Kataloqun mündəricatı(/ts_gen/azl/bulet/9)

Vahid Layihənin Neft gəlirləri və onlardan səmərəli istifadə haqqında radio-debatların təşkili" istiqaməti üzrə növbəti veriliş efirə yayımlanıb. Verilişdə "Ekspert" jurnalının Baş redaktoru Azər Mehtiyev və Milli Məclisin keçmiş deputatı Cümşüd Nuriyev "Neft gəlirləri və dövlət xərcləmələri" mövzusunda neft gəlirlərinin büdcəyə təsiri, bu təsirin əhalinin həyat səviyyəsində özünü göstərə bilməsi, təhsil və səhiyyənin inkişafı üçün neft gəlirlərindən necə istifadə olunması və s. məsələlərə toxunublar. İctimai radionun "Diqqət Mərkəzində" verilişində "Neft gəlirləri və iqtisadi inkişaf" mövzusunda radio-dialoq keçirilib. Vahid Layihənin "Neft gəlirlərinin səmərəli,effektiv xərclənməsinə dair radio-dialoqun keçirilməsi" istiqaməti çərçivəsində İctimai Radioda "Neft gəlirləri və iqtisadi inkişaf" mövzusunda veriliş efirə verilib.

"Sağlam İnkişaf və Maarifləndirmə" ictimai birliyi və " Demokratik İslahatçı Gənclər" ictimai birliyi, Mədən Sənayesində Şəffaflığın Artırılması Koalisiyası daxilində "Gənclərin MHŞT proseslərinə cəlb edilməsi" layihəsi çərçivəsində 16 iyun 2007-ci ildə Bərdə rayon mərkəzində dəyirmi masa keçirilmişdi. Dəyirmi masa zamanı seminar iştirakçılarına MSŞA Koalisiyası tərəfindən hazırlanmış "Pilot ölkələrin təcrübəsi" adlı beynəlxalq konfrans toplusunu, "Hasilat Sənayesində Şəffaflıq Təşəbbüsü" adlı vəsait kitabı, cib təqvimləri,  üzərində MSŞA Koalisiyasının, SİMİB-in, DİGİB-nin loqoları olan yazı kitabçaları və qələmlər paylanmışdır. Bundan əlavə MSŞA Koalisiyası tərəfindən hazırlanmış divar kağızları və üzərində MSŞA Koalisiyasının, SİMİB-in, DİGİB-nin loqoları olan ARDNF-nun gəlir və xərclərini özündə əks etdirən divar kağızları seminar keçirilən zalın divarına vurulmuşdur. Dəyirmi masada 22 nəfər Bərdə rayon gəncləri iştirak etmişdir

Mədən Sənayesində Şəffaflığın Artırılması Koalisiyası Şurasının üzvü İnqilab Əhmədov "Odədiyini açıqla..." (PublishWhatYouPay) beynəlxalq təşkilatının Strateji Məsləhət Qrupuna (SMG) üzv seçilib. O, bu qurumda Qafqaz və Orta Asiya regionunun PWYP üzvü olan vətəndaş cəmiyyəti təşkilatlarını təmsil edəcək.

İctimai Birliklərin “Mədən Sənayesində Şəffaflığın Artırılması” Koalisiyası Şurasının əlaqələndiricisi Qubad İbadoğlu 12-14 iyun 2007-ci ildə Jakarta şəhərində  səfərdə olub. Səfər Beynəlxalq Şəffaflıq İndonesiya (BŞ-İndoneziya) təşkilatının dəvəti ilə reallaşıb. Səfərin əsas məqsədi mədən sənayesində şəffaflıq təşəbbüsünü dəstəkləyən yerli qeyri-hökümət təşkilatları üçün təşkil olunan seminarda  Azərbaycanda MŞHT-nin tətbiqi və koalisiya quruculuğu təcrübəsi barədə məlumat vermək olub.

Azərbaycan Respublikası Dövlət Neft Fondunun (ARDNF) portfelin idarə olunması/portfel mühasibat sistemi və baş mühasibat üçün proqram təminatı üzrə xidmətlərin satınalması məqsədilə 2007-ci il yanvarın 14-də elan etdiyi iki tender başa çatıb. Fondun İctimaiyyətlə əlaqələr şöbəsindən verilən məlumata görə, hər iki tender «Dövlət satınalmaları haqqında» qanuna əsasən həyata keçirilib və Thomson Financial Limited şirkəti qalib gəlib.

