Sorğuda iştirak edən Koalisiya üzvlərinin əksəriyyyəti - 81,81 %-i hesab edir ki,  birlik fəaliyyət müddətində ölkə ictimaiyyəti arasında bu və ya digər dərəcədə  nüfuz qazanmağa müvəffəq olub. Yalnız 6,81% MSŞAK-ın buna tamamilə, 75 %  isə «qismən» nail olduğu qənaətindədir. Sorğu iştirakçılarının 11,36%-i  əmindir  ki, bu illər ərzində Koalisiyanın fəaliyyəti tam uğursuz olmuş və heç bir fayda verməmişdir. 4,54% isə birliyin fəaliyyətinə qiymət verməyin tez olduğunu bildirirlər.

Verilən cavablardan məlum olur ki, sorğu iştirakçılarının heç də hamısı Koalisiyanın işində fəal iştirak etmir. Belə ki, respondentlərin 43,18%-i (19 nəfər) müntəzəm şəkildə toplantılarda iştirak edir, təkliflərlə çıxış edir. Onlardan 25 %-i  MSŞAK-ın vahid lahiyəsinin icrasında iştirak edir. Buna baxmayaraq, demək olar ki, əksəriyyət Koalisiyanın işini izləyir, bu və ya digər formada proseslərdə iştirak etməyə çalışır - 40,9% toplantılarda bəzən iştirak etdiklərini, 50%  həm də  elektron poçt vasitəsilə yazışmalarda və tədbirlərdə  (konfrans, dəyirmi masalar) iştirak etdiklərini bildirmişlər. Yalnız onlardan 4,54 %  nadir hallarda toplantılarda iştirak edir, 9 ,09 %  isə ümumiyyətlə, MSŞAK-ın işini KİV-də passiv şəkildə izləməklə kifayətlənirlər ) Koalisiyanın işində çox passiv iştirak etdiklərini və yaxud ümumiyyətlə, iştirak etmədiklərin etiraf etmişlər. 

Maraqlıdır ki, sorğuda iştirak edən Koalisiya üzvlərinin yalnız 27,27% -ni  birliyin idarə olunmasi tam qane edir. 45,45%  Koalisiyanın idarə olunmasından qismən razıdır və hesab edir ki, müəyyən islahatlara ehtiyac var. Bir çoxları idarəetməni təkmilləşdirmək üçün təkliflər də verir. Müəyyən təkliflərlə çıxış edənlər arasında qurumun idarə olunmasından tamamilə narazı olanlar da var (22,27% ). Sorğu iştirakçılarının 4,54%-i  isə suala cavab verməkdə çətinlik çəkdiklərini bildirmişlər. Maraqlı və təqdirəlayiq haldır ki, Koalisiya üzvləri daha çox təkliflərlə məhz onun idarə olunmasi ilə bağlı suala cavab verərkən çıxış ediblər.  Daha tez-tez rast gəlinən təkliflər sırasında Şuranın peşəkarlardan təşkil olunması,  səlahiyyətlərinin dəqiqləşdirilməsi (bir variantda artırılması), Şura üzvləri arasında iş bölgüsünün aparılması üstünlük təşkil edir. Eləcə də  həmsədrlik institutunun yaradılması, idarəetmənin təkmilləşdirilməsi və ədalətli idarəetmənin yaradılması  ilə bağlı təklifləri qeyd etmək lazımdır. Nisbətən az rast gəlinən cavablardan biri Koalisiya daxilində və onun idarə olunmasında şəffaflığın olmasının arzulanmasıdır.

«MSŞAK-ın ümumu yığıncaqlarını hansı tezliklə keçirmək lazımdır?» sualına verilən cavablardan məlum olur ki, çoxluğu (68,18% ) hazırda əsasnamədə qeyd olunduğu kimi - yığıncağın yarım ildə 1 dəfə keçirilməsi qane edir. Lakin əsasnaməyə dəyişikliklər edilməsini istəyənlərin sayı da az deyil - 31, 82%, baxmayaraq ki, onlar arasında da fikir birliyi yoxdur. Belə ki,  18,18%  yığıncaqların  6 aydan bir, 9,09%  4 aydan bir, 4,05% isə iki ildən bir keçirilməsini istəyirlər.

