Kataloqun mündəricatı(/ts_gen/azl/bulet/15)

25 yanvar 2008 – ci il tarixdə Beynəlxaql Mətbuat Mərkəzində Mədən Sənayesində Şəffaflığın Artırılması Koalisiyası 2008- ci il üzrə Fəaliyyət Proqramının təqdimatını keçirib.

Məlum olduğu kimi 2007- ci ilin sonlarında  Mineral Ehtiyatlarının Hasilatı ilə Məşğul olan Sənaye Sahələrində Şəffaflıq Təşəbbüsü (MHŞT) üzrə Komissiya Azərbaycan hökümətinin mədən hasilatı sənayesində əldə etdiyi məcmu daxilolmaları barədə yeddinci hesabatını açıqlayıb. Hesabatlara hasilat (neft-qaz) sənayesində fəaliyyət göstərən şirkətlərin təqdim etdikləri fərdi hesabatların təhlili əsasında audit şirkətinin verdiyi rəy də daxildir.

İctimai birliklərin Mədən Sənayesində Şəffaflığın Artırılması Koalisiyası Şurasının 29 yanvar tarixli iclasında Koalisiyanın 2007- ci ildə həyata keçirdiyi layihələrin yekun hesabatlılığı müzakirə edilib. Hesabat əsnasında məlum olub ki, Koalisiyanın ötən il üçün nəzərdə tutduğu fəaliyyət əsasən yerinə yetirilib. Bəzi istiqamətlər üzrə hesabtların verilməməsi ilə bağlı müxtəlif təkliflər olsa da, qərara alınıb ki, bir daha istiqamətlər üzrə məsul şəxslərə müraciət olunsun ki, yekun hesbatı təqdim etsinlər. 

MSŞT Koalisiyası Gəncə şöbəsinin Şura iclası keçirilib

Bakı, Azərbaycan, Avropa Mehmanxanası, 17  yanvar 2008-ci il, saat 10.00-da İqtisadi Tədqiqatlar Mərkəzi (İTM) ABŞ-ın Beynəlxalq İnkişaf Agentliyinin (USAID) maliyyə dəstəyi ilə həyata keçirdiyi “Alternativ inflyasiya metodologiyasının işlənilməsi” layihəsi çərçivəsində Azərbaycanın 22 regionunda ötən il ərzində apardığı qiymətlərin statistik müşahidəsinin nəticələrini təqdim edib. Statistik müşahidənin nəticələri gostərir ki, ötən il ərzində Azərbaycanda istehlak qiymətləri indeksi (İQİ) 28.96  faiz, Bakıda 30.04, regionda isə 27.58 faiz olub. Əmtəə qrupları üzrə ən yüksək inflyasiya səviyyəsi xidmətdə 40.28 faiz müşahidə olunub. Tədqiqat aparılan dövr ərzində inflyasiya səviyyəsi ərzaq məhsulları üzrə 28.12 faiz, qeyri ərzaq məhsulları üzrə isə 21.81  faiz təşkil edib.

Mədən Sənayesində Şəffaflığın Artırılması Koalisiyasının sonuncu Ümumi Yığıncağında Koalisiya çərçivəsində həyata keçirilən layihələrin qiymətləndirilməsi üçün Seçim Qrupunun yaradılması qərara alındı və bu barədə Əsasnaməyə müvafiq bənd də əlavə edildi.  Koalisiya Şurasının 19 dekabr tarixli iclaında Seçim Qrupunun Əsasnaməs layihəsinin hazırlanması barədə İşçi Qrupun yaradılması barədə qərar qəbul olundu.

Prezident İlham Əliyevin 2007-ci il 13 dekabr tarixli Fərmanı ilə təsdiq edilmiş "Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası haqqında Əsasnamə"yə uyğun olaraq şura üzvlüyünə namizədlərin irəli sürülməsini təmin etmək üçün 2008-ci ilin fevralında ixtisaslaşmış QHT qruplarının yığıncaqları keçiriləcəkdir.