Mayın 25-də "Şahdəniz" yatağında istismarı ötən ilin sonlarında dayandırılan birinci quyudan (SD-01) hasilat bərpa edilib. Layihənin operatoru olan «BP-Azerbaijan» şirkətinin prezidenti Bill Şreyderin sözlərinə görə, quyudakı bərpa işləri müvəffəqiyyətlə başa çatıb. Yaxın iki həftə ərzində yataqda 3-cü, ilin sonunadəksə 4-cü quyu istismara veriləcək. İlin sonlarından isə platformadan yeni quyuların qazılmasına başlanacaq.

"Sağlam İnkişaf və Maarifləndirmə" ictimai birliyi və "Demokratik İslahatçı Gənclər" ictimai birliyi MSŞA koalisiyası daxilində vahid layihə çərçivəsində "Gənclərin MHŞT proseslərinə cəlb edilməsi" layihəsi istiqamətində 6 iyun 2007-ci il tarixində Oğuz rayonunda gənclərə seminar keçirilmişdir.

Nigeriyada Mədən Sənayesində Şəffaflıq Təşəbbüsü aktının qüvvəyə minməsini dəstəkləyən aparıcı qeyri-hökumət təşkilatlarından biri olan “ÖDƏDİYİNİ AŞKARLA-Nigeriya”nın yaydığı məlumata görə, bu ölkənin keçmiş prezident Olusegun Obasanjo mayın 23-də ofisi tərk etməzdən əvvəl MSŞT-nin tətbiqini nəzərdə tutan qanun layihəsini qüvvəyə minməsi barədə fərman imzalayıb.

İyunun 13-də Dövlət Neft Fondunun Müşahidə Şurasının növbəti iclası kecirilib. Fondun ictimaiyyətlə əlaqələr şöbəsindən verilən məlumata görə, iclas Dövlət Neft Fondunun Müşahidə Şurasının sədri, baş nazir Artur Rasizadənin sədrliyi ilə kecirilib.

İyunun 10-da Mingəçevir şəhərində Kolisiyanın vahid laiyhəsi çərçivəsində “Vətəndaşların məlumatlılığı və neft gəlirlərinin səmərəli istifadəsinə maraqlarının artırılması kampaniyalarının keçirilməsi” istiqaməti üzrə  növbəti  Dəyirmi Masa keçirilib.

Zərdabi Media Mərkəzi 2006- cı ildə keçirdiyi sorğunun nəticələrini açıqlayıb. Mayın 30- da Hyatt Regency otelində təşkil olunan təqdimat mərasimində hökümət nümayəndələri, müxtəlif nazirliklərin məsul işçiləri, beynəlxalq təşkilatların rəhbərləri, millət vəkilləri, Mətbuat Şurasının üzvləri, KİV təmsilçiləri, şirkətlər, QHT- lər və s. iştirak ediblər.

İyunun 7-də 14-cü Beynəlxalq Xəzər Neft-Qaz sərgi konfransının sonuncu günü üçüncü sessiya Mədən Sənayesində Şəffaflıq Təşəbbüsünə (EİTİ) həsr olunub. “Mədən Sənayesində Şəffaflıq Təşəbbüsü – Gəlirlərin Şəffaflığında Beynəlxalq Standartlara Doğru” adlı sessiyanı giriş sözü ilə Norveçin Azərbaycandakı səfiri Yon Remberq açaraq  MHŞT-nin neft və qaz hasilatı həyata keçirilən ölkələrdə mühüm əhəmiyyətə malik olduğunu vurğuladı.

İyunun 8-də İctimai Birliklərin Mədən Sənayesində Şəffaflığın Artırılması Koalisiyası Dövlət Neft Fondunun Müşahidə Şurasının tərkibi ilə bağlı bəyanatla çıxış edib. Bəyanatda bildirilir ki, mayın18-də prezident Dövlət Neft Fondunun (DNF) Müşahidə Şurasının yeni tərkibinin təsdiqi ilə bağlı sərəncam imzalayıb. Prezidentin 2000-ci il 29 dekabr tarixli 434 nömrəli  fərmanı ilə təsdiq olunmuş Azərbaycan Respublikasının Dövlət Neft Fondu haqqında Əsasnamənin 5.4-cü maddəsinə əsasən Fondun Müşahidə Şurasında ictimai təşkilatların nümayəndələri də təmsil olunmalıdır. Lakin Şuranın dövlət  başçısı tərəfindən təsdiq edilmiş hazırkı tərkibində bu təmsilçilik təmin olunmayıb. Belə ki, Şura üzvlərinin 2-si Milli Məclisi (qanunvericilik hakimiyyətini), 5-i hökuməti (icra hakimiyyətini), 1-i Milli Bankı və 1-i də Milli Elmlər Akademiyasını təmsil edir.

