İctimai birliklərin Mədən Sənayesində Şəffaflığın Artırılması Koalisiyası Şurasının 29 yanvar tarixli iclasında Koalisiyanın 2007- ci ildə həyata keçirdiyi layihələrin yekun hesabatlılığı müzakirə edilib. Hesabat əsnasında məlum olub ki, Koalisiyanın ötən il üçün nəzərdə tutduğu fəaliyyət əsasən yerinə yetirilib. Bəzi istiqamətlər üzrə hesabtların verilməməsi ilə bağlı müxtəlif təkliflər olsa da, qərara alınıb ki, bir daha istiqamətlər üzrə məsul şəxslərə müraciət olunsun ki, yekun hesbatı təqdim etsinlər. 

Koalisiya Şurasında müzakirə olunan digər məsələ qurumun 2008- ci il üçün Vahid Layihəsinin müzakirəsi ilə bağlı oldu. Əsasən 2008- ci il Fəaliyyət Planı əsasında hazırlanan Layihə bənd- bədn müzakirə olunaraq əlavə də düzəlişlərlə təsdiq olundu. Layihəyə əsasən Koalisiyanın institsional xərcləri ilə yanaşı, seçilmiş regionlarda, universitetlərdə ictimai müzakirələrin təşkili, gənclərin MSŞT prosesinə cəlb edilməsi, Koalisiya jurnalının və bülleteninin nəşri, eləcə də neft gəlirlərinin qismən itirilməsi riskinin qiymətləndirilməsi, qeyri- neft və qaz (qızıl) təbii ehtiyatlarının “təşəbbüs” lə genişlənməsi və digər məsələlər daxildir.

Koalisiyanın 2008- ci il üçün Vahid Layihəsi Açıq Cəmiyyət İnstitutu Yardım Fonduna təqdim olunub.

◄ 1 ... 10 11 12 13 ► ₪

Sənədin sonuncu korrektə tarixi: 26/7/2008 - 12:36:8