Gündəlik:

1. Seçkilərlə əlaqədar namizədlərə və seçicilərə müraciətlərin müzakirəsi
2. MSŞT üzrə Hökumət Komissiyasının ikinci hesabatının açıqlanması (2004-cü il üçün illik) və audit şirkətinin müvafiq rəyi haqqında məlumat
3. “Mədən Sənayesində KİV-in rolu” layihəsi çərçivəsində jurnalistlər arasında keçiriləcək ən yaxşı yazı musabiqəsinin idarə olunması və nəticələrin qiymətləndirilməsi üçün “Müsabiqə komissiyası”nın seçilməsi
4. Cari məsələlər

İclasda qəbul edilmiş qərarlar

1. Seçkilərlə əlaqədar namizədlərə və seçicilərə Q. İbadoğlunun hazırladığı müraciətlər təklif edilən dəyişikliklərlə qəbul edildi. Qərara alındı ki, son variantlar hazırlandıqdan sonra mətnlər rus və ingilis dilinə tərcümə edilsin, Koalisiyanın vebsaytında yerləşdirilsin və populyar qəzetlərdə dərc etdirilsin
2. MSŞT üzrə Hökumət Komissiyasının ikinci hesabatının açıqlanması (2004-cü il üçün illik) və audit şirkətinin müvafiq rəyi haqqında S. Bağırovun məlumatı dinlənildi.
3. Bu məsələ ilə bağlı aşağıdakı qərarlar qəbul edildi:

1. Jurnalistlər arasında keçiriləcək MSŞT, neft və neft gəlirlərinin şəffaflığı mövzusunda ən yaxşı yazı musabiqəsinin idarə olunması və nəticələrin qiymətləndirilməsi üçün 7 nəfərdən ibarət “Müsabiqə komissiyası” təsdiq edilsin.

2. Müsabiqədə iştirak etmək istəyən jurnalistlərin əlavə məlumatlandırılmasını və müsabiqə ilə bağlı mümkün sualların cavablandırılmasını təmin etmək üçün Şura üzvləri ilə jurnalistlərin iştirak edəcəyi xüsusi dəyirmi masa keçirilsin.

◄ 1 ... 18 19 20 ... 22 ► ☼ A ₪

Sənədin sonuncu korrektə tarixi: 8/7/2008 - 15:54:12