MSŞT Koalisiyası 7- ci hesbatla bağlı rəy hazırlayıb

Məlum olduğu kimi 2007- ci ilin sonlarında Mineral Ehtiyatlarının Hasilatı ilə Məşğul olan Sənaye Sahələrində Şəffaflıq Təşəbbüsü (MHŞT) üzrə Komissiya Azərbaycan hökümətinin mədən hasilatı sənayesində əldə etdiyi məcmu daxilolmaları barədə yeddinci hesabatını açıqlayıb. Hesabatlara hasilat (neft-qaz) sənayesində fəaliyyət göstərən şirkətlərin təqdim etdikləri fərdi hesabatların təhlili əsasında audit şirkətinin verdiyi rəy də daxildir.

Memorandumun tərəflərindən olan İctimai birliklərin Mədən Sənayesində Şəffaflığın Artırılması Koalisiyası təqdim olunan 7- cı hesabatla bağlı öz rəyinin hazırlanması barədə qərar qəbul edib və Şuranın qərarı ilə Koalisiya rəyinin hazırlanması qurumun Analitik Qrupuna tapşırılıb. Analitik Qrup artıq 7- cı hesabatla bağlı Koalisiyanın rəyini hazırlayıb. Koalisiya Şurasının 25 yanvar iclasında bu barədə qrupun rəhbəri, MSŞT Koalisiyasının Şura üzvü Azər Mehtiyev məlumat verib. Sözü gedən sənəd tanışlıq məqsədilə Koalisiyanın Şura üzvlərinə təqdim olunub və qərara alınıb ki, sənədlə tanışlıqdan sonra yekun rəy Şuranın növbəti iclasında təsdiq edilsin. Fevral ayının 2- ci yarısında Koalisiya rəyinin ictimaiyyətə və Memorandum tərəflərinə təqdim olunacağı gözlənilir.

◄ 1 ... 11 12 13 ► ₪

Sənədin sonuncu korrektə tarixi: 7/7/2008 - 13:27:26