Kataloqun mündəricatı(/ts_gen/azl/bulet/13)

Türkiyənin Enerji və Təbii Ehtiyatlar Nazirliyinin iddiası ilə «Şahdəniz» layihəsi də daxil olmaqla, üç tenderin keçirilməsi zamanı qanunsuzluğa yol verməsi və rüşvət alması ilə bağlı başlanan istintaq işinin gedişində «BOTAŞ» şirkətinin 32 əməkdaşı həbs olunub.

30 oktyabr 2007- cı il  tarixdə  Lənkaran Dövlət Universitetində “Neft gəlirləri və onun sosial təsirləri” mövzusunda dəyirmi masa keçirilib.  Dəyirmi masa “Mədən Sənayesində Şəffaflığın Artırılması”  Koalisiyasının 2007-ci il fəaliyyət planına uyğun olaraq həyata keçirilmişdir.

Oktyabrın 26-da Mədən Sənayesində Şəffaflığın Artırılması Koalisiyasının dəstəyi ilə “Saglam İnkişaf və Maarifləndirmə” ictimai birliyinin və “Demokratik İslahatçı Gənclər” təşkilatının  birgə keçirdiyi “Gənclərin MHŞT proseslərinə cəlb olunması” layihəsi çərçivəsində yekun  konfrans təşkli edilmişdir. Konfransda giriş sözü ilə çıxış edən layihə rəhbəri Asəf Mikayılov layihənin mahiyyəti barədə, layihə çərçivəsində 4 regionda keçirilən tədbirlər barədə  konfrans iştirakçılarına hesabat məruzəsini təqdim etdi.

Oktyabrın 26- da Mədən Sənayesində Şəffaflığın Artırılması Koalisiyası Şurasının Ümumi Yığıncaqdan sonra ilk iclası keçirilib. İclasda təşkilati məsələlərə baxılıb və Qubad İbadoğlu alternativsiz yenidən Şuranın əlaqələndiricisi seçilib. İclasda həmçinin Şura üzvləri arasında iş bölgüsü də müzakirə obyekti olub.

Mədən Sənayesində Şəffaflığın Artırılması Koalisiyası oktyabrın 20- sində Koalisiyanın növbəti 10- cu Ümumi Yığıncağını keçirib. Koalisiyanın 108 üzvündən 85- nin qatıldığı Yığıncaq Novxanıdakı Akva Park İstirahət və Əyləncə Mərkəzində baş tutub.

Mədən Sənayesində Şəffaflığın Artırılması QHT Koalisiyasının (MSŞAK) fəaliyyətinə münasibəti öyrənmək,  gələcək fəaliyyətin prioritetlərini müəyyənləşdirmək, təşkilatın işini  təkmilləşdirmək, əldə edilən uğurları inkişaf etdirmək məqsədilə Koalisiya üzvləri arasında həyata keçirilən sosioloji tədqiqat işi başa çatmışdır.  Koalisiya üzvləri sorğuda iştirakda bir o qədər fəallıq göstərməsələr də, 44 nəfərı təqdim edilmiş sorğu anketində qoyulmuş sualları cavablandırmışdır.

“Мədən Sənayesində Şəffaflığın Artırılması”  Koalisiyasının 2007-ci il fəaliyyət planına uyğun olaraq Mingəçevirdə Politexnik Universitetində  “Neft gəlirlərinin effektiv xərclənməsinə ictimai nəzarətin təşkili”mövzusunda dəyirmi masa keçirilib. Toplantıda MSŞA Koalisiyasının Şura üzvü,  Demokratik İslahatlar Uğrunda Cəmiyyətin rəhbəri Oqtay Gülalıyev, Bakı və region Universitetlərində dəyirmi masaların keçirilməsi üzrə məsul şəxs Ehtiram Əli və universitetin müəllim, tələbə heyəti iştirak etmişlər.

İctimai Birliklərin MSŞA Koalisiyası 6-cı hesabatla bağlı öz rəyini bildirib. Koalisiya  növbəti auditin nəticələrinin açıqlanmasını önəmli hadisə sayır və bunu Azərbaycan hökumətinin ölkədə fəaliyyət göstərən neft və qaz şirkətləri ilə birgə mədən sənayesində şəffaflığın artırılması  yolunda atılan daha bir vacib addım kimi qiymətləndirir.

Oktyabrın 1-nə Dövlət Neft Fondunun aktivləri ilin əvvəlinə nisbətən 45,5% artaraq 1 843,8 mln. manata (2 166,5 mln. ABŞ dolları) çatıb. Fondun icraçı direktoru Şahmar Mövsümovun jurnalistlər üçün  mətbuat konfransında verdiyi məlumata görə, hesabat dövründə ARDNF-nin neft sazişlərinin həyata keçirilməsi ilə bağlı gəlirləri 1 279,3 mln. manat, o cümlədən mənfəət neftinin satışından 1 216,7 mln. manat, akr hesabı ödənişlərdən 0,8 mln. manat, bonus ödənişlərindən 39,4 mln. manat, xarici sərmayəçilər tərəfindən təhvil verilən aktivlərdən 1 mln. manat, Azərbaycanda istehsal edilən və ixrac olunan xam neftin kontrakt qiyməti ilə respublikadaxili topdansatış qiyməti arasındakı fərqdən isə 21,4 mln. manat təşkil edib.

Oktyabrın 30-da LUKOIL OVERSEAS Ltd şirkəti Azərbaycan Respublikası Dövlət Neft Fonduna 20 milyon dollar həcmində bonus ödəyib. Fonddan verilən məlyamat görə, bonus “Xəzər dənizinin Azərbaycan sektorundakı D-222  perspektivli Azərbaycan blokunun kəşfiyyatı, işlənməsi və hasilatın pay bölgüsü haqqında" Azərbaycan Respublikası hökuməti ilə xarici hasilat şirkətləri arasında imzalanmış sazişə uyğun olaraq ödənilib.

Dünya bazarında qiymətlərin yüksək səviyyəsi Azərbaycanın “Azəri-Çıraq-Günəşli” yatağının işlənməsinə dair  hasilatın-pay bölgüsü sazişi üzrə mənfəət neftinin bölgüsü prinsiplərinin vaxtından əvvəl ikinci mərhələyə keçirilməsinə imkan verəcək. Dövlət Neft Fondunun icraçı direktoru Şahmar Mövsümovun jurnalistlərin sualına cavab olaraq verdiyi məlumata görə, hazırda yataqdan hasil olunan mənfəət nefti 30 faizi Azərbaycan hökumətinə çatır, 70 faizi isə layihədə iştirakçı olan şirkətlər arasında bölünür.

* Dövlət Neft Şirkəti yeni ildən beynəlxalq maliyyə hesabatlılığı Standartlarına keçəcək Azərbaycan Respublikası Dövlət Neft Şirkəti (ARDNŞ) bütün struktur vahidləri ilə birlikdə 2008-ci il yanvarın 1-dən Beynəlxalq Maliyyə Hesabatlılığı Standartlarına (IFRS) keçəcək. Maliyyə Nazirliyindən verilən məlumata görə, gələn il bütün dövlət təşkilatları, o cümlədən ARDNŞ maliyyə hesabatlılığı sistemlərini beynəlxalq standarlara keçirməlidir. Artıq bununla bağlı hazırlıq işləri tamamlanmaq üzrədir. ARDNŞ üçün IFRS sistemi «PricewaterhouseCoopers» beynəlxalq auditor şirkəti tərəfindən hazırlanıb.