Növbəti suala verilən cavabların nəticəsi isə mövcud əsasnamənin müvafiq müddəaları  üzərində dərindən düşünməyin və müzakirələrin aparılmasının vacibliyini ortaya qoyur. Belə ki, respondentlərin yalnız 29,54%-i  üzvlük məsələsində mövcud əsasnamənin tələblərini  (yəni iştirak etmək arzusunda olan hər kəsi qəbul etmək ) qənəaətbəxş hesab edirlər. 70,46%  isə üzvlüyə qəbul məsələsinə yenidən baxılmasını və dəyişikliklərin edilməsini zəruri sayırlar. Daha dəqiq desək, sorğuda iştirak edənlərin 40,9% -i hesab edir ki,  MSŞAK-ın fəaliyyəti ilə bağlı maraq dərəcəsini aydınlaşdıra biləcək sınaq müddətindən sonra namizədi üzvlüyə qəbul etmək olar. 22,72%  düşünür ki, üzvləri MSŞAK-ın təcrübəli çoxluğunun bəyəndiyi xüsusi prosedur qaydalarına uyğun olaraq qəbul etmək lazımdır. 4,05%  daha kəskin və qəti mövqe nümayiş etdirərək, Koalisiya üzvlərinin kifayət qədər olduğunu və onların əksəriyyətinin də fəaliyyət göstərmədiyini əsas gətirməklə yeni üzvlərin qəbulunu dayandırmağı  lazım bilir.

Sizcə, gələcəkdə MSŞAK-ın fəaliyyətində hansı istiqamətlərə daha çox üstünlük vermək lazımdır?  Bu suala verilmiş cavablardan məlum olur ki, Koalisiya üzvləri gələcəkdə daha çox - yəni 72,72 %  Azərbaycanın mədən sənayesində şəffaflığın artırılması, ictimaiyyətin daha geniş təbəqələrinin bu prosesə cəlb edilməsi, 70,45 %  mədən sənayesindən əldə olunan gəlirlər və onun xərclənməsində şəffaflığın artırılması işinə üstülük verir və bunun effektli olacağına inanırlar. Daha sonra isə respondentlərin gələcəkdə fəaliyyət istiqamətləri kimi üstünlük verdikləri sahələr aşağıdakı kimidir:  45,45%  «MSŞAK -ın fəaliyyətinin inkişafı və təbliği», 38,63% «Mədən sənayesi şirkətlərinin ölkəmizin ekologiyasına təsiri», 36,36%  «Mədən sənayesi şirkətlərində əmək hüquqlarının qorunması» və  cəmi 13,63 %  isə «Azərbaycanın mədən sənayesində şəffaflığın artırılması və onun biznes mühitinə təsirinin öyrənilməsi” kimi sahələri daha prioritet sahələr hesab edirlər. 18,18% isə tamam fərqli fikir söyləyərək, əlavə təkliflərlə çıxış etmişlər. Təkliflərdən  məlum olur ki, «Dağ mədən və digər təbii ehtiyatlarla bağlı sahələrdə fəaliyyət» (4.05%), «donorlardan asılılığın ləğv edilməsi» (2.27%), «KİV-də PR kampaniyasının aparılması»nı (2,27%) arzulayan Koalisiya üzvləri də var. Bu sualın nəticələrində maraqlı cəhət odur ki, birlik üzvlərinin əksəriyyəti  mədən sənayesi şirkətlərinin ölkəmizin ekologiyasına, biznes sahəsinə təsiri və əmək hüquqlarının qorunması kimi sahələrlə məşğul olmağa bir o qədər də önəm vermirlər. 

Növbəti «Sizcə, MSŞAK-ın hakimiyyət dairələri ilə hansı davranış forması daha məqsədəuyğundur?» sualına verilən cavablardan məlum olur ki, ən azı bir məsələdə Koalisiya üzvlərinin fikirləri  arasında qeyri-adi yekdillik hökm sürür. Belə ki sorğu iştirakçılarının 97,72%-i  ya «Dialoq və tərəfdaşlıq» (20,45 %), ya da  «Dialoq və tərəfdaşlıq, zərurət yarandıqda tənqid və təzyiq» (77,27%) cavablarını verərək həmrəylik göstərmişlər.

Digər bir məsələ -  MSŞAK-ın fəaliyyətində effektivliyi atrırmaq üçün əhalinin hansı təbəqəsi ilə işi fəallaşdırmağın lazım gəldiyinə dair suala verilən cavablar göstəriri ki, respondentlər daha çox (59,09%) tələbə və gənclər, həmçinin (54,54%) jurnalistlər və Kütləvi İnformasiya Vasitələrinin digər əməkdaşları ilə işi fəallaşdırmağı daha effektli hesab edirlər. 29,54 %  mədən sənayesində çalışanlar, habelə qadınlar və iş adamları ilə (hərəyə15,09%) işin gücləndirilməsini istəyir. 

◄ 1 ... 6 7 8 ... 12 ► ₪

Sənədin sonuncu korrektə tarixi: 26/7/2008 - 12:36:50