"Mədən Sənayəsində şəffaflığın artırılmasında KİV- in iştirakı"

layihəsi çərçivəsində görülən işlərlə bağlı

M Ə L U M A T.

"Mədən Sənayəsində şəffaflığın Artırılmasında KİV- in iştirakı" layihəsi Açıq Cəmiyyət İnstitutu Yardım Fondu və Dünya Bankının maliyyə, Mədən Sənayəsində Şəffaflığın Artırılması Koalisiyasının isə təşkilati dəstəyi ilə həyata keçirilib. Layihəni həyata keçirməkdə məqsəd mədən sənayəsində şəffaflığın artirilmasında kütləvi infoarmasiya vasitələrinin iştirakını artırmaq, bu sahədə ictimaiyyətin maarifləndirilməsinə nail olmaqdır. Nəzərdə tutlan tədbirlərin təşkili işinə digər Koalisiya üzvləri cəlb olunmuş və onlar layihənin həyata keçirilməsində yaxından iştirak etmişlər. Layihə çərçivəsində bir sıra işlər görülüb ki, bunlar əsasən aşağıdakılardır:

1. "Mədən sənayəsində şəffaflıq" aylıq informasiya bülleteni çap olunub. Azərbaycan və ingiliscə çap olunan bülletendə MSŞT Koalisiyasının gördüyü işlər, eləcə də EİTİ ilə bağlı Azərbaycanda və dünyada baş verən ən mühümmü hadisələr barədə məlumatlar dərc olunub. Bülleten Koalisiya üzvləri ilə yanaşı ölkədə fəaliyyət göstərən QHT- lərə, KİV nümayəndələrinə, şirkətlərə, səfirliklərə, Dövlət Neft Fonduna və s. paylanılıb.

2. Ölkədə nəşr olunan (Bakı və regionlarda) dövrü mətbuatda media- forumlar keçirilib. Bakı- xəbər, Azadlıq və Rüzigar (Gəncə) qəzetlərində təşkil olunan media- forumlarda Koalisiya üzvləri oxucuların neft gəlirləri, bu gəlirlərdən səmərəli idarə olunması, MSŞT Koalisiyası, Koalisiyanın gördüyü işlər, həyata keçirdiyi "Neft gəlirləri hamımızındır" kampaniyası və s. barədə suallarını cavablandırıblar. Media- forumların qonaqları Koalisiya Şurasının üzvləri Sabit Bağırov, Qubad İbadoğlu, Telman Zeynalov, İlham Hüseynli, Dünya Sakit, Oqtay Gülalıyev olub.

3. Aparıcı mətbuat orqanlarının rəhbərləri ilə dəyirmi masa keçirilib. Dəyirmi masada KİV təmsilçiləri ilə Koalisiya üzvləri arasında mədən sənayəsində şəffaflığın artirilması isiqamətində kütləvi infoarmasiya vasitələri ilə əməkdaşlığın imkanları və prespektivləri müzakirə olunub. Qərara alınıb ki, neft bütün xalqa məxsus olduğundan və ölkə iqtisadiyyatının inkişaf etdirilməsində böyük şans olduğundan neft gəlirlərinin səmərəli idarə olunması isiqamətində KİV nümayəndələri ilə Mədən Sənayəsində Şəffaflığın Artırılması Koalisiyası arasında əməkdaşlığın perspektivləri araşdırılsın və bu əməkdaşlıq davam etdirilsin.

4. Layihə çərçivəsində həyata keçirilən tədbirlərdən biri jurnalistlər arasında yazı musabiqəsi ilə bağlı olub. Müsabiqəyə start verilməmişdən öncə Koalisiya Şurası jurnalistlər üçün təqdim olunan mövzuları müəyyənləşdirib. Bu mövzular aşağıdakı mövzular olub:

1. Neft gəlirlərinin Azərbaycanın sosial- iqtisadi inkişafına təsirləri,

2. Dövlət Neft Fondundan xərcləmələrdə şəffaflığın vəziyyəti,

3. Azərbaycanda "Holland sindromu" təhlükəsi barədə

Ötən ildən fərqli olaraq bu ilki jurnalist müsabiqəsinə 2 dəfə artıq- 15 yazi təqdim olunmuşdu. Müsabiqə "Neft gəlirləri hamımızındır" kampaniyası dövrünə təsadüf etmiş və həmin ərəfədə bu yazılar ictimayyətin məlumatlandırılmsı istiqamətində önəmli rol oynamışdı. Yazıların qiymətləndirilməsi üçün Koalisiya Şurası tərəfindən 5 nəfərlik Müsabiqə Komissiyası yaradılmışdır. Komissiyaya Qubad İbadoğlu, Azər Mehdiyev, Çingiz Sultansoy, Rövşən Bağırov və Oqtay Gülalıyev daxil edilmişdir. Əvvəlcə yazıların qiymətləndirilməsi üçün müvafiq kriteriyalar müəyyənləşdirilmiş, sonra isə müsabiqəyə təqdim olunmuş yazıların müəlliflərinin adları və yazının dərc olunduğu qəzetin adları çıxarılaraq bütün yazılar ancaq Microsoft Word- də çap olunmuş halda komissiya üzvlərinə paylanmışdır. Komissiya üzvlərinin yekun rəyi ilə aşağıdakı jurnalistlər müsabiqədə fərqlənmişlər:

