Mədən Sənayesində Şəffaflığın Artırılması Koalisiyasının 2007- ci il üçün qəbul etdiyi Proqram sənədinə uyğun olaraq Vahid layihənin icrasına başlanılıb. Dünya Bankı və Açıq Cəmiyyəti İnstitutu Yardım Fondunun maliyyə dəstəyi ilə reallaşan layihənin Koalisiyadaxili qiymətləndirilməsi Seçim Qrupu tərəfindən aparılıb. Qrup fəaliyyət istiqamətlərinə uyğun olaraq məsul şəxsləri müəyyənləşdirib. Koalisiya Şurasının 11 may tarixli iclasında Layihələrin icrasına start verilib. Qeyd edək ki, maliyyə dəstəyi almış bu ilki fəaliyyət istiqamətləri arasında Neft Fondunun idarəçiliyində olan maliyyə vəsaitlərinin yerləşdirilməsi, investisiyalara yönəldilməsi siyasətinin izlənməsi, təhlil edilməsi və hesabatın hazırlanması, ARDNŞ-nin  maliyyə axinlarının  izlənilməsi, təhlili və onun  şəffaflığının qiymətləndirilməsi, Mədən sənayesində şəffaflığın artırılması və gəlirlərin səmərəli idarə edilməsi məqsədilə “Neft gəlirlərinin idarə edilməsi haqqında” qanun layihəsinin və aidiyyatı olan mövcud qanunvericilik aktlarının təkmilləşdirilməsinə dair müvafiq təkliflərin hazırlanması kimi aktual mövzular yer alıb.