Bütün bunlarla yanaşı  MSŞA Koalisiyası Hökumət Komissiyası və neft şirkətləri ilə birlikdə imzaladığı Anlaşma Memorandumunun tərəflərindən biri kimi  6-cı hesabat  üzrə  növbəti auditin nəticələrini müstəqil surətdə təhlil edərək, aşağıdakı nəticələrə gəlmişdir:

1.Hesabat dövründə ölkəmizin xeyrinə planlaşdırılan  dəyişikliklər gözlənildiyi kimi qeydə alınmayıb.

2. Hasilat tempinin artmasına baxmayaraq, Azərbaycan hələ ki onun bəhrəsini adekvat həcmdə görmür.

3. Hasil olunmuş neftin tərəflər arasında bölgüsündə israfçılıq həddindən artıq çoxdur.

4. 2006-cı ildə Azərbaycan hökumətinin qazancı mənfəət neftinin pay bölgüsü müqayisədə daha çox mənfəət vergisindən formalaşmışdır. Belə ki, hesabat dövründə mənfəət vergisinin həcmi dövlətin mənfəət neftinin payından çox olmuşdur.

5. Hesablama metodu və kassa metodu arasındakı fərqlər hesabatlarda kənarlaşmalara yol açır. 

6. ARDNŞ-in Hasılatın Pay Bölgüsü  sazişində  ikili statusu manipulyasiya imkanlarını çoxaldır və hesabatlarda kənarlaşmaları artırır.

İctimai  Birliklərin MSŞA Koalisiyası 6-cı hesabat  üzrə  növbəti auditin təhlili nəticəsində aşağıdakı istiqamətlər üzrə təkliflərin nəzərə alınmasını tövsiyyə edir:

1.  Anlaşma Memorandumuna əlavə və dəyişikliklər barədə Razılaşma Memorandumun tərəfləri arasında müzakirəyə çıxarılmalıdır.

2.  Hazirda qüvvədə olan  Memorandumun tələblərindən irəli gələrək, Hasılatın Pay Bölgüsü  sazişinin keyfiyyətcə yeni mərhələyə daxil olmasını əsas götürərək  mövcud hesabat sisteminin təkmilləşdirilməsi məqsədilə tərəflər arasında müzakirələrə start verilməlidir;

3.  Şirkətlərin fərdi qaydada hesabatlar təqdim etməsi istiqamətində digər şirkətlərə nümunə olmaq məqsədilə ARDNŞ  hesabatlılığını fərdi qaydada həyata keşirilməlı və bu istiqamətli təşəbbüsə Hökümət Komissiyası dəstək verməlidir;

4.  Şirkətlərin hesabatlılıq sistemində bilməyərəkdən yaranmış problemlərin miqyasının genişlənməsini və onun daim təkrar olunmasını nəzərə alaraq onların müvafiq heyəti üçün hesabatların doldurulması üzrə kurslar təşkil olunmalıdır;

5.  Memorandumun tərəflərinin  maraqları nəzərə alinmaqla və yuxarıda təklif olunan tövsiyyələrin reallaşması da daxil olmaqla  tərəflərin öhdəlik və məsuliyyətlərini konkret zaman çərçivəsində  özündə əks etdirən və növbəti ildən start götürən  Fəaliyyət Planının işlənilməsinə başlanılmalıdır. 

Xatırladaq ki, Mədən Sənayesində Şəffaflığın Artırırlması Koalisiyasının sözü gedən rəyi KİV- in iştirakı ilə ictimayyətə təqdim edilib. Təqdimat mərasimi Beynəlxalq Mətbuat Mərkəzində baş tutub.

◄ 1 ... 4 5 6 ... 12 ► ₪

Sənədin sonuncu korrektə tarixi: 26/7/2008 - 12:36:54