1-ci yer: Müşfiq Tofiqoğlu

2-ci yer: Həbibə Abdulla və Şəhla Abusəttar

3-cü yerlər: Elxan Şahinoğlu, Ruslan Xəlil, Pünhan Əfəndiyev

Həvəsləndirici mükafat "Bakı- xəbər" qəzetinin İqtisadiyyat şöbəsinin müdiri Elxan Qüdrətoğluna təqdim olunub. Jurnalistlərə mükafatların təqdim olunması KİV nümayəndələrinin iştirakı ilə keçirilib və Koalisiya nümayəndələri tərəfindən onlara təqdim olunub. Bu barədə dövrü mətbuatda ətraflı məlumatlar dərc olunub.

Müsabiqəyə təqdim olunmuş bütün yazılar Mədən Sənayəsində Şəffaflığın Artırılması Koalisiyasının saytında yerləşdirilmişdir.

5. Layihə çərçivəsində görülən işlərdən biri də ondan ibarət olub ki, MSŞT Koalisiyası-nın gördüyü işlər barədə məlumatlar qəzetlərdə, informasiya agentliklərində, intenet saytlarinda, televiziyalarda işıqlandırılıb. Düzdür bunun üçün layihədə xüsusi olaraq hər hansısa istiqamət və ya maddi dəstək nəzərdə tutlmamışdı. Biz bu işi Koalisiyanın üzvü olan jurnalist həmkarlarımızın, eləcə də müxtəlif KİV- lərdə çalışan Mədən sənayesində şəffaflıq təşəbbüsü ilə yaxından maraqlanan jurnalsitlərin dəstəyi ilə həyata keçirmışık.

Qiymətləndirmə. Layihənin həyata keçirildiyi müddətdə layihədə nəzərdə tutulan məqsədlərin reallaşması istiqamətində- Mədən sənayesində Şəffaflıq Təşəbbüsü, Təşəbbüsün yaranma zərurəti və tarixi, Dövlət Neft fondu, neft gəlirləri, bu gəlirlərin səmərəli idarə olunması və s. barədə ictimayyətin məlumatlandırılması istiqamətində dövrü mətbuatda onlarca məlumatlandırıcı yazılar, analitik şərhlər, operativ informasiyalar dərc olunmuş və jurnalistlərlə 3 dəfə Beynəlxalq Mətbuat Mərkəzində Koalisiya üzvlərinin görüşü keçirilib. Məhz MSŞT Koalisiyasının ildən- ilə KİV- lə intensivləşən işi və əməkdaşlığı sayəsində son illər onlarca tanınmış jurnalist Koalisiyanın üzvü olmuş və bu gun adı çəkilən qurumun işində fəal iştirak edirlər.

Layihə müddətində Bakı və regional qəzetlərdə media- forumlar keçirilmiş və Koalisiya təmsilçıləri oxucuların suallarını cavablandırmışlar. Eyni zamanda Koalisiyanın aylıq informasiya bülleteni çap olunaraq yaılmış və sayta yerləşdirilmişdir. Yeri gəlmişkən layihə çərçivəsində görülən bütün işlər və həyata keçirilən tədbirlər barədə məlumatlar Koalisiyanın saytında yerləşdirilib. Eyni zamanda layihənin nəticələrinin qiymətləndirilməsi üçün layihə barədə hesabat Koalisiyanın Monitorinq Qrupuna təqdim olunacaq.

Qənaət. Həyata keçirilən layihənin nəticələrindən əldə olunan qənaət bundan ibarətdir ki, Mədən Sənayəsində şəffaflığın artırılmasında KİV- in iştirakı olsa da hələ bu iştirak lazımı səviyyəyə çatmayıb və bu sahədə görülən işlər yetərli deyil. Xüsusən jurnalist müsabiqəsinə qatılan jurnalistlərə daha mükəmməl bilgilərin aşılanması üçün onlara xüsusi treyninqlərin keçirilməsinə ehtiyac var. Mədən sənayesində şəffaflıq Təşəbbüsü barədə ictimaiyyətin məlumatlandırıması və maarifləndirilməsi üçün KİV- lərlə bağlı xüsusi proqramların, yardımçı layihələrin həyata keçirilməsinə ehtiyac var.

Qeyd: Layihə çərçivəsində həyata keçirilən tədbirlərlə bağlı məlumatlarla yanaşı foto şəkillər də Koalisiyanın saytında yerkəşdirilib.

Hörmətlə Oqtay Gülalıyev, layihənin koordinatoru,

Demokratik İslahatlar Uğrunda Cəmiyyətin həmsədri

Sənədin sonuncu korrektə tarixi: 26/7/2008 - 12:20:39