Kataloqun mündəricatı(/ts_gen/azl/bulet/10)

İyul ayının 22- də Baləkəndə MSŞA - Koalisiyasının vahid layihəsi çərçivəsində “Neft gəlirlərlərindən necə istifadə olunur” mövzusunda dəyirmi masa keçirilib. Tədbirdə Balakən şəhərinin 30 – a qədər ictimai fəalı: (yerli QHT- lərin rəhbərləri, qızıl aypara və insan haqları resurs mərkəzinin rəhbərləri, müəllimlər, məmurlar, həkimlər, tələbə gənclər, yerli siyasi partiyaların( yerli YAP sədr müavini və yerli Musavat partiyalarının sədri) və b.), eləcədə, sublayihənin həmkoordinatoru Demokratik Dəyərləri Müdafiə fondunun rəhbəri Əsgər Əhməd, tədbirin təşkilatçısı “Qadınlar Arasında Həmrəylik İctimai Birliyi”nin rəhbəri Ruhəngiz Hüseynova və məruzəçi kimi Azad İqtisadiyataya Yardım Mərkəzi”nin rəhbəri, Zöhrab İsmayılovda iştirak edirdilər

27 iyul 2007-ci il tarixində “Sağlam İnkişaf və Maarifləndirmə” ictimai birliyi və “Demokratik islahatçı gənclər” ictimai birliyi MSŞA Koalisiyasının 2007-ci il üçün Vahid Layihəsinin “Gənclərin MHŞT proseslərinə cəlb olunması” istiqaməti çərçivəsində Tovuz rayonunda dəyirmi masa keçirmişdir. Dəyirmi masada 20 nəfər gənc iştirak etmişdir.

Iyulun 24- də Mədən Sənayesində Şəffalığın Artırılması üzrə QHT Kolalisiyası Dünya Bankı İnstitunun 212 ölkə üzrə açıqladığı «Effektiv idarəetmənin indikatorları» sənədinin müzakirəsini keçirdi. Tədbirdə Koalisiyanın əlaqələndiricisi Qubad İbadoğlu «Effektiv idarəetmənin indikatorları üzrə Azərbaycanın mövqeyi dinamikada və ölkələrarası müqayisədə» təqdimatla çıxış etdi.

2007-ci il iyunun 12-də Naftiran Intertrade Co. Limited (NİCO) şirkəti Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsünün (MHŞT) Azərbaycanda tətbiqinə dair Qarşılıqlı Anlaşma Memorandumuna qoşulması barədə aktı imzalamışdır. “Qoşulma Aktı”nı imzalamaqla NİCO Memoranduma qoşulmuş digər şirkətlər kimi növbəti –altıncı hesabat dövrü (2006-cı il üzrə illik) Azərbaycan Respublikası hökumətinə ödənişləri barədə hesabat verəcək.

İyulun 17-də Amerikanın “ConocoPhilips” neft şirkəti sentyabrın 30-dan etibarən Azərbaycandakı fəaliyyətini dayandırdığını və Bakıdakı filialının bağlandığını elan edib. “Trend” agentliyinin yaydığı məlumata görə, 62 gün ərzində şirkətin filialı bütün zəruri ödənişləri həyata keçirəcəyinə təminat verir.

Nigeriya Mədən Sənayesində Şəffaflıq Təşəbbüsü aktının qüvvəyə minməsini dəstəkləyən aparıcı qeyri-hökumət təşkilatlarından biri olan ÖDƏDİYİNİ AŞKARLA-Nigeriya keçmiş prezident lider Olusegun Obasanjonun ötən çərşənbə axşamı ofisi tərk etməzdən əvvəl qanun layihəsinin qüvvəyə minməsi üçün imzalamasını dəstəkləyib. 

ARDNŞ-nin Türkiyənin ən böyük neft-kimya şirkəti olan «Petkim»in səhmdarı olmaq cəhdi baş tutmayıb. Belə ki, iyulun 5-də şirkətin səhmlərinin 51 faizinin özəlləşdirilməsi üzrə keçirilən investisiya müsabiqəsində “TransCentralAsia” neft-kimya holdinqi qalib gəlib. Xatırladaq ki, ARDNŞ müsabiqəyə törəmə qurumu olan «Socar&Turcas» şirkəti vasitəsilə qatılmışdı. 18 şirkətin qatıldığı müsabiqənin yekununda «Petkim»in nəzarət səhm paketi 2,05 mlrd. ABŞ dollarına «TransCentralAsia Petrochemical Holding Joint Venture Group, Ineos Holdings Ltd.» (Böyük Britaniya, Rankorn şəhəri) şirkətinə satılıb. İddiaçıların sayı çox olduğuna görə, müsabiqənin gedişində «Petkim»in hərraca çıxarılan səhmlərinin qiyməti az qala 3 dəfə artaraq 700 milyon dollardan 2 milyard dolları keçib. Eyni zamanda holdinqin bazar dəyəri də 4,019 mlrd. dollaradək yüksəlib. Müsabiqənin sonunda Qazaxıstan şirkəti ilə mübarizədə tək qalmış «Socar&Turcas» şirkəti isə təklifini yalnız 2,04 mlrd. dollaradək artıra bilib.

Mədən Sənayesində Şəffaflığın Artırılması Koalisiyasının Vahid layihəsi çərçivəsində  “Vətəndaşların məlumatlılığı və neft gəlirlərinin səmərəli istifadəsinə maraqlarının artırılması kampaniyalarının keçirilməsi” fəaliyyət istiqamətinə uyğun növbəti  dəyirmi masa keçirilmişdir. Tədbirin movzusu  “Neft gəlirləri və ondan səmərəli istifadə məsələləri” olub.

