Kataloqun mündəricatı(/ts_gen/azl/bulet/12)

5 oktyabr 2007- ci il tarixdə “Мədən Sənayesində Şəffaflığın Artırılması” Koalisiyasının 2007-ci il fəaliyyət planına uyğun olaraq “Təfəkkür” Universitetində Dəyirmi Masa keçirilmişdir. Dəyirmi Masada, MSŞA Koalisiyasının koordinatoru, İqtisadi Tədqiqatlar Mərkəzinin direktoru Qubad İbadoğlu, Universitetlərlə bağlı layihənin assistenti Ehtiram Əli, Universitetin professor-müəllim və tələbə heyəti iştirak etmişlər. Dəyirmi Masa iştirakçılarının sayı 52 nəfər olmuşdur.

Trend Agentliyinə verdiyi müsahibədə “ Publish What You Pay “ (Odeditini aciqla) ” beynelxalq QHT-nin Strateji Meslehet Qrupunun (SMQ) Avrasiya regionu üzrə nümayəndəsi, İctimai Vəsaitin Monitorinqi Mərkəzinin rəhbəri İnqilab Əhmədov bildirib ki, hasilat sənayesində şəffaflıq təşəbbüsünün yaxın illərdə inkişaf strategiyası , Osloda ötən həftə «Publish What You Pay» təşkilatının SMQ-nin ilk görüşundə müzakirə olunub.

Azərbaycan Dövlət Neft Fondundan (ARDNF) 2001-ci ildən başlayaraq 2007-ci il iyulun 31-dək qaçqın və məcburi köçkünlərin sosial-məişət problemlərinin həlli məqsədilə görülən tədbirlərin maliyələşdirilməsinə ümumilikdə 318,7 mln. manat vəsait ödənilib. Bu barədə dövlət başçısının yanında keçirilən müşavirədə ARDNF-in icraçı direktoru Şahmar Mövsümov məlumat verib.

Nazirlər Kabineti 2008-ci ilin dövlət büdcəsinin layihəsini təsdiqlənməsi üçün ölkə prezidentinə təqdim edib. Kabinetdən verilən məlumata görə, 2008-ci il üçün nəzərdə tutulan dövlət büdcəsinin gəlirləri 2007-ci ilin analoji proqnozuna nisbətən 27,9% artırılaraq 7,383 mlrd. manata çatdırılıb. Büdcə xərcləri isə 8,509 mlrd. manat həcmində proqnozlaşdırılır ki, bu da cari il üçün nəzərdə tutulandan 34,7% çoxdur. Nəticədə, 1,126 mlrd. manatlıq büdcə kəsirinin yaranacağı gözlənilir.

BP şirkətinin yeni prezidenti Toni Heyvord (Tony Hayward) yaxın vaxtlarda şirkətin strukturunda ciddi kadr islahatlarının aparılacağını bildirib. Onun sözlərinə görə, bu ilin III rübündə şirkətin maliyyə göstəriciləri «dəhşətli» olacaq. Belə ki, dünya bazarında neftin qiymətinin rekord göstəricilərinə baxmayaraq, bp-nin maliyə göstəriciləri 1992-1993-cü illərdəki maliyə böhranından sonra ən minimal həddə düşüb. Buna səbəb isə ABŞ-da qazın qiymətinin düşməsi, emalın azalması, həmçinin iri layihələrin icrasının ləngiməsi kimi amillər olub.

Cari ilin yanvar-avqust ayları ərzində Azərbaycanda ümumilikdə 28,558 mln. ton neft hasil edilib ki, bu da ötən ilin analoji dövründəkindən 8,386 mln. ton və ya 41,6% çoxdur. ARDNŞ-dən verilən məlumata görə, «Azəri-Çıraq-Günəşli» (AÇG) yataqlarının işlənməsi ilə məşğul olan Azərbaycan Beynəlxalq Əməliyyat Şirkəti (ABƏŞ) yanvar-avqust aylarında 22,674 mln. ton neft hasil edib. Bu, 2006-cı ilin yanvar-avqust aylarındakından 8,486 mln. ton və ya 59,8% artıqdır.

