2 günlük konfrans zamanı aşağıdakı məsələlər müzakire olunub;

• Reqion QHT-lərinin üzləşdiyi problemlər və maneələr;
• EİTİ hərəkatının mövcud olduğu regionlarda ictimai maraqların zəifliyinin aradan qaldırılması
• Hökumətlərin donor ve beynəlxalq təşkilatların fəaliyyətlərinə inamsızlıqla yanaşması
• Geniş QHT çevrəsinin EİTİ prosesində yaxın iştiraka cəlb edilməsi
• Hökumətlərin və şirkətlərin QHT-lərə qeyri- ciddi münasibətləri.

Müzakirə olunan məsələlər haqqında geniş məlumat və təhlillər EITI prosesində ortaya çıxan maneləri sıralamağa və hər bir problem üzərində ayrıca təhlillər apararaq onları aradan qaldırmaq yollarını araşdırmağa imkan açdı.

Konfrans iştirakçıları həm regionlarda qeyd olunan xüsusi problemləri, həm də ümumi, yəni bütün regiona xas problemləri ayrı-ayrı nəzərdən keçirdilər.

Eyni zamanda təkcə maneləri aradan qaldırmaq deyil, yeni təşəbbüsləri də diqqətə gətirmək xüsusi qeyd olundu.

Konfransın gedişatında məlum oldu ki, EITI təşəbbüsünə qoşulmuş ölkələrin vəziyyəti bərabər deyil. Fəaliyyət proqramına görə nisbətən irəliləmiş və nisbətən geridə qalan ölkələr mövcuddur. Ona görə də müəyyən təcrübələrə malik ölkələrin yeni təcrübələri barədə məlumatlar dinlənildi.

Qeyd edilməlidir ki, Azərbaycanda keçirilən “Neft gəlirləri hamımızındır” ictimai təbliğat kompaniyası konfrans iştirakçılarının böyük diqqətinə səbəb oldu. Qazaxstan və Qırğızstan QHT-ləri bu kampaniyanın detalları ilə maraqlandılar və belə təcrübənin öz ölkələri üçün gərəkli olduğunu xüsusi qeyd etdilər.

Təcrübə mübadiləsi ilə bağlı əməkdaşlıq haqqında fəaliyyət proqramında  Azərbaycan təcrübəsini öyrənmək xüsusi qeyd olundu. Bu məqsədlə Qırğızstan QHT-lərinin Bakıya səfəri Amerika təmsilçiləri tərəfindən dəstəkləndi.

Regional konfransların davamlı keçirilməsinin zəruriliyi və bütün əlaqə vasitələrindən daha effektli olması  regional QHT nümayəndələri tərəfindən və ABŞ ofisinin nümayəndələri tərəfindən təsdiq edildi. Monqolustandan gəlmiş nümayəndələr isə növbəti təşkilat  məsələlərini  öz üzərlərinə götürdülər. Bu təklif konfrans iştirakçıları tərəfindən qəbul olundu. Növbəti konfransın 2007-ci ilin sentyabrında Ulan-Batorda keçirilməsi gözlənilir.

Almatıda keçirilən iki günlük regional konfrans işgüzar və  təşəbbüslərlə zəngin olmuşdur.

Azərbaycan nümayəndəliyi adından İnqilab Əhmədov, Qalib Əfəndiyev çıxış etmişdir. Mehriban Vəzir “Neft gəlirləri hamımızındır” ictimai təbliğat kompaniyası  haqqında suallara cavab vermişdir.

Inqilab Əhmədov eyni zamanda konfransın işində moderator və əsas aparıcılardan biri olaraq  çalışmışdır.