Iyunun 30-da Gəncədə "Novosti Gəncə", "Gəncənin səsi", "Qanun və intizam", "Ruzigar" qəzetlərinin baş redaktorlarınin iştirakı ilə Media Forum keçirilib. Forumda MSŞА Koalisiyasının Şurа üzvləri Sabit Bağırov və Oqtay Gülalıyev, Ehtiram Əli, Koalisiyanin Gəncə bolməsinin kordinatoru Aslan Vəliyev, taninmiş ekoloq Irşad Abbasov iştirak ediblər.

Mədən sənayesində Şəffaflığın Artırılması Koalisiyasının üzvü olan Regional Uşaq Fondu (Gəncə) təşkilatı Açıq Cəmiyyət İnsititutu-Yardım Fondunun maliyyəsi əsasında çəkilmiş  «Neft və milyardlar səltənətində» adlı sənədli filmin regional televiziyalarda nümayişini davam etdirir.

Koalisiyanın “Vahid Layihə” çərçivəsində həyata keçirdiyi “Neft gəlirlərinin səmərəli xərclənməsinə dair radio-debatın keçirilməsi” layihəsi əsasında növbəti radio-debat 04.07.07-ci ildə “İctimai Radio”nun “Diqqət Mərkəzi” ndə verilişində yayımlanmışdır.Verilişin mövzusu “Neft, demokratiya və Qarabağ münaqişəsi”, qonağı isə Koalisiya Şurasının üzvü Mehriban Vəzir olmuşdur.Radio tərəfindən verilişə MM-in İqtisadiyyat Komissiyasının üzvü, millət vəkili Nazim Məmmədov dəvət edilmişdi.

Koalisiyanın “Vahid Layihə” çərçivəsində həyata keçirdiyi “Neft gəlirlərinin səmərəli xərclənməsinə dair radio-dialoqun keçirilməsi” layihəsi üzrə növbəti radio-dialoq iyul ayının 11-də həmişə olduğu kimi İctimai Radionun “Diqqət Mərkəzində” verilişində canlı olaraq yayımlanıb.

Mədən Sənayesində Şəffaflığın Artırılması Koalisiyasının üzvü olan Neftçilərin Hüquqlarını Müdafiə Komitəsi və Azad İqtisadiyyata Yardım Mərkəzi Dövlət Neft Fondundan maliyyələşdirilən “Samur-Abşeron kanalının yenidənqurulması” layihəsinin monitorinqini həyata keçirirlər. Monitorinq çərçivəsində DNF və layihənin idarəçiliyini həyata keçirən Meliorasiya və Su Təsərrüfatı ASC-yə ünvanlanan sorğulara verilən cavablardan aydın olub ki, neft gəlirləri hesabına layihənin Taxtakörpü su anbarının və Su Elektrik Stansiyasının tikintisini nəzərdə tutan 277 milyon manatlıq hissəsi icra edilir. Stansiya üçün zəruri olan avadanlıqların alınıb quraşdırılması bu məbləğə daxil deyil. Taxtakörpü su anbarının ümumi su tutumu 268 mln. kubmetr, faydalı həcmi isə 219 mln. kubmetrdir. Anbarın aşağı bəndində gücü 25 MVt olan SES-in tikintisi nəzərdə tutulur. Layihənin 2010-cu ildə başa çatdırılması planlaşdırılır.

Iyulun 12-də Mədən Sənayesində Şəffaflığın Artırılması Koalisiyasının üzvü olan İqtisadi və Siyasi Araşdırmalar Mərkəzinin (İSAM) təşkilatçılığı, USAİD və Avrasiya Fondunun maliyyə dəstəyi ilə “Neft gəlirləri və institusional islahatlar” mövzusunda Dəyirmi Masa keçirilib.

Nizamnamə kapitalı (90 milyon manat) Dövlət Neft Fondu hesabına formalaşdırılan Azərbaycan İnvestisiya Şirkətinin Avropa Yenidənqurma və İnkişaf Bankının məsləhətçisi olan “Allied İnvestment Company” tərəfindən hazırlanan neft-kimya kompleksinin yaradılmasını nəzərdə tutan layihə ilə bağlı bir sıra suallar yaranıb. Bu barədə məlumat verən şirkətin Müşahidə Şurasının icraçı direktoru Anar Axundovun sözlərinə görə, əsasən layihənin texnoloji və maliyyə tərəfləri ilə bağlı olan suallar artıq məsləhətçiyə göndərilib və yaxın vaxtlarda cavablar alındıqdan sonra layihə hökumətə təqdim olunacaq. Qeyd edək ki, mövcud variantlardan biri kimi kompleksin Sumqayıtdakı kimya zavodlarının bazasında yaradılması planı var. Layihənin 3 mərhələdə 10 ilə icra etmək nəzərdə tutulur. Onun ilkin dəyəri 500 mln. dollar qiymətləndirilir,  lakin layihə başa çatdırılanadək bu həcmin artacağı gözlənilir.

Dövlət Neft Fondu neft gəlirlərinin şəffaf idarə olunması, beynəlxalq Şəffaflıq Təşəbbüsünün Azərbaycanda tətbiqi və Fondun fəaliyyəti barədə Azərbaycan ictimaiyyətinin maarifləndirilməsi məqsədilə jurnalistlər üçün “Ən yaxşı təhqiqat yazısı” müsabiqəsini elan edib.

“Dövlət Neft Fondunun Müşahidə Şurasında (DNFMŞ) ictimai birliklərin təmsilçiliyinə şərait yaradılmalıdır”.  Bu fikir Mədən Sənayesində Şəffaflığın Artırılması (MSŞA) Koalisiyası və Vətəndaş Cəmiyyətinə Dəstək Koalisiyasının (VCDK) birgə konfransında səsləndirilib.