Dövlət Neft Şirkətinin Ceyhanda inşa edəcəyi neft emalı zavodunun ilkin dəyəri 4 milyard dollar civarında qiymətləndirilir. Şirkətin prezidenti Rövnəq Abdullayevin “Trend” agentliyinə verdiyi məlumata görə, zavodu ARDNŞ və TURQAS alyansı tikəcək.

Bakı-Supsa kəməri ilə neft nəqlinin bərpası gələn ilə qalıb. Bu barədə məlumat verən ARDNŞ prezidenti Rövnəq Abdullayevin dediyinə görə, istismarı ötən ilin oktyabrında dayandırılan kəmərin Gürcüstan hissəsində yaranmış problem 2008-ci ilin martınadək aradan qaldırılacaq.

Sentyabr ayında «Azəri - Çıraq - Günəşli» strukturunda aparılan hasilat işləri 20 gün müddətində qismən dayandırılıb.

Bakı-Tiflis-Qars dəmiryolu xətiinin Gürcüstan hissəsində tikinti işləri noyabrın birinci yarısında başlayacaq. Nəqliyyat naziri Ziya Məmmədovun mətbuata verdiyi məlumata görə, artıq xəttin Türkiyə hissəsinin tikintisi üçün tender elan olunub və yaxın vaxtlarda icraçı təşkilatın adı açıqlanacaq: “Bundan sonar Türkiyə tərəfi də bilavasitə tikinti işlərinə başlayacaq.”

Mədən Sənayesində Şəffaflığın Artırılması QHT Koalisiyası ARDNŞ-nin maliyyə axınlarını izləyərək, şirkətin fəaliyətini şəffaflıq baxımından qiymətləndirəcək. Qurumun vahid layihəsi çərçivəsində həyata keçirilən fəaliyyəti Koalisiya üzvü Azad İqtisadiyyata Yardım İctimai Birliyi icra edir.

1 illik fasilədən sonra «Mədən Sənyesində Şəffaflıq» jurnalının növbəti sayı işıq üzü görüb. İctimai Birliklərin Mədən Sənayesində Şəffaflığın Artırılması Koalisiyası tərəfindən Açıq Cəmiyyət İnstitutu Yardım Fondu tərəfindən maliyyələşdirilən jurnal rübdə bir dəfə olmaqla nəşr ediləcək.

Məlum olduğu kimi avqustun 24-də Mineral Ehtiyatlarının Hasilatı ilə Məşğul olan Sənaye Sahələrində Şəffaflıq Təşəbbüsü (MHŞT) üzrə Komissiya Azərbaycan hökümətinin mədən hasilatı sənayesində əldə etdiyi məcmu daxilolmaları barədə altınci hesabatını açıqlayıb. Hesabatlara hasilat (neft-qaz) sənayesində fəaliyyət göstərən şirkətlərin təqdim etdikləri fərdi hesabatların təhlili əsasında «Moore Stephens» audit şirkətinin verdiyi rəy də daxildir.

27 sentyabr 2007- cı il  tarixdə  Sumqayıt Dövlət Universitetində “Neft gəlirlərinin xərclənməsində şəffaflığın artırılması və onların səmərəli istifadəsi” mövzusunda dəyirmi masa keçirilib.  Dəyirmi masa “Мədən Sənayesində Şəffaflığın Artırılması”  Koalisiyasının 2007-ci il fəaliyyət planına uyğun olaraq həyata keçirilmişdir.

Məlum olduğu kimi Mədən Sənayesində Şəffaflığın Artırılması Koalisiyası Şurasının qərarı ilə bu ilin oktyabrın 20- sində Koalisiyanın növbəti 10- cu Ümumi Yığıncağının keçirilməsi qərara alınıb və artıq bununla bağlı Yığıncağa  Hazırlıq üzrə Təşkilat Komitəsi (TK) də yaradılıb.