Dəyirmi Masanın movzusu üzrə (“Azərbaycanın əldə edəcəyi neft gəlirləri və Neft Fondu vəsaitlərinin idarə olunması”) Sosial-İqtiasdi Hüquqlar üzrə Monitorinq-Təlim Mərkəzinin rəhbəri Həmid Xəlilov məruzə ilə çıxış edib. Tədbiri giriş sözü ilə Demorkratik Dəyərləri Müdafiə Fondunun rəhbəri Əsgər Əhməd açaraq qısa tanışlıq və tədbirin mahiyyəti, eləcə də MHŞT prosesi, Mədən Sənayesində Şəffaflığın Artırılması Koalisiyasının  yaranması və fəaliyyəti haqqında iştirakçılara məlumat verib. Sonra isə Həmid Xəlilov Azərbaycanda əldə edəcəyi neft gəlirlərinin gözlənilən həcmləri, Dövlət Neft Fondu vəsaitlərinin idarə olunması barədə geniş məlumat verib. Tədbirin sonrakı mərhələsi sualların cavablandırılması və müzakirələrlə davam etdirilib.

Layihənin həmkoordinatoru Ə.Əhmədin verdiyi məlumata görə, iştirakçıları əsasən neft gəlirləri gələcək nəsillərin rifahı naminə necə idarə olunmalıdır; ARDNŞ –də neft hasilatının vəziyyəti; DNF-yə daxil olan vəsaitlərin yönəldildiyi istiqamətlər; əsas neft müqavilələrində Azərbaycanın paynın azlığının səbəbləri; MSŞA Koalisiyasının neft gəlirlərinin səmərəli  istifadəsi ilə bağlı hökumətə təsir imkanları; gəlirlərin düzgün xərclənib-xərclənməməsi; Azərbaycanda Holland sindromu təhlükəsi nə qədər realdır; neft gəlirlərinin gənclərin həyatında nə kimi rolu ola bilər və digər suallar maraqlandırıb. Elə müzakirələr də qeyd olunan suallar ətrafında aparılıb.

Tədbirdə Mingəçevir şəhərinin 30 –dan yuxarı ictimai fəalı - yerli QHT nümayəndələri, müəllimlər, bələdiyyə üzvləri, tələbə gənclər və b. – iştirak ediblər.