İştirak etdilər:

1. Sabi Bağırov Üzv

2. İnqlab Əhmədov Üzv

3. Dünya Sakit Üzv

4. Əvəz Həsənov Üzv

5. Oqtay Gülalıyev Üzv

6. Mayis Gülalıyev Üzv

7. Qubad İbadoğlu Üzv

8. Telman Zeynalov Üzv

9. Sevgim Rəhmanov Üzv

10. Ruslan Sədirxanov Koalisiyanın üzvü

11. Aydın Nəsibov Koalisiyanın üzvü

12. Fərda Əsədov ACİ YF

13. Qalib Əfəndiyev ACİ YF

Gündəlik:

1. Koalisiyasnın 6-cı Ümumi yığıncağının nəticələri

2. Koalisiya Şurası Kordinatorunun seçkisi

3. Koalisiyaya yeni üzvlərin qəbulu

4. Car məsələlər

İclasın gedişi haqqında qısa məlumat və qəbul edilmiş qərarlar

1. 6-cı Ümumi yığıncağın təşkili və keçirilməsi ilə bağlı müxtəlif fikirlər deyildi, müsbət və çatışmayan cəhətlər qeyd edildi və bəzi iradlar söyləndi. Bir neçə Şura üzvü qeyd etdi ki, Ümumi yığıncaq üçün yer uğurlu seçilməmişdi. Oqtay Gülalıyev iclas iştirakçılarının hamısının eyni masa ətrafında yerləşdirilməməsini irad tutdu və iclasa sədarətin seçilməsinin də düzgün aparılmadığını bildirdi. İclas iştirakçılarının əksəriyyəti birinci iradı düzgün hesab etsələr də, sədarətin yığıncaq iştirakçılarının ümumi razılığı ilə seçildiyini qeyd edərək deyilən fikirlə razılaşmadılar. Qubad İbadoğlu və Əvəz Həsənov qeyd etdilər ki, indiyədək Koalisiyanın bannerinin, loqosunun, vizit vərəqələrinin olmaması yaxşı hal deyil.

Qərar:

1. Dekabrın 28-də, saat 11⁰⁰-12⁰⁰-də BMM-nin böyük zalında Koalisiyanın 2005-ci ildəki fəaliyyətinin yekunlarına həsr edilmiş mətbuat konfransı və eyni zamanda yeni seçilmiş Şuranın təqdimatı keçirilsin.

2. Şuranın növbəti yığıncaqlarının birində Koalisiyanın loqosu və digər aributlarının hazırlanmasının müzakirəsi keçirilsin.

2. S. Bağırovun təklifi ilə Kordinatorun seçkisi məsələsi müzakirə edilərkən iclasın sədrliyi F. Əsədova həvalə edildi. Müzakirələrin və səsvermənin açıq keçirilməsi qərara alınbdı. Hər bir Şura üzvünün Kordinatorla bağlı fikirləri dinlənildi. Bütün çıxış edənlər indiki mərhələdə Sabit Bağırovun Şuranın Kordinatoru vəzifəsində qalaraq işini davam etdirməsini təklif etdilər. Açıq səsvermə ilə 7 nəfər lehinə, bir nəfər əleyhinə olmaqla Sabit Bağırov növbəti dövr üçün Koalisiya Şurasının Kordinatoru seçildi

3. Koalisiyaya üzv olmaq üçün müraciət etmiş təşkilatlardan yalnız Elmi- Texniki Tərəqqi və Təhsil Fondunun sədri Ehtiram Soltanoğlu iştirak etdiyi üçün həmin təşkilatın Koalisiyaya üzv qəbul edilməsi məsələsi müzakirə edildi.

   Qərar:

   1. Koalisiyaya təqdim etdiyi ərizə əsasında Elmi- Texniki Tərəqqi və Təhsil Fondu (sədri Ehtiram Soltanoğlu) Koalisiyaya üzv qəbul edilsin

   2. 6-cı Ümumi yığıncaqda qəbul edilmiş Koalisiyaya qəbul qaydalarına müvafiq olaraq Koalisiyaya üzv olmaq üçün müraciət etmiş digər təşkilatlara tələb olunan sənədləri təqdim etməklə öz nümayəndələrinin növbəti iclasda iştirakını təmin etmək təklif edilsin

4. Cari məsələlərdə Şuranın idarəçiliyinin təkmilləşdirilməsi, onun reqlamentinin hazırlanması, iş bölgüsü aparılması məsələləri haqqında fikirlər səsləndi. Şura üzvlərinə təklif edildi ki, bu məsələlərlə bağlı öz təkliflərini hazırlayıb Şuranın müzakirəsinə çıxara bilərlər.

   İ. Əhmədov, S. Bağırov və Q. Əfəndiyev aprel ayında Bakıda keçirilməsi nəzərədə tutulan Beynəlxalq Regional Konfransa hazırlıqla bağlı məlumat verdilər. Qərara alındı ki, bu məsələ Şuranın növbəti iclasında hərtərəfli müzakirə edilsin.

   Oqtay Gülalıyev "Mədən sənayesində şəffaflığın artırılmasında KİV- in rolu" layihəsi üzrə növbəti media- forumun "Mərkəz" qəzetinin redaksiyasında keçiriləcəyi haqda məlumat verdi. Həmin forumda iştirak etmək Şura üzvləri Mayis Gülalıyevə və Sevgim Rəhmanova həvalə edildi.

   Sevgim Rəhmanovun Şuranın növbəti iclasının gündəliyinin bu iclasda müəyyən edilməsi təklifi qəbul edildi. Şuranın növbəti iclasının yanvarın 5-də keçirilməsi qərara alındı. Gündəliyə Şuranın fəaliyyət planı və beynəlxalq regional konfransa hazırlıqla bağlı məsələlər təklif edildi.

◄ 1 ... ... 22 ► ₪

Sənədin sonuncu korrektə tarixi: 24/7/2008 - 15:49:35