Gündəlik:

1. Yeni üzvlərin qəbulu üzrə Qaydalar layihəsinin müzakirəsi;

2. Koalisiya layihələri üzərində monitorinq aparan qrupların müəyyənləşdirilməsi;

3. Şura üzvləri arasında iş bölgüsünə dair fəaliyyət planlarının müzakirəsi;

4. Kiçik qrantlar Fondunun təşkilinə dair donorlarla imzalanması nəzərdə tutulan Memorandum layihəsinin müzakirəsi;

5. Cari məsələlər

İclasda qəbul edilmiş qərarlar

1. Yeni üzvlərin qəbulu üzrə Qaydalar layihəsi iclasda təklif edilmiş dəyişikliklər nəzərə alınmaqla əsas kimi qəbul edilsin. Koalisiyanın Əsasnaməsinə uyğun olaraq layihə təsdiq edilmək üçün Koalisiya üzvlərinin müzakirəsinə təqdim edilsin.

2. Koalisiya layihələri üzərində monitorinq aparan qruplar iclasda qəbul edilmiş qərar üzrə ayrı- ayrı Şura üzvləri tərəfindən müəyyənləşdirilsin. Bunun üçün ayrı- ayrı layihələr üzrə 3 nəfərdən ibarət monitorinq qrupları yaratmaq üçün təyin edilmiş Şura üzvləri hər bir qrupda özlərindən başqa daha iki nəfər Koalisiya üzvünün iştirakını təmin etsinlər. Təşkil edilmiş qruplar layihələrin monitorinqini və onların qiymətləndirilməsini həyata keçirsinlər. ►

3. Hər bir Şura üzvünün əvvəlcədən qəbul edilmiş fəaliyyət istiqaməti üzrə avqust-sentyabr aylarında yerinə yetirəcəyi konkret tədbirlər siyahısı təsdiq edilsin.

4. Koalisiyanın daha çox üzvlərini onun məqsədlərinə uyğun fəaliyyətlərə cəlb etmək ən vacib məsələlərdən biridir. Bunu həyata keçirmək vasitələrindən biri də kiçik qrantlardan istifadə etməkdir. Bunu nəzərə alaraq Şura qərara alır:

a) İclasda iştirak edən Koalisiya üzvlərinin, xüsusilə donor təşkilatların nümayəndələrinin təklifləri ilə Kiçik qrantlar Fondunun təşkilinə dair donorlarla xüsusi Memorandumun imzalanması layihələrin maliyyələşdirilməsi haqqında donor təşkilatlarda tətbiq edilən qaydalara uyğun olmadığı üçün məqsədəuyğun sayılmasın.

b) Koalisiyanın nəzərdə tutduğu fəaliyyətləri vaxtında və səmərəli yerinə yetirməsinə kömək etmək etmək üçün Koalisiya Şurası, tərkibində razılaşdırılmış kiçik qrant layihələri də nəzərdə tutulan bir illik böyük bir layihə hazırlayaraq donor təşkilatlara təqdim etsin.

◄ 1 ... 17 18 19 ... 22 ► ☼ A ₪

Sənədin sonuncu korrektə tarixi: 12/8/2008 - 15:19:53