MSŞT Koalisiyasının vahid layihəsi çərçivəsində hazırlanan layihə ictimai müzakirəyə təqdim edilib

İqtisadi və Sosial İnkişaf Mərkəzi (İSİM) Mədən Sənayesində Şəffaflığın Artırılması Koalisiyası çərçivəsində Dövlət Neft Fondunun vəsaitlərinin səmərəli istifadə edilməsi ilə bağlı hesabat hazırlayıb. Hesabatın təqdimatı dekabrın 19-da Hyatt Reycensi Hotelində təşkil edilmişdir. Təqdimetmə mərasimində dövlət qurumlarının, eləcə də Dövlət Neft Fondunun və Dövlət Neft Şirkətinin, şirkətlərin, beynəlxalq və qeyri-hökumət təşkilatlarının və mətbuat nümayəndələri iştirak etmişdirlər.

Azərbaycan Respublikası Prezidentinin 26 dekabr 2007-ci il tarixli fərmanı ilə Dövlət Neft Fondunun 2007-ci il üçün büdcəsinə dəyişikliklər edilib.

Qazaxıstanın “Kaşaqan” yatağı ilə bağlı 2007-ci ilin avqustundan bəri davam edən mübahisəli vəziyyət Astananın tam qələbəsi ilə başa çatıb. Belə ki, tərəflər arasında 2007-ci ilin avqustundan bəri davam edən danışıqlar nəticəsində yatağın işlənməsi üzrə yaradılmış konsorsiumda Qazaxıstanın Milli Neft Şirkəti olan “Kazmunayqaz”ın payı digər iştirakçıların hesabına 8,33 faizdən 16,8 faizə qaldırılıb. Beləliklə, bundan sonra yataqda işləyən “Agip KCO” konsorsiumunun üzvü olan iri xarici neft şirkətlərinin – “Eni”, “Total”, “ExxonMobil” və “RoyalDutch/Shell” hər biri “Kazmunayqaz”la eyni paya malik olacaqlar. Xatırladaq ki, əvvəlcə bu şirkətlərin hərəsi 18,5 faiz paya malik idilər. Əldə edilmiş razılaşmaya əsasən, Qazaxıstan əldə etdiyi əlavə paya görə yataqda hasilat başlandıqdan sonra xarici şirkətlərə 1,78 milyard dollar ödəyəcək. Hasilat başlayanadək keçən müddətdəki faizlər də bu məbləğin üzərinə əlavə ediləcək və ödəniş üç tranşa həyata keçiriləcək.

ARDNŞ, nəhayət ki, beynəlxlaq mühasibat uçotu standartları ilə işləməyə başlayıb. Şirkətdən bununla bağlı yayılan məlumatda bildirilir ki, maliyyə-uçot əməliyyatlarının beynəlxalq standartlara uyğun qurulması neft sənayesində şəffaflığın artırılması baxımından xüsusi əhəmiyyət kəsb edir: “Bununla əlaqədar bir çox digər dövlət orqanları kimi ARDNŞ-də də ötən illərdə ciddi tədbirlər görülmüşdür. Şirkət əməkdaşlarının bu sahədə zəngin iş təcrübəsinə malik olan ölkələrdə Beynəlxalq Maliyyə Hesabatı Standartlarına həsr olunmuş seminar və forumlarda iştirakı təmin edilmiş, onlar üçün xüsusi kurslar və treninqlər keçirilmişdir. 2004-cü ilin iyun ayında qəbul edilmiş “Mühasibat uçotu haqqında” Azərbaycan Respublikası Qanununa əsasən, bütün ictimai əhəmiyyətli qurumlar 2008-ci ilin yanvarın 1-dən Beynəlxalq Maliyyə Hesabatı Standartlarına keçməlidirlər. ARDNŞ bu qurumlar arasında Beynəlxalq Maliyyə Hesabatı Standartlarına keçməsi nəzərdə tutulmuş öncül şirkətdir.”

Azərbaycan BMT Baş Assambleyasının 62-ci sessiyasında Mineral Ehtiyatların  Hasilatı Sahəsində Şəffaflıqla bağlı xüsusi qətnamənin qəbul olunması təşəbbüsü ilə çıxış etmək niyyətindədir. Bununla bağlı Nyu-Yorka səfər edən Azərbaycan Xarici İşlər Nazirliyinin nümayəndə heyəti qətnamə layihəsinin hazırlanması işinə başlayıb.