşdirilməsi)

2. 2006-cı il üzrə Koalisiyanın Fəaliyyət planının donorlara təqdimatı məsələsinin müzakirəsi

3. Neft Fondu Müşahidə Şurasında Fondun Əsasnaməsində nəzərdə tutulduğu kimi ictimai təşkilatların təmsilçiliyinin təmin edilməsi üçün Koalisiyanın mümkün addımlarının müzakirəsi

4. Hökumətin və Şirkətlərin 3-cü hesabatlarının auditinin gecikməsi səbəblərinın müzakirəsi

5. Koalisiyaya yeni üzvlərin qəbulu

6. Cari məsələlər

İclasın gedişi haqqında qısa məlumat və qəbul edilmiş qərarlar

1. Bu məsələnin Şuranın daha geniş tərkibi ilə müzakirə edilməsi üçün təxirə salınması və həmişə olduğu kimi Koalisiya üzvlərindən də maraqlananların dəvət edilməsi təklif edildi. İclasın "Cari məsələlər" hissəsində bu məsələyə bir daha toxunuldu və bir sıra təkliflər edildi:

   • Neft Fondunun büdcəsi dərindən təhlil edilməlidir;

   • Neft Fondunun 2006-cı il üzrə xərcləri ilə bağlı Koalisiya bəyanat yaymalıdır;

   • Əgər ARDNF-nin xərcləri bu qədər artırsa, ictimai nəzarət də müvafiq şəkildə artmalıdır. Bunun üçün isə şərait yaradılmalı, vəsai ayrılmalıdır;

   • MSŞT hesabatları üzrə audit rəyi açıqlanananadək Koalisiya hesabat formaları üzrə hazırlıq işləri aparmalı, formalarda tələb olunan məlumatları digər açıq mənbələrdən əldə etməyə çalışmalıdır

   • MSŞT hesabatları üzrə audit rəyi açıqlandıqdan sonra açıqlanan sənədləri Koalisiya təhlil etməli, ictimaiyyət üçün icmal hazırlamalı, həmin açıqlamalara münasibət bildirməli və bütün bunlar mətbuatda dərc edilməlidir. Yalnız bundan sonra hesabatlar və audit rəyi ilə bağlı birgə press- relizin Koalisya tərəfindən imzalanması məsələsi müzakirə edilə bilər

   Qərar: Edilən təkliflər də nəzərə alınmaqla bu məsələ növbəi yığıncaqda geniş müzakirə edilsin.

2. S. Bağırov təklif etdi ki, 2006-cı il üzrə Koalisiyanın Fəaliyyət planının donorlara təqdimatı tədbiri keçirilsin. Bunun üçün bu tədbirin tarixi, iştirakçıları və yeri müəyyənləşdirilməlidir. Müzakirələrdən sonra qərara alındı:

   Qərar:.

   1. Növbəti həftə Koalisiya adından potensial donorlara məkubla müraciət edilsin və onlar Koalisiya ilə birgə görüşə dəvət edilsinlər

   2. Koalisiyanın donor təşkilatlarla birgə görüşü təşkil edilsin və görüşdə Koalisiyanın Fəaliyyət Planının təqdimatı keçirilsin

3. S. Bağırov məlumat verdi ki, Neft Fondunun Əsasnaməsində ictimai təşkilatların Neft Fondu Müşahidə Şurasında təmsil edilməsi nəzərdə tutulub. Bunun neft gəlirlərinin şəffaflığı məsələləri ilə məşğul olan MSŞA QHT Koalisiyasının nümayəndəsinin olması tam təbbi görünür. O təklif etdi ki, buna nail olmaq üçün hansı addımların atılmasının vacib olduğu müzakirə edilməlidir.

   Qərar: Respublika Prezidentinə Koalisiya adından müraciət edilsin və Neft Fondunun Əsasnaməsinə əsaslanaraq icimaiyətin təmsilçisi kimi MSŞA Koalisiyası nümayəndəsinin də Müşahidə Şurasının üzvü olması barədə xahiş edilsin.

4. S. Bağırov məlumat verdi ki, o bu məsələ ilə əlaqədar Hökumət Komissiyasndan bu gün aldığı məlumata görə audit şirkəti təhlillərini bitirib və Rəyini açıqlamağa hazırdır. Ümumi razılığa görə nəticələr və audit şirkətinin Rəyi yanvarın ortalarında açıqlanacaq.

5. S. Bağırov məlumat verdi ki, Koalisyaya üzv olmaq üçün 7 təşkilat müraciət edib. Onlardan 4-nün nümayəndisi bu iclasda iştirak etmək üçün gəliblər və onların ərizələrinə baxıla bilər. Təklif edildi ki, Ərizə formalarında ərizəçilərin Koalisiyanın yaradılması haqqında Memoranduma qoşulmaları və Koalisiyanın Əsasnaməsini qəbul etdikləri haqqında ayrıca qeyd olsun. Bu təklif qəbul edildi və ərizə verən təşkilatların nümayəndələri ərizələrində müvafiq qeydləri etdilər. Açıq səsvermə ilə aşağıdakı təşkilatlar Koalisiyaya qəbul edildi:

   1. "Ümid" Humanitar və Sosial Dayaq Mərkəzi - Təşkilatın rəhbəri: İsrail İsgəndərov

   2. Azərbaycan Qadınlarının Siyasi Mədəniyyət Mərkəzi - Təşkilatın rəhbəri: Mehriban Vəzir

   3. Azərbaycan İnşaat Assosiasiyası - Təşkilatın rəhbəri: Şamil Hüseynov

   4. Azərbaycan Sağlam İnkişaf İctimai Birliyi - Anar Xəlilov

◄ 1 2 ... 32 ► ₪

Sənədin sonuncu korrektə tarixi: 24/7/2008 - 15:53:14