İyunun 8-də Mədən Sənayesində Şəffaflığın Artırılması (MHŞT) QHT Koalisiyasının mənzil qərargahında Qazaxıstanda MHŞT sahəsində fəaliyyət göstərən ekspertlərlə görüş keçirilib. Görüşdə Koalisiyanın Şura üzvləri,  Qazaxıstan Soros Fondunun nümayəndəsi Anton Artemyev və MHŞT prosesində iştirak edən Qazaxıstan QHT Koalisiyasının təmsilçisi Malik İsabekov iştirak edib.

17 may 2007- ci il  tarixdə  “Мədən Sənayesində Şəffaflığın Artırılması”  Koalisiyasının 2007-ci il fəaliyyət planına uyğun olaraq Azərbaycan Dövlət İqtisadiyyat Universitetində Dəyirmi Masa keçirilmişdir. Dəyirmi masa “Мədən Sənayesində Şəffaflığın Artırılması”  Koalisiyasının 2007-ci il fəaliyyət planına uyğun olaraq həyata keçirilmişdir. MSŞA Koalisiyasının üzvü, “Ekspert” jurnalının baş redaktoru, iqtisad elmləri namizədi Azər Mehdiyev, Universitetin İstehsal və Xidmət Sahələrinin İqtisadiyyatı Fakultəsinin dekanı Əli Hacıyev, Bakı və region Universitetlərində dəyirmi masaların keçirilməsi üzrə məsul şəxs Ehtiram Əli, müəllim, tələbə və kooalisiya üzvləri iştirak etmişlər.

Bu  ilin birinci rübündə Cənubi Qafqaz Boru Kəməri (CQBK) ilə bağlı nəzərdə tutulan əsaslı xərclərdən artıq vəsait sərf olunub. Belə ki, 2007-ci il üzrə kəmərlə bağlı nəzərdə tutulan 41 mln. dollarlıq əsaslı xərclərin 12 mln. dolları üç ay ərzində icra olunub. Bp-Azərbaycan şirkətinin prezidenti Bill Şreyder bunun kəmərin çəkilişi və sınaq-istismar işləri ilə əlaqədar ötən ildən qalan bir sıra işlərin bu ilin birinci rübündə həyata keçirilməsi ilə bağlı olduğunu qeyd edib.

İyunun 5-də  Beynəlxalq Şəffaflıq Təşkilatı "Böyük səkkizliyin" fəaliyyəti üzrə hesabatını açıqlayıb. "Səkkizliyin" Berlin sammitindən bir gün əvvəl nəşr olunmuş [daha geniş], hesabatda belə bir nəticəyə gəlinib ki, 8 dünya nəhəngi üzrə korrupsiya ilə mübarizə və idarəetmənin yaxşılaşdırılması istiqamətində bir çox tərifəlayiq işlərin görülməsinə baxmayaraq, onların başa çatdırılması lazımi səviyyədə olmayıb.

Mayın 21-də Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsü (MHŞT) üzrə Hökumət Komissiyası, Azərbaycanın hasilat (neft və qaz) sənayesində fəaliyyət göstərən yerli və xarici şirkətlər və Mədən Sənayesində Şəffaflığın Artırılması (qeyri-hökumət təşkilatları) Koalisiyası arasında imzalanmış qarşılıqlı anlaşma Memorandumuna uyğun olaraq təsis edilmiş Seçim Qrupunun növbəti iclası keçirilib. İclas zamanı Azərbaycanın hasilat (neft və qaz) sənayesində fəaliyyət göstərən yerli və xarici şirkətlərin Azərbaycan Respublikası hökumətinə ödənişləri və Azərbaycan Respublikası hökumətinin yerli və xarici şirkətlərdən daxiolmaları barədə növbəti – altıncı hesabat mərhələsi üzrə hesabatlarını (2006-illik) tutuşduraraq təhlil edəcək audit şirkətinin seçilməsi məqsədilə müsabiqə keçirilib və "Mur Stefens" (Moore Stephens) şirkəti müsabiqənin qalibi elan olunub.