Azərbaycan QHT-lərinin “Mədən Sənayesində Şəffaflığın Artırılması” Koalisiyasının

Deloyt ənd Tuş Şirkətinin ilk hesabatına dair

açıqlaması

BAKI, 31 mart, 2005-ci il

15 mart 2005 – ci il tarixində Deloyt ənd Tuş Şirkəti Azərbaycan Respublikası Hökümətinin mədən hasilatı sənayesində əldə etdiyi məcmu daxilolmaları barədə ilk hesabatlarını (2003-cü il üzrə illik və 2004-cü ilin ilk 6 ayı üzrə bəyannamələrini) açıqlamışdır.

Şəffaflıq Təşəbbüsü çərçivəsində təqdim olunmuş hesabatların dərc olunması Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsü (MHŞT) üzrə Komissiya ilə, Azərbaycanın hasilat (neft və qaz) sənayesində fəaliyyət göstərən yerli və xarici şirkətlər və 32 qeyri-hökumət təşkilatının (QHT) təmsil olunduğu Mədən Sənayesində Şəffaflığın Artırılması (MSŞA) Koalisiyası arasında imzalanmış 24 noyabr 2004-cü il tarixli Qarşılıqlı Anlaşma haqqında Memorandumun icrasının davamını təşkil edir. Memorandumum imzalanması ilə Təşəbbüsün Azərbaycan Respublikasında həyata keçirilməsi mexanizmi müəyyən edilmiş, onu imzalayan bütün tərəflər üçün tətbiqetmə çərçivəsi formalaşmışdır.

Olkənin hesabatı, eləcə də audit şirkətinin rəyi artıq Dövlət Neft Fondunun (www.oilfund.az), habelə MHŞT üzrə Katiblik funksiyalarını yerinə yetirən Böyük Britaniyanin Beynəlxalq Inkişaf Nazirliyinin (www.eitransparency.orq/implementation.htm) və QHT-lərin təmsil olunduğu Mədən Hasilatında Şəffalığın Artırılması Koalisiyasının (www.eiti-az.orq ) internet səhifələrində yerləşdirilmişdir.

Koalisiya Şurası 25 mart tarixli iclasında auditor şirkətinin 30 iyun 2004-cü il tarixdə bitən altı ay üzrə Müstəqil Mühasiblərin Rəyini 31 dekabr 2003-cü il tarixinə Müstəqil Mühasiblərin Rəyini təhlil edərək aşağıdakıları qeyd edir:

1.Auditor şirkətinin rəyləri yalnız Hasilatın Pay Bölgüsü sazişləri üzrə işləyən şirkətlərin fəaliyyətini əhatə edir. Beləliklə Azərbaycanın neft-qaz ehtiyatlarının istismarından 2003-cü və 2004-cü (yarım ili) illərdə ölkəmizin əldə etdiyi gəlirlərin yalnız bir hissəsi haqqında məlumat açıqlanır (yəni ARDNŞ-nin fəaliyyəti əks etdirilmir). Bu isə MSŞT-nün prinsiplərini pozur və Azərbaycan ictimaiyyətini milli sərvətimiz olan neft-qaz ehtiyatlarımızın istismarından əldə olunan qazanclar barədə tam məlumatdan məhrum edir;

2.Auditor şirkətinin təqdim etdiyi Rəylər bir sıra ciddi suallar doğurur. Bu suallar həm bəzi səlist olmayan ifadələr həm də rəqəmlərdəki bir sıra fərqlərlə əlaqəlidir;

3.Auditor şirkətinin təqdim etdiyi Rəylərin qısa zamanda Memorandumun bütün tərəflərinin iştirakı ilə ətraflı müzakirəsi tələb olunur;

4.Hesabatlarla əlaqəli ilkin təcrübə Koalisiyanın keçən ilin 11 iyun tarixli bir sıra təkliflərinin tətbiqinin vacibliyini əyani şəkildə nümayiş etdirir və bu da hesabat formalarına yenidən baxılmasını tələb edir.

Koalisiya Şurası yuxaridakı qeydlərlə əlaqədar Memoradumun digər tərəflərinə həm də Auditor şirkətinə müvafiq sorğu və təkliflərlə müraciət etmək qərarina gəlmişdir

Azərbaycan QHT-lərinin

“Mədən Sənayesində Şəffaflığın Artırılması” Koalisiyası

Sənədin sonuncu korrektə tarixi: 28/12/2007 - 11:54:36