Bundan əlavə, quyuda aparılan qiymətləndirmə işləri nəticəsində hazırda hasilatda olan laylarda da qaz kondensatı aşkar edilmişdir ki, bu da yatağı  cənub istiqamətində genişləndirmişdir. Sınaq axınları qazma qurğusundakı  avadanlıqların maksimum gücü həddində - yəni sutkada 35 milyon standart kub fut (sutkada 1 milyon standart kub/metr) həcmində olmuşdur. Nəticələr “Şahdəniz” yatağında işlənmənin ikinci mərhələsi üçün yetərincə qaz olduğunu təsdiq edir. İkinci mərhələnin həcmini müəyyənləşdirmək üçün əlavə işlər tələb olunur, bununla belə, onun həcmcə “Mərhələ 1” işlənməsi (ildə 8,6 milyard kub/metr) ilə eyni və ya daha böyük miqyaslı olacağı gözlənilir.

bp-Azərbaycan şirkətinin prezidenti Bill Şreyder bildirib ki, quyudan əldə olunmuş nəticələr qarşıya qoyulmuş hər iki - qiymətləndirmə və kəşfiyyat- məqsədinə nail olunduğunu göstərir: “Belə bir dərin, yüksək təzyiqli kollektor hazırda sənayedə işlənib hazırlanmaqda olan yeni texnologiyalar tələb edəcək. Bu, “Şahdəniz” layihəsinin tərəfdaşları və Azərbaycan üçün çox böyük uğurdur”.

Qeyd edək ki, “Şahdəniz”də 1999-cu ildə başlanmış əvvəlki üç kəşfiyyat və qiymətləndirmə quyusu (SDX-01, SDX-02 və SDX-03) yatağın şimal cinahında hazırda hasilatda olan mərhələ 1 ehtiyatlarını qiymətləndirmək və konturlarını muəyyənləşdirmək üçün nəzərdə tutulmuşdu. Həmin quyularda əsas diqqət iki stuktur üzərində cəmləşmişdi - Fasilə lay dəsti və Balaxanı VIII intervalı.

◄ 1 2 3 4 5 6 7 8 9 10 ► ₪

Sənədin sonuncu korrektə tarixi: 26/7/2008 - 12:36:22